دخل الملك عليهم فاتحاً الباب بعنف وهو يتحدث بسأم كطفل صغير اخذت منه حلواه .
الملك : انتوا حاضنين بعض كده ليه .* نظر الي عهود بغضب * انتي ازاي تخليها تحضنك كده .... هو عشان مش موجود واتشغلت شويه في المكتب تحت تسمحيلها تحضنك .
نظرت له عهود كأنها تري كائن فضائي بينما ابتسمت سمرا مغيظه اياه وهي تضمها إليها اكثر ...
سمرا : مالكش دعوه دي بنتي حبيبتي واحضنها براحتي .
سلمان بغيظ : بنتك اه انما حبيبتك لا .... هي مش حبيبه حد غيري .
نظرت له سمرا وقد اصبحت تعلم جيداً مقدار عشق ابنها لتلك الفتاه ومدي غيرته عليها فقررت ان تستمر في اغاظته .
سمرا : طب كويس يا حبيبي انك فضيت عاوزك في موضوع مهم .... يلا يا عهود انزلي يا حبيبتي لاسراء كانت مستنياكي تحت .
عهود بصدمه : فعلا ده انا قولتلها شويه وهنزلك ونسيتها خالص ... * وقفت متجهه الي الباب تشير اليهم بيدها وداعاً * بينما سلمان ينظر في اثرها بغيظ مكبوت فهو ومهما حدث لا يستطيع ان يكسر كلمه لوالدته ..... وان كان هناك شىء اكبر من شوقه لرفيقته فهو احترامه اللامتناهي الي والدته .
***********************
جالسه في حديقه القصر الملكي ..... لا تصدق إلي الان ان غداً هو زفافها علي بيتا المملكه....... لم تعلم متي اقنع والدها بالزواج ..... ومتي تحدث مع الملك .... وجدته فجأه يخبرها بموعد زفافهم ..... لم يأخذ رأيها حتي ..... ولكنها سعيده حقاً سعيده جدا ...... حبيبها التي تهربت منه لاكثر من عام احبها وببساطه شديده .... لم يلتفت إلى عيوبها .... او ما تراه هي عيوب ..... يراه هو مميزات ..... لا ينفك ان يجعل ثقتها بنفسها تصل الي حدود السماء .
وجدته فجأه جالساً بجانبها وقد اعتادت علي التصاقه بها تلك الفتره .
عامر مقبلا يدها : قلب عامر قاعد سرحان في ايه .
اسراء بإبتسامه : فيك طبعا .... ماعنديش غيرك افكر فيه يا حبيبي
قبل يدها مره اخري وهو يتنهد بحراره : هانت يا حبيبتي كلها اقل من يوم وهطير عقلك .... هنسيكي التفكير وانتي في حضني..... مش عايز اقولك انا ناويلك علي ايه .
وقبل ان ترد عليه اسراء فزع الاثنان علي صوت عهود بجانبهم تهمس وهي تنظر لهم مبتسمه بحالميه
عهود : ناوي علي ايه .هييييح
نظر لها عامر مصدوما : انتي جيتي منين وازاي محسيناش بيكي.
رفعت عهود انفها بثقه : ماهو لما تعيش في بيت كل اللي فيه ودانهم ولا ستالايت التنصت بتاع الاستخبارات الأمريكية..... لازم تبتكر خطط حديثه في التسلل .
ابتسم عامر عليها بينما صدحت ضحكات اسراء علي صديقتها .....
عامر : الله يكون في عون الملك ده انتي هتخليه يعيش عينيه في وسط راسه من اللي هتعمليه فيه .
أنت تقرأ
مستذئب من شارع الهرم ( كامله )
Werewolfالاساطير ماهي الا حقائق بدون ادله ..... مهما اختلفت حكاياتها .....هي لم تخلق من عدم ..... فلنترك عقولنا في عالم الواقع ونسبح في عالم من الخيالات المختلفه 🥰 حاصله علي المركز 1مستذئب 1 صداقه 1 حلم 1 شوق 1 اشتياق 1 وجع 2 خطف 2 فراق
