يومين كاملين واني احاول اتجاهل الظيف الموجود ببيتنة ابد ما انزل من غرفتي من هو موجود بالبيت
والصبح ما اشوفه لان اني بالمدرسة
السبت 2:32 الصبح
نزلت من غرفتي واني تعبانة من الدراسة
وصلت للمطبخ توجهت للثلاجة لكيت امي مبقيتلي من العشة اخذت الاكل حميته وكعدت انتظر الاكل
حطيت راسي على الميز وغمضت عيوني تخيلت عندي خوات وياية نكعد نضحك ونسولف ونتعارك ونصير صديقات....ريحة الاكل!
كعدت اكل بصمت نسيت انزل تلفوني حتى اتونس بي واني اكل
خلصت اكل بكل هدوء اخذت الماعون مالتي ورحت غسلته
/احمم
حنان/قحطان ما اسويلك اكل لان خلصته
حيدر/وليش؟
هذا مو صوت اخوية
درت وجهي لجهة الصوت هذااا مو اخوية
حيدر/صباح الخير
ظليت واكفة وجامدة بمكاني جيته غلط اني ما لابسة شالي ولا ملابسي مال هيج موقف
حيدر/اريد كلاص مي
حنان/ما تشرب انت؟
حيدر/اريده منج
حنان/ها؟!
مثل الثولة والله ثووولة كدامه شسويي؟
المطبخ أظلم وبس ضوا الطارمة جاي لداخل المطبخ
اخذت كلاص مي ورحت ترسته
هو ظل واكف طبيعي
حيدر/ليش من سالتج على بيتكم تكليلي ماعرف
وكفت عن المشي عرفت رح يسألني هيج سؤال واني رح انحصر بجواب ماعرفه شنو
...الوقت الحاظر...
الجوو بارد
هو كاعد على الميز كدامي
ثواني وسمعت صوت ضحكته
حيدر/انتي تخافين مني؟
حنان/لا
حيدر/لعد شبيج رح تموتين من الخوف
حنان/ماخايفة
حيدر/شكد عمرج؟
حنان/18
حيدر/طولة العمر أن شالله
حنان/اجمعين
اني شنو رجعت لغيتت
شنو اجمعين شدخلهة بنص الكلام
حيدر/اذا تخرجتي ان شالله يا اختصاص ببالج تردين تروحين؟
حنان بخجل/اريد ابطل
حطيت ايدي على حلكي اني دا اجفص جفصات مو طبيعية
حنان/لا اقصد اريد ادخل اختصاص علوم اغذية او علوم احياء
شفت الابتسامة بوجهه عيونه...حلوات
شرب كلاص المي كامل وكام من مكانه اجة يمي
اجة يمي شرايد عمو؟
وخر خالو
حنان هذا وكف كدامجج!!
شفته حط الكلاص بصفي على الكاونتر
حط ايده على راسي خربط شعري وكذلتي
حيدر/لا تتهربين مني ترة اني ما اعض
حنان/ماتهربت منك
حيدر/صارلج يومين شاردة فوك بالنسبة لهذاك الموقف قبل يومين ...هههه ترة يضحكني ما يفشل
عدل شعري مثل ما خربطه كرص خدي وراح
حطيت ايدي على خدي لكيته صاير بركان
كلبي يدك ملييووون دكة بالثانية يمة هذا شسوة؟
حسيت رح اجمد من البرد امشي واني ارجف وايدي على خدي
ماكدرت اصعد الدرج من الهبوط الي صار بية ظليت كاعدة على الباية مال الدرج احاول استوعب الي صار قبل ما افقد عقلي
حنااااننن شدا يصيرلج اصحي هييووو
كمت من مكاني وركض للغرفة مالتي حتى كمت اعبر بايتين بايتين
طبيت للغرفة وكبل جوة الغطوة
حنان/ايده جبيرةة اكبر من نص وجهي ....يمةةةة
تحسبوني نمت باليل؟ ههههه لا ما نمت
وظليت الليل كله كاعدة ماكدرت انام مستحيل انام واني صارلي هيج موقف ويا هذا الرجااال
كل ما اذكره وهو يعدل شعري احس بكلبي يفز
يامن يجيب الصبح حتى اتصل على رندة واكلهة كلشي صار اني رح اموووتتت
........
نزلت من فوك شفت ماما دا تسوي ريوك
حنان/صباح الخير
ام قحطان/صباح النوور
رحت كعدت على الميز صبيت جاي ظليت اشرب منه شوية شوية لانه حار
حيدر/صباح الخير
رفعت راسي شفت هذا حيدر هو وابتسامته الباينة على وجهه
حنان بهمس/صباح النور
حيدر بهمس/ترة اسمعج
حنان/سمعت؟!
حيدر/ههههه
ضحكته لطيفة
حسيت على نفسي واني مبتسمة ويا
حيدر/يا مادة تحبيهة؟
حنان/احياء
حيدر/اني من جنت بكدج جنت احب مادة الأحياء بس على كثر ما رسبت بيهة كرهتهة
يحجي وياية واني اباوع بعيونه مو كادرة اتخطاهن
ماما طلعت من المطبخ وراحت تكعد قحطان
سمعت صوت الهورن مال ابو الخط كمت من مكاني بسرعة اخذت جنطتي وكمت من مكاني
احد لزم ايدي لتفتت للي لزم ايدي لكيته حيدر
حيدر/وين؟
حنان بتوتر/ابو الخط اجة
حيدر/شمدريج؟
حنان/مو اعرفه
كام من مكانه اخذ جنطتي مني وطلع يمشي كدامي جنطتي شايلهة على جتف واحد
ظل منتظرني البس حذائي وبعدين مشة كدامي فتحلي باب البيت
لكيت ابو الخط واكف بباب البيت
حنان بخجل/كتلك ابو الخط مالتي
حيدر/الحذر واجب بنيتي
راح لابو الخط سلم عليه واني ظليت واكفة بمكاني
حنان بهمس/بنيتي؟!... اني؟؟!
حيدر/يلة حنان
شفته فتحلي باب السيارة
رحت كعدت بالسيارة اطاني الجنطة مالتي وسد الباب
اشرلي بايده باي
ظليت اباوعله من الجامة كلبي رح يطلع من مكانه من الي دا يصيرلي
ابو احمد(السائق)/هذا اخوج؟
حنان/لا عمو هذا ابن عمي
ابو احمد/مو اكول اني ما شايفه يمكم
جنطتي كلهة من ريحة عطره
ظليت حاضنة جنطتي الطريق كله ومبتسمة
تعكر مزاجي من كال عمو ابو احمد وصلنة للمدرسة
نزلت من السيارة واني حاضنة جنطتي مثل الخوثة
طبيت للمدرسة امشي لصفي
حنان/لازم نطلع معدل حلو حتى ندخل كلية علموم احياء
اول مرة بحياتي اتحمس للدراسة بهاي الطريقة
وادخل للمدرسة واني فرحانة
شكرا حيدر...
