Cross Roads (Jenlisa)(Translation)

First Date

Lisa Pov

နှစ်လကြာပြီးတဲ့နောက်မှာတော့ Jennie မရရအောင်ခုခံနေတဲ့ကြားက Liam ကို Lisa နာမည်နောက်ဆုံးအလုံးထည့် နိုင်ခဲ့တယ်။ Lisa နဲ့ Liam တို့ရင်းနှီးလာခဲ့ကြတယ်။ တစ်ပတ်မှာ ၂ရက်ထပ် Liam ကို Lisa ဆီနေဖို့ Jennie ကို ညှိနှိုင်းခဲ့တယ်။

Liam ကသုံးနှစ်သားလေးဖြစ်ပေမယ့် Lisa ကိုဘယ်သူမှန်းသူသိနေပြီ။ တစ်ကယ့်ကိုတော်တဲ့ကလေးလေးပဲ။ Liam ကိုပြန်တွေ့တဲ့အချိန် Lisa ပုံမှန်အတိုင်းမိတ်ဆက်လိုက်ပေမယ့် သူက ပြုံးပြီး Lisa ကိုဖက်လိုက်တယ်။ ပြီးတော့ သူ့အမေကို Lisa ဘယ်သူလဲဆိုတာသိတဲ့အကြောင်းပြောလိုက်တယ်။ ဒါက Lisa နှလုံးသားကိုနွေးထွေးပြီး အရည်ပျော်ကြစေတယ်။

Lisa အဖေက ရုံးခန်းတစ်ခုဆောက်ပေးပြီး Jennie နဲ့ ၁၀ရာခိုင်နှုန်းပေးမယ့်ကိစ္စကို ဆက်လုပ်စေခဲ့တယ်။ ဒါက Lisa အတွက်ပြဿနာမရှိခဲ့ဘူး။ အဖေ့ကို Liam ကိုစောင့်ရှောက်ခွင့်ရပြီပြောတော့ သူအံ့ဩသွားလုနီးပါဖြစ်သွားတယ်။ Lisa မပြောခင်ထဲက သူ Liam အကြောင်းသိနေခဲ့တာဖြစ်မယ်။ သူကသူ့အမေမျက်လုံးကိုရထားတာလို့ သူပြောတယ်။

သူ့မှာ မြေးလေးရှိလာတဲ့အတွက် သူစိတ်လှုပ်ရှားနေပုံရတယ်။ ပြီးတော့ Lisa အမေရောပဲ။ သူတို့နှစ်ယောက် Liam ကိုတွေ့ဖို့ ဆန္ဒပြင်းပြနေကြတယ်။

လွန်ခဲ့တဲ့တစ်ပတ်က Lisa ကိုရီးယားမှာနေဖို့အတွက် အခန်းတစ်ခန်းဝယ်လိုက်တယ်။ Lisa ဟိုတယ်တွေမှာ နေရတာ ငြီးငွေ့နေပြီ။ Liam ကိုခေါ်ပြီးအတူနေနိုင်မယ့်‌ နေရာတစ်ခု Lisa လိုနေတယ်။ အိမ်လို့ခေါ်ရမယ့် အိမ်တစ်လုံးလိုအပ်နေတယ်။

တစ်ခါတစ်လေ Liam ကိုခေါ်ပြီး ရေခဲမုန့်ကျွေးရင်း ပန်းခြံထဲမှာ ဆော့ကြတယ်။ တခါတရံကျ Eun Ae နဲ့ Liam တို့ကို အတူတူကစားစေတယ်။ သူတို့နှစ်ယောက်အတူဆော့နေတာကို မြင်ရတာ Lisa စိတ်ချမ်းသာရတယ်။ ပြီးတော့ Jennie ရုံးခန်းအောက်ထပ်က Lisa ရုံးခန်းကိုပြန်တယ်။ ကျေနပ်စရာကောင်းတာက ဒီမှာရုံးခန်းဖွင့်လိုက်တော့ Liam ကိုမကြာခန တွေ့မြင်ရတယ်။

Jennie နဲ့ သူ့ကောင်လေးဆက်ဆံရေးကလဲ ကောင်းကောင်းမွန်မွန်ဖြစ်နေပုံရတယ်။ Liam ကိုခေါ်ဖို့ တစ်ခါသွားတုန်းက သူတို့နှစ်ယောက်နဲ့တွေ့ခဲ့ရတယ်။ သူမကို တခြားယောက်ကျားတစ်ယောက်နဲ့မြင်ရတာ နာကျင်ရမှန်းသိပေမယ့် Liam အပေါ်မှာပဲ အာရုံစိုက်ထားခဲ့တယ်။