ما تغديت وياهم لان عمتي صبا اتصلت على ماما وكالت رندة تريدني يمهة العصرية ما رفضت امي ووافقت اروح
........
رندة/شوكت حضنج؟
حنان/اليوم الصبح
رندة/اوووووو الحدث بعده بالباكيت
حنان/بس رندة ليش هو من الصبح يتجاهلني؟
رندة/اتوقع ردة فعل طبيعية
حنان/مفهمت؟
رندة/يمكن هو خجلان منج على الي صار الفجر
حنان/بس هو الي بادر مو اني هو الي حضني مو اني
رندة/عاادديي هو انتي لو هو تبقى نفس ردة الفعل
حنان/ماعرف
رندة/شكلج ما قتنعتي حمارة
حنان/مو قصة ما مقتنعة بس احس اكو شي غلط بالموضوع حيدر بليل اختلف جذريا عن حيدر الصبح
رندة/زين هو جان دائما حباب وياج؟
حنان/هو شنو الي خلاني احبه غير معاملته اللطيفة وياية
رندة/اوووو شوف حبيبي الزعلان تعاي بنوتي تعاي لحضني
حنان/رندةة
رندة/شبيج احضنج مثل حبيب الكلب حيدوري
حنان/معقولة صار يشوفني بغير طريقة؟
رندة/يعني؟
حنان/يعني صار يشوفني خفيفة
رندة/مستحيل هو مو اجة النة الرجال ابد مو باين عليه راعي هيج افكار بس اني متاكدة هو مستحي
حنان/يعني هو ما يشوفني خفيفة؟
رندة/حبيبتي انتي اثكل من البلوكة
حنان/احبج
رندة بهمس/اني همم ....يحلوة كومي ناكل اندومي تعلمت طريقة جديدة تموووووووتتتت حتى ابوية حبهة
حنان/لا تحطين فلفل بطني توجعني اذا اكو فلفل
رندة/ماشيي ما احطلج فلفل كومي ساعديني
ظليت العصرية كلهة يم رندة نسولف وشوية ضحكنة على سوالفنة القديمة بعدين اجة ابوهة ورجعني لبيت اهلي
طبيت لكيتهم كاعدين بالكلدور يسولفون بابا طلع يسلم على رجل عمتي وبقو بس حيدر وقحطان
قحطان/الله يرحمه لجدج جان خوش انسان
حنان/اي والله الله يرحمه...ههه
...حيدر... (واخيرا حجةةةةةةة😭)
عيوني راحن الهة شفت ضحكتهة مبين من الضحكة هي متوترة ردت ابتسملهة واباوع بعيونهة بس
ماكدرت نزلت راسي سويت نفسي مشغول بالموبايل
واني عارف انو هذا الشي رح يكسر بيهة بس مضطر واللهِ
...........
من جديد رجع تجاهلني
والله شكلهة السالفة مو مثل ما كالت رندة اكو شي بالموضوع
صعدت لغرفتي واني احسني اريد اصيح من الغبنة والقهر بليل مثل البلسم على الجرح وبالنهار يسوي نفسه ما يشوفني
مالكيت شي ثاني اطلع بي حركة كلبي غير الدراسة فتحت الكتب مالتي وكعدت اقرا حتى اللهي نفسي عن كل هذني الافكار
هي نصة وحدة ما شلت راسي عن الكتب الة من شفتهة الساعة بالوحدة ضبط دفعت الكتب من على الفراش مالتي وكعن بالكاع جريت الغطى وغمضت عيوني
النوم والدراسة يبعدني عن الافكار الي تجيب الجلطة
.
.
.
.
احس بايد تمسح على راسي بكل هدوء
اني وين؟
فتحت عين وحدة شفت هذا حيدر كدامي
لزمت ايده بايدي
حيدر/نتبهي على نفسج
حنان/اوراق الرياضيات
شفت الابتسامة الي احبهة شفتهة مرسومة على وجهه واخيرا!
الحلم المستحيل انساه بحياتي
.
.
.
.
.
كعدت مسطورة راسي يوجعني
كمت من مكاني واني دايخة
دست على دفاتري
الساعة... هسة الساعة بالتسعة الصبح
طلعت من الغرفة واني مفتحة عين وحدة
سمعت صوت ماما وبابا يحجون بالمطبخ
وصلت لنص الدرج ورجعت لغرفتي من جديد
نازلة بهذني ملابسي التفشل كدام الرجال
رجعت لبست الروب مالتي وحطيت شال على راسي ضميت كفشتي حيل حيل ونزلت
حنان/صباح الخير
ام قحطان/صباح النور شعجب اليوم متاخرة بالنوم
حنان/مادري والله هستوني كعدت حتى اني مستغربة
ابو قحطان/يلا النوم عافية
كعدت على الميز الدوخة كتلتني مو راضية تفك من راسي
غمضت عيوني وحطيت راسي على الميز
تذكرت الحلم مال الليل بتسمت واني ميتة خجل
ام قحطان/حنان...حنان امي
حنان/ها عيوني
ام قحطان/نتبهي كلاص الجاي بصف ايدج
حنان/ها اي صح... شكرا
ام قحطان/سنو تردين
حنان/جبن احسن
ام قحطان/همزين انتي وابوج تردون نفس الشي
حنان/هاي شنو بابا يتريك وياية بهذا الوقت
ام قحطان/اي ماكدر يتريك من وقت لا هو ولا اخوج
حنان/وليش؟...بابا بيك شي؟
ابو قحطان/لا بابا حبيبتي
ام قحطان/ولج اصبري خليني اكمل
حنان/اي كملي
ام قحطان/لان ابوج واخوج ودوا حيدر للمطار
شنو شنووو شنو يمةةةة حيدر وين راح؟
مطاااارررر؟؟؟!
حنان/مطاااار؟!
باوعت لبابا واني احس عيوني رح يطلعن من مكانهم
ابو قحطان/شبيج بوية
حنان/حيدر سافر؟
ابو قحطان/لا يأخذ فرة بالمطار ويرجع
حنان/لا لا صدك سافر؟
ام قحطان/شو مستغربة لعد وين جنتي يمة
حنان/محد كللليي
احجي وياهم واني احسني على ابواب بجي
حابسة نفسي حتى ما تطلع البجية وخاف عيوني يدمعن كدام اهلي وانفضح
واضطريت اسوي الوضع طبيعي وكملت ريوك
To be continue....
اوكي عارفة انو البارت قصير
بس يا حبايبي القصة اصلا قصيرة يعني لو اسوي البارت الواحد فوك ال2000 كلمة رح تخلص القصة بثلاث بارتات😭😂
بس لان اني بفترة(امتحانات) اتوقع حفظتوا هاي الكلمة اكثر من اسمي دا اتأخر شوية...شوية
اوكي اعرف هواي اسفة🌚💔
المهم تابعوا حسابي الانستا تلكوه بالبايو هناك متواجدة كل يوم ✨❤
احبكم جثير
في امان الله💕
