ေနေဝး ဒီရက္ပိုင္း ဗီဒီယို႐ုံမွာ ေဈးေရာင္းရတာ အလုပ္နည္းနည္းမ်ားေနသည္။ အဲ့ဒါက တျခားေၾကာင့္မဟုတ္။ အေၾကာ္ေတြကို သူမ်ားဆီက တစ္ဆင့္ျပန္ယူၿပီး မေရာင္းေတာ့ဘဲ ကိုယ့္ဘာသာ ေၾကာ္ေရာင္းေနလို႔။ ေနေဝးသည္ အေမနဲ႕ တိုင္ပင္ၿပီး ဘယာေၾကာ္ ေသးေသးေလးေတြကို ေၾကာ္ေရာင္းဖို႔ စိတ္ကူးရသည္။ အရင္းအႏွီးအေနျဖင့္ မီးေသြးမီးဖိုနဲ႕ မီးေသြးတစ္အိတ္ကိုေတာ့ ဝယ္ယူလိုက္ရသည္။ မုန႔္ႏွစ္စပ္တာကို အရသာအဆင္ေျပေအာင္ အေမက စပ္ေပးလိုက္သည္။
ေနေဝးက ဗီဒီယို႐ုံေရာက္ရင္ မီးေမႊးၿပီး မုန႔္ႏွစ္ကို လက္သန္းလုံးေလာက္ေလးေတြ ဖဲ့ယူၿပီးေတာ့ ဆီပူအိုးထဲ ထည့္ေၾကာ္႐ုံပဲ။ ဒီအလုပ္က အေၾကာ္စုံေတြကို သူမ်ားဆီက တစ္ဆင့္ျပန္ယူေရာင္းတာထက္ ကိုယ့္အတြက္ အျမတ္ပိုက်န္သည္။ ဒါေပမဲ့ ဆုံးရႈံးတာကေတာ့ စာဖတ္ခ်ိန္ပဲ။ ဆီပူဒယ္အိုးကိုပဲ မ်က္ျခည္မျပတ္ ၾကည့္ေနရလို႔ ေနေဝးက အရင္လို စာဖတ္ဖို႔ကို အခ်ိန္မရေတာ့တာ။
"သားေနေဝး အေၾကာ္ေတြ ေျပာင္းေရာင္းေနပါလား"
"ဟုတ္တယ္ ေဒၚပု၊ ဘယာေၾကာ္ေလးေတြ ဝယ္ေပးဦးေနာ္၊ ဗီဒီယိုၾကည့္ရင္းနဲ႕စားရင္ ကြက္တိပဲ၊ င႐ုတ္ သီးေတာင့္ေလးေတာ့ နည္းနည္းသတိထားေပးပါဗ်၊ ဘယာေၾကာ္နဲ႕ မွားၿပီး တစ္ေတာင့္လုံး ေကာက္ဝါးမိမွာစိုးလို႔"
"ဟုတ္ပါၿပီ ကေလးေရ၊ ႏွစ္ဆယ္ဖိုးေလာက္ ထည့္ေပး၊ င႐ုတ္သီးေတာင့္ကို မ်ားမ်ားထည့္ေနာ္"
"ဟုတ္ကဲ့ပါဗ်၊ င႐ုတ္သီးေၾကာ္ကို ငါးေတာင့္ထည့္ေပးလိုက္ပါမယ္"
"ေအးကြယ္၊ သားလည္း ေရာင္းေကာင္းပါေစ၊ ဒါနဲ႕ ေအးျမေရာ ေနေကာင္းရဲ႕လား"
"အေမကေတာ့ ဒီလိုပဲ ျခဴျခဴျခာျခာပဲဗ်၊ ေနေကာင္းလိုက္၊ အိပ္ရာထဲ ျပန္လဲလိုက္နဲ႕"
"ေအးေအး၊ ဂ႐ုစိုက္ေပါ့၊ သားတို႔မွာ အေမပဲ ရွိေတာ့တာဆိုေတာ့၊ ေအးျမလည္း အ႐ြယ္ေလး ရွိေသးတာပဲ၊ ေနာက္အိမ္ေထာင္ ျပဳခိုင္းပါလား၊ ကုန္စုံဆိုင္ ပိုင္ ရွင္က ေအးျမကို မ်က္စိက်ေနတာဆို"
"ဟင့္အင္း၊ ကြၽန္ေတာ္ ပေထြးမလိုခ်င္ဘူးဗ်၊ အဲ့ဒီအစား အလုပ္ေတြပဲ ပိုလုပ္ပစ္လိုက္မယ္"
ŞİMDİ OKUDUĞUN
ရှေးရေစက်ကြောင့် ချစ်လက်စကျန်တယ် [Completed]
Romantizmနယ်မြို့လေးမှာ ဖြစ်တည်လာခဲ့ကြသော မိုးသက်ငြိမ်နှင့် လွမ်းနေဝေးတို့ရဲ့ အချစ်ဇာတ်လမ်းလေးပဲ ဖြစ်ပါတယ်။
![ရှေးရေစက်ကြောင့် ချစ်လက်စကျန်တယ် [Completed]](https://img.wattpad.com/cover/302602981-64-k892020.jpg)