مستذئب من شارع الهرم ( كامله )

14

*البارت ده اهداء للمتابعه القمر EsraaHendawy1  هي اللي شجعتني اكتبه انهارده
وشكراً اوي لكل اللي بيشجعوني اكمل الروايه
بحبكم جدا 💖

           _________________________

تنهد بعمق وهو يخرج بها من إماره العمالقه ..... الآن فقط اطمئن بعد ايام من عواصف وبراكين وجلد للذات ...... نظر لها اثناء رحله عودتهم الي إماره المستذئبين وجدها صامته لا تتحدث ..... لأول مره لا يعرف كيف يبدأ حديثه ....

بينما هي كانت تبحر في اعماق افكارها .... لا تعلم إلي أين تذهب بها الحياه .... هي الان في عالم غريب وسط مخلوقات لا تعرفها ولا مكان لها لتذهب إليه لا تعرف طريقه للعوده إلي وطنها ........ فهي منذ ايام كانت تعيش حياه طبيعيه وسط البشر بين منزلها وعملها وصديقتها ورده ..... وعلي ذكر صديقتها لقد اشتاقت لها بشده..... ياتري ماذا تفعل الآن.... هل تشتاقها .... تبحث عنها ...... .. تنهيده اشتياق خرجت منها حين تذكرت صديقتها ...... نظر لها الملك عاقداً حاجبيه في استغراب

الملك : ليه التنهيده دي كله .... للدرجادي مضايقه انك راجعه معايا .

نظرت له غاضبه لا تريد الحديث معه ...... فهم هو نظراتها ليتوقف فجأة.....

الملك بأمر : عامر خد الجنود وارجعوا الإماره ...... خدوا باقي اليوم وبكره اجازه انتوا تعبتوا معايا الايام اللي فاتت .... *نظر الي ماهر * تأكد علي جند الحدود يفتحوا عينيهم .... خطر ميسان لسه قائم معنديش استعداد اضحي بأي حد من شعبي يا ماهر .

عامر : طيب جلالتك مش هاتيجوا معانا.

الملك: لا في مشوار لازم نروحه الأول وكام ساعه وهنرجع .

ماهر: جلالتك وجودكم لوحدكم فيه خطر كبير عليكم .... تحب نيجي معاكم او تاخد بعض من الجنود زياده حمايه .

نظر له الملك بغضب ثم تحدث بحزم : ايه يا ماهر..... انت شاكك ان الملك بتاعك مش هيعرف يحمي نفسه ويحمي رفيقته ولا ايه .

نظر ماهر للاسفل : اسف جلالتك .... مقصدش كده بس حضرتك مجهد من الايام اللي فاتت .... ولو حصل هجوم لا قدر الله طاقتك هتستنفذ بسرعه .

الملك بتفهم : وانتوا كمان تعبتوا .... وبعدين قولت مش هنتأخر ..... *اقترب منه هامسا* عشان تطمن انا رايح بيت الشلال وساعتين وراجع .

    
             *******************

مشت بمحاذاته في خوف لماذا ابعدهم ..... وإلي اين يتجه بها وسط الغابه هكذا ..... بدأت ترتفع ضربات قلبها في خوف .... وقد سمعها هو بوضوح واحس بخوفها ..... وكم ألمه ان تشعر رفيقته بالخوف وهي بجواره .... والاصعب انها تخاف منه هو .

حاول كثيراً التحكم في اعصابه .... حاول السيطره واخبار نفسه مراراً انهم علي وصول وسيشرح لها كل شئ ...... ولكن دقات قلبها وخوفها الظاهر علي ملامحها بجواره قاداه لحافه الجنون فلم يعد يتحكم في اعصابه ..