فتحت عيوني اشوف بس ابيض!
يمة اني وين؟
بالجنة!
شنو صرت عمية؟!
حسيت بروحي مخنوكة تذكرت اني وين نمت اخر شي
كمت من مكاني نزعت محرم الصلاة شعري مكفش
حطيت ادية على وجهي أصبحنا وأصبح الملك لله
شفت الساعة بالعشرة وخمسة الصبح
اخذت قراصتي من الكاع وطلعت من الغرفة
انزل الدرج واني امشي صفح
وصلت للمطبخ شفت ماما واكفة تكلب بتلفونهة
حنان/صباح الخير
ام قحطان/صباح النور شو متاخرة اليوم
حنان/نسيت اوقت المنبه... يمة سويلي ريوك
ام قحطان/يا ريوك؟
حنان/ها؟
ام قحطان/اليوم اول يوم شهر رمضان يمة
حنان/نسييتت ههههه... شنو رح نسوي فطور
ام قحطان/هستوج كعدتي
حنان/اييي واذا كليلي حتى اتحمس لوقت الفطور
ام قحطان/ابوج عزم عمتج صبا ورجلهة واهل اوركيد على الفطور يمنة ف مخططة اسوي دجاج شوي
حنان/اللللله رندة واوركيد يميي ابوس ابوية اللطيف
طلعت من المطبخ واني مبتسمة وايدي لازمة وجهي بادية صعدت فوك حتى اكعد نجمة من النوم
اول ما لكيت بوجهي قحطان مبين هستوه كاعد من النوم مشيت من يمه
حنان بهمس/اوركيد رح تجي تفطر يمنة
قحطان بصدمة/حلفي؟!!
حنان/والله
اجة شالني من مكاني وفرني متت ضحك
قحطان/الله يبشرج باحلا خبر تسمعي بحياتج على هيج بشارة حلوة
حنان/بعد التوبة اذا اكلك على شي
قحطان/بلة ميخالف المهم حجيتي ههه
باي راسي وراح نزل لجوة حتى يتأكد من الي سمعه
حسيت بس التفت رح الكة احد وراية
ومثل ما جنت حاسة لكيت حيدر وراية
توسعن عيوني من شفته مبدل ومبين على أبواب طلعة من البيت حتى هو نتبه على حركتي وظل صافن بوجهي ميعرف شبية جني وحدة مكهربة كدامه
حيدر/شبيج؟
حنان/ها؟ اني؟
حيدر/ماكو احد غيرج هنا
حنان/...مابية شي ليش تسال؟
حيدر/توهمت وسالتج
حنان/اها
حطيت ادية ورة ظهري ومشيت بثقة كدامه
لو بايدي موبايلي جان اخذتله صورة ودزيتهة للبنات
وصلت لباب الغرفة
حنان بهمس/شكله يجنن امووتتت....عزا العزاني ماعدج كرامة انتي؟ كرامتج ك أنثى وين؟ حنان احجي وياية وردي علية وين كرامتجج؟
لتفتت للورة شفت بابا واكف يباوعلي وهو مصدوم
حنان/صباح الخير
ابو قحطان/حنان بيج شي؟
حنان/لا ليش؟
ابو قحطان/صرتي تحجين وية البوب؟
حنان/لا لا ابوية انت فاهم غلط اني كاعدة اسمع لنفسي مال الدراسة مالتي
من صدمته ظل ساكن وراح نزل
طبيت للغرفة واني بية الغصة شلون مواقف تفشل من الصبح
شفت تلفوني دا يتصلون عليه
حنان/الو
عمر/اكلج
حنان/كول؟
عمر/اني هستوني اطيت ربع لفقيرة
حنان/جزاك الله خير اخي وشنو بيهة؟
عمر/شو هاي صاحت بوجهي
حنان/نعم؟
عمر/اي والله
حنان/شنو شسوتلك؟
عمر/صاحت بوجهي تكلي لعد هذا الي طلع منك بس ربع واني جنت ماخذ هذا الربع حتى اشتري عصير اشربه ورة الفطور هسة منو المجدي اني لو هي؟
حنان/ههههههههههههههه من صدك تحجي؟!
عمر/اكلج صايم والشمس ضاربة راسي واحذب عليج؟
حنان/ماكدرر اضحككك هههههه
عمر/والله يا الله فوك ما اطيتهة ربع تصيح بوجهي ماعاجبهة واني اذكر ابوي من يطيني ربع من جنت صغير جنت اعتبره ثروة
حنان/اتخيل شكلك من صاحت بوجهك ههههههه
عمر/ولج المشكلة مو هنا
حنان/لعد وين؟
عمر/هي هاي المرة وياهة بتهة الصغيرة هيج تطلع عمرهة تسع سنوات من سمعت امهة تصيح علمود الربع كامت تشمر علية حصو
حنان/ههههههههههههههه حباب بعد لا تتصدق ههههههه
عمر/اني احتاج من يتصدق علية هسة ههه
حنان/بطنيي يمة ههههههههههه
عمر/اوركيد كالت اليوم هم معزومين يمكم
حنان/اي صح بابا عزم الكل اليوم
عمر/جا ما يعزمني
حنان/كارسينة بعد متكفي
عمر/اني اجيب كرسي من بيتنة واجي
حنان/هلا بيك بس شنو جيب وياك فدشي ناكله
عمر/ولج هو العصير الي ردت اشتريه ما جبته شنو اجيبلج وياية
حنان/ههههههههه دمعت والله
عمر/ضحكة خير اكلج حنان
حنان/كول
عمر/موبايلي دا يطوط امي دتصل علية احاجيج بعدين ماشي
حنان/ماشي الله وياك
عمر/مع السلامة
