"رحت وكفت يمه واني شابكة اصابيعي ببعض هو واكف يدخن اخذت نفس رفعت راسي للسما الهدوء يجنن"
حيدر:تاخرتي نص ساعة ودقيقتين
حنان:لازم تشكر ربك انو اني عبرتك واجيت
حيدر:هو الحمد لله على كل حال بس اني اعرف بيج مستحيل تصبرين ورح تجين من تلقاء نفسج
حنان:الله الله على الثقة الي بيك
حيدر:ههههه
حنان:ماكو شي يضحك
حيدر:حركاتج يضحكني
حنان:هسة فضني شنو رايد مني؟
حيدر:كتلج من البارحة
حنان:شنو؟
حيدر:ااخ ياربي تعبتني
"ذب الجكارة بالكاع وداس عليها واجة وكف كدامي حط ايده على وجهه فرك وجهه بايده بقلة حيلة نزل راسه ثواني ورفع ايده وحطها على راسي"
حيدر:حنان
حنان:خير
حيدر:رح احجي حجاية اعرف رح تنكلب الأمة من وراها بس بعد ماكدر اضمها بكلبي ثكيلة ومتنشال
حنان:انت حامل؟!!
حيدر:ش شنو؟!!
حنان:ههههههههه شنو شنو انت كلت ماكدر اضمها وثكيلة متنشال اكيد انت هاااااا ههههه
حيدر:حنان اني احبج
حنان:....
حيدر:اعرف صدمتج بس صدكيني بعد ماكدر ابقي الموضوع سر اكثر من هيج
حنان:ا انت شنو؟
حيدر:حبيتج من اول لقاء بيناتنا بالشارع من ٣سنوات
حنان:شوف اذا انت متعرفني بس اني احتقر هيج كلام اذا جان بالشقة او تريد تستفزني
حيدر:حنان مدا اتشاقة اني من صدك احبج والعباس احبج يبت الناس افهمي
"حنان لا تصيحين لا تعيطين الدنية ليل والناس نايمة اهجدي يبنت الناس اثكلي سيطري على نفسج والزمي اعاصبج "
"عدت ثانيتين كدامه ما تحملت اجتني البجية كعدت بالكاع نسيت شلون اتنفس وجسمي كله يرجف وخايفة
ومصدومة وكل الاحاسيس بداخلي صارت حرب أحاسيس ومادري شسوي"
"شفته كعد كدامي يباوعلي ومين عليه التوتر يمكن اني أغرب ردة فعل مرت عليه وخرت شعري عن وجهي وكعدت اذكر نفسي شلون اتنفس لان الوضع يمي مزري صار"
حيدر:شوفي اني اعرف انو لعبت بمشاعرج بالماضي بس
حنان بهمس:بدون بس ولا تبرير
حيدر:ما اريد ابرر بس اريد اوضحلج الأمور
حنان:شتوضح؟ توضحلي حركاتك ايام زمان؟ لو توضحلي شلون اختفيت بين ليلة وضحاها؟ لو توضحلي رجعتك بعد كل هاي الفترة وتعاملاتك وياية؟!
حيدر:بالضبط اريد اخلي الأمور كلها واضحة كدامج من البداية لحد هاي اللحظة حنان تعبت واني اضم عنج جزء مهم من الحقيقة
حنان:حقيقية شنو؟ حيدر انت الي سويته غلط زين؟ لا تكعد تالف قصص من كيفك وجايبلياهن بالله شنو اوضحلج انت ورطت نفسك ورطتني وياك من شفت الوضع بلش يصير حقيقة وجدي اختفيت وبعد محد سمع عنك خبر! شتحس وانت جاي بعد كل الي سويته وتضحك وتسولف طبيعي شلون تنام ليلك؟ انت دمرت بنية ببداية حياتها بتصرفاتك وحركاتك وصوتك الهادي وياهاا دتفهم شنو يعني انو انت دمرتها للبنية؟!
حيدر:تدمرت اكثر منج... عشت ايام اسود من الايام الي انتي شفتيها سنة كاملة واني ماعرف شنو نومة ليلة!!
حنان:جذاااب انت اصلا وين عندك كلب حتى تحس؟
حيدر:طلبتج منه ورفضني
حنان:منو يمة؟
