قاع الشياطين

تغشيشه 💜💜

هاي تكمله بارت مال البارحه مانزل ماعرف ليش ...

.......................................

شالت الطفل مخترعه ترد عزااا العززاني عزاا العزاني ، اني وكفت وراها جفلت ..

صوت ركضه رجليه باتجاهنه ، جسمي كزبر ، جلبت بجتفها خايفه همست شكوو ولج شكوو ..

صوت بيبر يصيح ، اسمع  يكله طفل بيدها عواد خلي عقلك براسك ..

تقدم بيبر جر الطفل من عدها و عواد ، عتها حيل من ملابسها عاط بوجها :-  امشي وياي بنت النك*  للغرفه ..

اني جسمي كزبر فلتت من ايدي هي ،  وهي تحجي ليش ليش شكوو  ..

الطفل بجه حجيت بيبر شبيكم وياها طفل خوفتو على امه ..

-حجه بهدوء ماعليها شي ، عواد جر ديما جر وهيه تحجي بخووف شبيك ماسويت شي ..

بس دخلت البيت عاطت حيل تبجي جفلت حجيت شبي وياها حاجي بيبر عود صدك ..

-رد برود :- اااش مالنه شغل بينهم ..

- بنت العالم مو مدكه بيبر حرام عليه والله ..

هاي مو بنت عالم هاي بنت شارع الي تصاحب على رجلها تستاهل الموت ميرال ..

سكتت وجهي خرط ضليت ابالع بريكي صوت صراخها جمد الدم بعروكي .

.....................................

مقطع من المستقبل

جر نفس حجه بصوت الخشن :- شنو اسم ابوج بابا جوز مار على ذاكرتنه ..

-رديت بخجل :- الصايغ صباح ال*** 

عوج حلكه ودنج ممممم ، حجه عدي الحجي لابس ساعه تعرفين بساعات لاا ؟ ، شوفيله ساعته وقييميها ..

همست اعرف ذهب لو كوبي واعرف مرصعه وشنو رقمها هم  ..

حجه الحجي تعرفين تقيمين يعني  ..

-حسب ..

-مد ايده شوفيلي هاي .. ضرب الضوه عليها وبانت الونها ، كانت مرصعه بلون مميز ، صح ما واضح الون بس لمعه قويه ويه اضويه المطعم ..

مديت ايدي عليها ، تلمستها ، اصابعي دارت حواليها ، لثواني قليله ، بهت وجهي ، رولاكس جانت ..

مرصعه بالماسات اربعه بكل جانب وحده ، احس،دكات كلبي زادد ، لزمتها زين حجيت ذهب ..

رد حجي ااي عفيه وبعد …

رمشت بعيوني متوتره ، راسي بلش يصدع ، بلعت ريك مرصعه باربع الماسات ظاهريه ..

-ضحك برافوو ..

-انزعها بلا زحمه ..

- رد :- عفوا  ..

- دمعت عيوني ، ابتسمت بريبه :- انزعها دشوف رقمها اذا ممكن ، نزعها اخذتها كلبتها على وجها ، جان بيها نقش ؛ درت على بيبر شمكتوب ..

رد عدي ٢١k , غمضت عيوني جريت نفس كوه وبعد .. نطق رقمها مال تسجيل ، دنجت راسي مديت ايدي للحجي ايدي ترجف .

دمعت كوه لزمت نفسي مابجي ، حجيت بهدوء و كلبي نار استعرت :- رولاكس ذهب مرصعه بالماس خارجي عدد القطع اربعه و قطع الالماس داخليه ١٢ قطعه ، ذهب واحد وعشرين سعرها فوك ال٤٤ الف دولار هذا قبل كم سنه حاليا مادري شكد تتقيم ..

رجعت ظهري على كرسي انهد حيلي ، ضحك حجي و صفك بيده براافوووو برافووو ، 

حظن جتفي بيبر حجه مو كتلك ذكيه حجي ..

لا راديا وكعت دمعه مني دنجت مسحتها بسرعه .. جريت نفسي بالعافيه حجي بس بيش اخذتها انته..

رد بفخر :- اجت هديه والله …

-هزيت راسي منو هذا ذواق الي هداها الك باين يحبك هواي ..

فعلا اني هم احبه كانو ابني حجه عدي بيبر هداها اله ، من ممتلكات بيبر هاي …

...................................

نلتقيكم قريبا ان شاء الله