في قصر عتيق اصغر من قصر مملكه المستذئبين ولكنه لا يقل عنه فخامه وزهو ..... جلست ميسان علي كرسي العرش والذي استولي عليه والدها قبل موته من الملك السابق الضعيف بعد ان قتله .
جلست تضحك بسخريه شديده وهي تتحدث مع اختها بعد ان خرج احد جواسيسها في مملكه المستذئبين.
ميسان : ياااااااه هموت واشوفه وهو بيدور عليها زي المجنون كده
ميشان تؤام ميسان : ده المملكه كلها بيقولوا انه في اضعف حالاته .... تلات ايام مابيعملش حاجه هو وجنوده غير انه بيدور عليها ....
ميسان : يدور براحته كده كده مش هيعرف يقرب من إمارتنا ..... تعويذه السد اللي عملتها بعد اخر حرب شنها علينا هتوقفهم .
ميشان: ده اللي مطمني .... وخصوصا ان التعويذه محميه من اكبر السحره عندنا .... عشان كده يدور براحته .
ميسان: تعرفي انه دور في بيوت إمارته كلها ..... ماسبش مكان في الغابه الملكيه الايام اللي فاتت مادورش فيه ..... وسمعت انه بعت مندوب للأمير عبدالله أمير العمالقه عشان يدور عليها عنده هو كمان .
ميشان : احسن خليه يلف حوالين نفسه....... عشان يعرف ان وجودك جمبه كان نعمه وخسرها بغباءه ..... فيها ايه لو كان اتفق معانا من الاول واتشاركنا في حكم الملكه .... ماهو طول عمرهم اقوي ناس في عالمنا ..... فيها ايه لو كان وقف في صفنا
ميسان بسخريه : انتي اختي اه بس ماشوفتش في غباءك ...... يقف في صفنا ازاي وابوكي وعمك قتلوا ابوه ..... وبدل ما يكملوا مهمتهم ويخلصوا عليه سابوه عشان يموتهم ويلاحقنا طول العمر .
ميشان : اهي جات اللي تبقي اكبر نقطه ضعف في حياته .... بقالنا سنين بنحاول نلاقي ليه نقطه ضعف ...... بس مكنتش اعرف اننا هنوصل في يوم لأكبر نقطه ضعف في حياته .....
ميسان بابتسامه : لا ومش بس كده .... دي مجرد بشريه ضعيفه ..... نموتها بمنتهي السهوله ..... بس انا عايزاه كده يتعذب الاول لاطول فتره ممكنه .... قبل ما اقضي عليه بموت رفيقته .....
ميشان : معاكي حق .... انه يدور عليها كده زي المجنون ..... يعني بيعشقها جدا .... ده مش بعيد يموت نفسه وراها .
استوحشت اعين ميسان غضباً : ماتقوليش بيعشقهااااا........ ده تأثير الرابطه الحسيه الغبيه بتاعتهم ..... انما الملك ماعشقش ولا هيعشق غيري انتي سامعه .
ميشان : طيب اهدي مش قصدي حاجه ..... بس يعني هو مدورش عليكي كده لما اختفيتي بعد موت الملك عاصم ..... انما دي بيخلي كل جنوده وحتي شعبه بيدوره عليها . بقالهم ايام في حاله استنفار قصوي بسببها .
ميسان : مش بقولك غبيه ..... مادورش عليا عشان كان مصدوم في موت ابوه .... لو كانت ظروف تانيه كان عمل عشاني اكتر من كده الف مره ..... انما هي اللي بيحركه دلوقتي شعور الربطه الحسيه الغبيه بتاعتهم دي .
أنت تقرأ
مستذئب من شارع الهرم ( كامله )
Werewolfالاساطير ماهي الا حقائق بدون ادله ..... مهما اختلفت حكاياتها .....هي لم تخلق من عدم ..... فلنترك عقولنا في عالم الواقع ونسبح في عالم من الخيالات المختلفه 🥰 حاصله علي المركز 1مستذئب 1 صداقه 1 حلم 1 شوق 1 اشتياق 1 وجع 2 خطف 2 فراق
