قاع الشياطين

رمضان كريم ..

السلام عليكم يعمري ..

رمضان كريم علينه وعليكم انشالله .. يتقبل منه ومنكم صالح الاعمال ، و يغفر النه ويرحمنا ويعفو عنها ويستر علينه وعليكم وعلى جميع امه محمد ..

ويجعل الجنه مثوانا ومثواكم انشالله ..

شلون رمضان وياكم سواء صايم او المفطر ..

الصايم تعب تعب تعب تعب ، خاصه اذا كنتي ام وعندج اطفال ومسؤليه ومدارس ، وشغل و انتي بيت لوحدج وكلها براسج ..

والمفطر ديحظر لباجر من اكلات من ترتيبات من تنظيف من من ووو ..

فيا يروحي انتو داشكي لكم حالي البأس ، تخيلو كعدت صبح ب٧ مثل الخبله لان نايمه ب٥ الفجر ، فزيت على صوت تكسير صحن بالمطبخ ..

طلعت بتي نادره دتحاول تسوي ريوك لوحدها ، برغم اكو اكلات بثلاجه خالتهم اني الهم بس ريوك لازم بيض و حليب ميصير لاززم ..

وراها تنظيف وبعدها تجهيز الغده الهم بعدها غسل هدوم وشر ، و غسل مواعين ، و صلاه ، وقراءه القران ، و تدريس الاطفال ..

و يتلكاج الفطور هلا هلاااا ، الي تاخذين صفنه ربع ساعه ، على ثلاجه محتاره  ، كانها صفنه الرسام على لوحه ..

شوربه مع مقبلات مع عصاير مع مشاوي مع حبشكلات ، و ساعتين مثل الورد على الطباخ  والسنك لحد ماكتفي عاط عليه والله ..

وحوضي بلش يصل ، من الوكفه ، مابقه على فطور عشر دقايق ..

دخل زوجي للمطبخ وكف يمي حجه اساعدج 🙂 راح طلع لبن المدخن من ثلاجه خلاه بالخلاط و فوكاه نص خاشوكه ملح ، وسالني اخلي ليمون ..

كتله اي بدون ماباوعله ..

سمعت خلاط عاط التفتت لان خال اليمونه كلها بنص الخلاط 🙂 يكولي اهل مطاعم يسوو هيج ترى ،  تطوري شوي بطلي سوالف العجايز  ..

كتله شوو اطلع بره بلا زحمه مابقه شي على الاذان ماريد افطر ..

طلع يدردم فوك مااسااعدها هااي فوكاهاا ترى صيامج مينقبل اذا رجلج ماراضي عليج ..

سؤال هنا الانتحار حلال لو حرام ..

طيب القتل حلال والحرام بهل الحاله ..

على كلاا .. كل هذا الكليشه الفوك هي الهدف منها مو احجيلكم عن معاناتي لاا ابد لاا ..

الهدف هو جزء بسيط من يومي ، وتخيلوو هالراس والبال والمخ اله بعد حيل يكتب الكم بارت ..

مالحكت اكتب الكم بارت ودافكر اوقف القصه لحد انتهاء رمضان .. لان ماريد اتعبكم وامللكم من سالفه نشر ، وهم قصه راح تنظلم بشكل فضيع اذا كتبتها واني بهل تعب والضغط الي عليه ..