في إماره بعيده كل البعد عن إماره المستذئبين..... تجلس الشمطاوتين يتحدثان سوياً في قهر .... يكاد قلب ميسان ان يحترق وهي حيه من الغيظ ..... انتشر خبر عثور الملك علي رفيقته آمنه وسليمه لدي أمير العمالقه ...... هذا العملاق الغبي الذي وشي عن حقيقتها للملك وكان السبب في هروبها من نعيمها قربه ......... تحدثت الي اختها بحنق شديد.
ميسان : شوفتي معداش كام يوم وكان لاقيها ازاي .
ابتسمت ميشان بسخريه : لاء وبيقولوا بقالهم تلات ايام هو وهي مختفين ..... محدش يعرف راحوا فين ..... اختفوا في وسط الغابه حتي مارجعش بيها علي القصر الملكي ..... مش بعيد يكون بيصالحها بطريقته *وغمزت لاختها بغباء *
ميسان بغيظ : يابنتي هو انا مش اختك .... انتي ليه مصممه تقهريني .... وبعدين اكيد بيعاقبها عشان هربت منه .
ميشان : مارجعهاش القصر ليه عشان يعاقبها .
ميسان بثقه : يخاف يعاقبها قدام شعبه عشان محدش يقول عليه قاسي .... بس انا عارفه الملك كويس مستحيل مستحيل يعدي هروبها منه كده بالساهل .
ميشان : يعني هيعملها ايه ماتنسيش ان الرابطه الحسيه بتاعه المستذئبين تمنعه من اذيتها .... ولو أذاها هيحس هو بأضعاف وجعها ....
ميسان : الرابطه الحسيه الغبيه ..... اسوء حاجه عند المستذئبين ..... بتضعفهم وتخليهم شويه اغبيه ماشيين ورا مشاعرهم وبتلغي عقولهم .....* ثم اكملت تفكير بصوت عالي * ااااه لو بس اعرف هي هربت منه ليه كنت لقيت ولو ثغره بسيطه ادخل ما بينهم بسببها .... بس هعرف ... انا ليا عيون كتير في القصر الملكي .... هخليهم يركزوا لحد ما يعرفوا السبب .... ساعتها اعرف استغله كويس اوي .... واعرف ازاي افرق بينهم .
ميشان بتعجب : وانتي هتستفيدي ايه لما تفرقي بينهم ..... مش هيوصلنا للانتقام ولا حتي لكرسي الحكم
ميسان : مش بقولك غبيه ..... لو فرقتهم ساعتها هعرف اموتها بسهوله .... وموتها يعني ضعفه...... وهو لو ضعف ساعتها هعرف ارجعه ليا وارجع الكرسي والممكله كلها بين ايديا .
نظرت لها ميشان بإنبهار فتؤامتها لا تنفك ان تبهرها بخططها للحصول علي كل شيء وفعل اي شيء لتصل الي ما تريد .
*********************
ثلاثه ايام وهو يحتجزها بين جدران منزله .... يرفض قطع نعيمه والعوده الى المسئوليات ..... كم يرغب في قضاء الباقي من عمره معها هنا ..... لينهي مسأله تلك الساحره الغبيه اولا .... ويقسم انه لن يستطيع احد ان يبعده عنها ..... سيقنعها بالعيش معه .... سيعوضها عن كل شئ في عالمها ..... معه ستكون ملكه بالمعني الحرفي للكلمة وليس فقط مجازاً.
عند عهود كانت مبتسمه ببلاهه ...... لقد خلق لها المئات من الذكريات في تلك الايام .... لم يبتعد عنها سوي ساعات قليله وقت النوم ..... لقد تفاجأت بتحضيراته للمنزل ..... ملابس شتويه انيقه لها من عالمها ...... مشروبات واطعمه تفضلها وغير متواجده بعالمه ...... احضر لها عطرها المفضل وادوات استحمام وادوات تجميل ..... كادت ان تطير فرحاً بتلك الاشياء .... فهي قد اشتاقت وبشده لتلك الاشياء البسيطه .
أنت تقرأ
مستذئب من شارع الهرم ( كامله )
Werewolfالاساطير ماهي الا حقائق بدون ادله ..... مهما اختلفت حكاياتها .....هي لم تخلق من عدم ..... فلنترك عقولنا في عالم الواقع ونسبح في عالم من الخيالات المختلفه 🥰 حاصله علي المركز 1مستذئب 1 صداقه 1 حلم 1 شوق 1 اشتياق 1 وجع 2 خطف 2 فراق
