قاع الشياطين

البارت السادس والعشرون

..............☆البارت السادس والعشرون  ☆...........

#قاع_الشياطين(البصر والبصيره)

#بقلم_أسماء_ديمير

هذا منو الحيوان ابن ساقط*

حجه بيبرس وياه بنتره :- ذب السلاح عواد و امشي كمل شربك ياخوي ..

-لا لا هذا لازم انخليه حد لك هو منو سواك رجال غيرنه نسيت اصلك ومنين طلعناك ..

اندار عليه مخصر مانسيت بس اظن انته نسيت روح كمل شربك وسوالف الكبار لادخل نفسك بيها ..

تقدم شايل سلاحه ويفر بي ، لا لازم اعلمك شلون تحجي ويه اسيادك ..

ضحك عدي مستهزء ، تهددني بالسلاح بس حقك اذا انت براشدي مددك بالارض ، بعده ممكمل و ذاك رفع السلاح يريد يرمي ، تلاكفه دانيال بسرعه دفعه وجه السلاح ليفوك و يخرط بيدهم السلاح ..

نسوان تعيط و البقيه تطافرت والي ركض على عواد يجر السلاح منه ..

عدي نام فوك مرته لا تنضرب ، كامت تبجي خلي نطلع منااا هاي شنوو شبيهم هذول وبن جايبني امشي نرجع ..

كام بسرعه توجه لعواد يخنكه ..

دفعه بشار يكله كووولو يالله يمعودين شبيكم .. عواد جرو وطلعو بره صاح بيهم بيبر كااافي لهنا وبس يله كلمن يتوكل لبيته كاافي راح تسولنه كارثه بهل اليل و دانياااال ورب الخلقك اذا جبت الشرب مره ثانيه باي حفله تخصنه تعرف وين احط البطل بنص ***

ذاك وجه خرب وضاج ، صاح ستار اخذ عواد ومرته للبيت يله ..

ديما حجت ماروح وياه هذا جن على الاخر لايروح يموتني بنص السياره ، 

- نتر بيها امشي ويه رجلج ..

جرت ابنها ومشت بسرعه للسياره ، ستار جر عواد الي يدفع بي ويكله لااا وخر وخر داوكلهم خر* شلون يتكومون عليه لك عددددي عاااار جنت حاافي ماعندك ميت الف بجيبك طول عمرك مديون منفكر من سووواك موو احنه ..

تتعالى علينه ولكككك ، الا معلكتك من خص*** 

دار وجه بيبر كوه مايريد يضحك ، عدي رد هده ستار هده قسم بالله الا اكسر ركبته ، هز راسه بيبر شلون يعني ..

جره ستار وساعده بشار وصعدو بالسياره كوه هو يدفع بيهم يريد ينزل على عدي  ..

ديما صعدت بصفه ، لزكت بالباب خايفه من خباله ، كعدبسياره مسطور ، اخر شي ضل يلهث ماخلو ينزل ، اندار عليها لكاها كاعده بصفه ..

حجه شجاب هالكحب* هنا يمي نص تعساتي منج انتي رفع رجله ولزكها بدفره عاطت يمااااا الله لايوفقك جاهل بيدي نايم شنو انته ..