فتحت عيوني على صوت رندة وهي تندهني
حنان/رندة؟!
رندة/صباااح الخيررر
حضنتني واني نايمة
حنان/خنكتيني
رندة/بلا تنعوص رجاءً
حنان/ههه
عدلت كعدتي عدلتلي شعري
رندة/شلونج حب
حنان/الحمد لله بخير مشتاقتلج كووووومة
رندة/اني هم والله من كثر ما مشتاقتلج اول وحدة طلعت من القسم الداخلي هي اني هههه
حنان/انرتيني بزيارتج
رندة/اووو شنو هاي اللطافة الي بيج مو طبيعية
فركت عيوني بادية وتمصرت
حنان/بيش الساعة
رندة/بالتعسة الصبح
حنان/بعد وقت
رندة/اي والله صح
حنان/اكلج صارلنة زمان ما مجتمعين
رندة/وين نجتمع
حنان/اااشش اجتني فكرة تجنن
رندة/شنو؟
حنان/هسة اكلج
رندة/تعاي
حنان/شكو
رندة/ليش تنامين بالكاع؟
حنان/مو فاطمة ونجمة ينامن على فراشي
رندة/بس هن ماهن
رجعت للغرفة اي والله صدك هن ماهن
حنان/شردن هههه هسة جاية
نزلت ركض ادور على ماما
لكيتهة واكفة بالمطبخ تمسح بالكاوننر
حنان/صباح الخير امييي
ام قحطان/صباح النور
حنان/اكلج يمة حبيبتي سمعيني
ام قحطان/احجي امي
حنان/رح اتصل على اوركيد نطلع نتريك بشي مطعم ماطول رندة موجودة
ام قحطان/من الصبح؟
حنان/لعد يمة الي يتريكون شوكت الظهر؟
ام قحطان/والمطلوب مني؟
حنان/المطل....
وكفت عن الكلام من تذكرت انو يمنة فاطمة ونجمة
حنان/ماما!!
ام قحطان/نعم
حنان/رح ناخذ ويانة نجمة وفاطمة ورندة واوركيد يتعرفون على بعض شتكولين؟
ام قحطان/خاف مرة عمج ما ترضة او عمج ميرضون
حنان/اني اقنعهم
طلعت من المطبخ ركض اول ما اجة بوجهي وادي
وادي/صباح الخير
حنان/صباح النور
وادي/اشوفج مستعجلة
حنان/اي والله مستعجلة... صح وادي وين عمي؟
وادي/طالع هو وعمي سعد
حنان/ومرة عمو؟
وادي/فوك تسوي الجنط
حنان/اييي.... شكرا باي
وادي باستغراب/الله وياج
رجعت صعدت فوك ركض الصبحية رح تخلص
وصلت يم الباب عدلت ملابسي وشعري
هستوني اجيت افتح الباب حسيت بذراعي نسحبت
حنان/خيررر؟!
حيدر/اششش
حنان/استغفر الله انت كل شوية طالع بوجهي
حيدر/اي والله يعني شسوي ماكدر اصبر الة اشوفج كل شوية
حنان/عفوا؟؟!
حيدر/بشنو جنتو تسولفون انتي ووادي
حنان/ميخصك
حيدر/اهاا
حنان/اي...ولا تدنة علية والقرآن اصيح هسة
حيدر/بت امج وابوج صيحي
حنان/يعني تتحداني؟
حيدر/يابة اذا صحتي اني بهذا لساني اكلهم اني دا اتحارش ببت عمي
ظليت مصدومة كلامه ونبرة صوته كله جدية
اخاف صدك اصيح ويبلونة سوية بمصيبة
بس هو تحداني
شسوي؟!
حيدر/ليش متلبسين شال؟ مو جان الشال ما ينزاح من على راسج هسة صرتي مومهتمة
حنان/احسن ماكو داعي اهتم
حيدر/بس اني اهتم
حنان/واني شعلية بيك؟!
حيدر/على فكرة هذا لسانج الطويل اني عاجبني كلامه البذيئ وما يزعجني
حنان/شتقصد؟
حيدر/يعني لو شما كلتي وحجيتي بوجهي مارح اهتم
حنان/هسة انت شنو رايد مني؟
حيدر/شوفي تردين الصراحة لو الجذب؟
حنان/والله متفرق وياية المهم وخر من كدامي اريد اروح
حيدر/والله كلج اهتمام بس ظلي كابري
حنان/الله شوف الثقة الي بيك محتاجتهة اروح امتحن بيهة
