"المعنى الحقيقي للصلافة ينطبق علية
طابة للكلية اتمشى بكل هدوء واني كلشي مقارية
وعندي امتحانين!"
"لو يسألني الدكتور وين جنتي من البارحة لليوم شنو رح اكله؟"
"مشيت للمكان المعتاد مالتنا من بعيد شفت اوركيد واكفة تتعارك ويا عمر مو عمو ابو احمد كال اوركيد مارح تداوم اليوم هاي شجابها؟"
"هستوني وكفت يمهم عمر رفعلي حاجبه مسوي روحه زعلان لان البارحة كتله تقرير حيدر طلع زين بعنادك اما اوركيد لزمتني تكلي اخوج خاين هذولة شلون اصارحهم اني جاية للكلية ماعرف شي بس كرامتي واشهد ان لا إله إلا الله؟!"
"بدون ما احجي درت وجهي ومشيت للقسم مالتي
اليوم كلش تعبانة من كثر التعب حتى مسكارة ماحطيت طالعة جني وحدة تتعاطى وكاطعة تعاطي"
"كل الي اذكره الصبح فتحت عيوني على صوت قحطان يسألني ليش نايمة بالصالة وابو أحمد ثبر المنطقة وكعد كل الناس النايمة بالهورن مالته بدون ما ارد على قحطان كمت دايخة وكفت عدل صافحت قحطان وطلعت من الصالة من صدمة قحطان ظل واكف بمكانه ميعرف شنو يسوي وحقه ما الومه اكو وحدة يكعدوها من النوم تكوم تصافح الناس وتمشي؟"
"لبست اي شي كدامي ومن اكول اي شي من صدك اي شي بنطرون اسود وقميص ابيض وسترة خضرة ... اي خضرة طالعة جني علك رح يحلفون بية الناس وشال اسود وبدون جنطة والحذاء بيجي ما نتبهت على تنسيق ملابسي الة بالازدحام الاخير القريب على الكلية وحرفيا يلعب مليار نفس اني شلون اطلع من البيت بدون جنطتي الي بيها كلشي احتاجه ابسط شي فلوس أو اقلام اخذت بس الملازم الي بيهن امتحان وماقريتهن"
"وكفت بنص الدرج تذكرت حيدر ظليت جامدة.... يمة يمة يمة هستوني استوعبت يمةةةة هذا شكال؟!
حنان انتي اغمى عليج بنص الليل؟! لو جنت دا احلم لو شنوووو؟ زين لو جنت دا احلم شنو الي وداني للصالة؟
لا لا اني متاكدة كلشي حقيقة لان من جنت لازمة كوب الجاي بايدي جان حار ومن ضحكت شوية من الجاي وكع على ايدي وحسيت بحرارة الجاي وحتى حسيت بوغز مال لحيته من باس راسي الفجر....عزااا حراام هسة اني صاااايمةةة"
ثامر:حنان!.... حنانن
حنان بانتباه:هاا
ثامر:شبيج واكفة بنص الدرج؟
حنان:ها اي اسفة تفضل
"هذا منو؟ وشلون يعرف اسمي؟
صعد قبلي واني صعدت امشي وعيني على الكاع شلون يكلي تعالي صيري حبيبتي هيج عينك عينك بعد الي سواه؟؟!"
"دا امشي وفجأة نضربت بشي اليوم شكو يالنبي محمد"
ثامر:حنان انتي مريضة اليوم؟
حنان:انت... انت شلون اقصد منين تعرف اسمي
ثامر:الظاهر الصيام كلش مأثر عليج من بداية النهار
حنان:عفوا؟!
ثامر:اني ثامر وياج بالقسم من هذيج السنة اني وياج طلعنا بمرتبة امتياز نسيتي من كرومنا ثنينا بنفس اليوم؟!
حنان:هاا ايي هه .. ه ...مدا اتذكرك
ثامر:زين... قبل سبوع اخذت منج قلم سوفت اسود حتى اكتب بي تتذكرين؟
