حيدر باستغراب/جنت أزور
حنان/تزور منو؟
حيدر/الإمام الكاظم بيج شي؟
حنان/جنت تزووورر؟
حيدر/اي بوية جنت أزور لعد وين جنت؟
حنان/ههه...ههههههههههه
حطيت ايدي على جتفه وظليت اضحك على غبائي الجبير
حيدر/الدراسة أثرت عليج
حنان/اتفقق هههه
نتبهت على نفسي وخرت من يمه
حنان/اصبرلي ثواني وراجعتلك
طلعت من المطبخ بسرعة
صعدت فوك
حنان بهمس/غباء غبااااااءء والله اخذ مركز اول بالغباء من الصبح واني مهمومة وضايجة عبالي رايح يشوف حبيبته طلع رايح يزور والمصيبة شلون احط ايدي على جتفه هسة شنو رح يكول عني؟
حطيت ادية على وجهي خربطت شعري ورجعت عدلته
رحت للغرفة لبست روب ونزلت هسة احس بالارتياح مو ببجامة طالعة
رجعت للمطبخ لكيته كاعد على الميز ولازم تلفونه
بس شافني ترك موبايله وعدل كعدته
حيدر/ما شفتج اليوم الصبح
حنان/مو انت جنت طالع
حيدر/اي والله صح من الفجر توكلت
حنان/من الفجر؟!
حيدر/اي صليت وطلعت
حنان/شلونهة الزيارة
حيدر/احلا شي جربته بحياتي مكانج خالي
حطيت الاكل كدامه
حنان/زيارة مقبولة
حيدر/تقبل الله اعمالج
حنان/وبالعافية
حيدر/الله يعافيج اكلي وياية
حنان/قبل شوية اني وصديقتي اكلت ما اشتهي
حيدر/ براحتج بوية
حنان/اذا تحتاج شي اني موجودة بغرفتي بس صيحلي واني انزلك
حيدر/تسلمين حبيبتي روحي نامي ورتاحي
هذا شكال؟! شنووو كااااااللللل؟!!!!
حبيبتتييي؟؟!
امشي واني مو مستوعبة الجملة الي كالهة حبيبته؟!
وصلت لنص الدرج
يا ناس يا عالم اني اذاناتي هلوسن؟! حيدر يكلي حبيبتي؟!
طبيت لغرفتي واني احس عظامي يرجفن من الخجل والتوتر اول مرة اسمع هذا الجملة من احد غريب ومن رجال!
.
.
لا حنان اكيد ما يقصد معنى الكلمة حرفيا اذا هو معتبرج مثل بته كل شوية كايلج بوية اكيد يقصدهة بمعنى المجاملة عيب اثكلي مو هلكد تصيرين خفيفة
اي اكيد دا يقصد مجاملة ومو صدك حبيبته
رحت لفراشي واني كلبي يركض كدامي
بس حتى لو مجاملة حبيت الكلمة
لا اني صدك تسودنت
حصرت راسي جوة المخدة حتى ما افكر واتورط بتفكير لا نهائي ومن كثر ما متوترة نمت اني والروب
.......
..2:11 الصبح..
البيت هدوء الكل نايمين كاعدة اكل من الفواكه الي ماما جابتليا واقرا بالرياضيات الاكشر
ذبيت القلم من ايدي فركت عيوني بتعب
حنان/باجر اكمل بعد ماكدر قفلت
كمت من مكاني وتمصرت
حنان/تكسرررتت
سمعت صوت خطوات برة الغرفة
منو يفتر بالبيت بهيج وقت؟
اخذت جاكيتي وفتحت باب الغرفة شفت حيدر يصعد للطابق الفوك شعنده صاعد؟!
