نظرت له بهدوء عكس العاصفه التي تموج داخل جنبات صدرها ..... بينما هو ينظر لها بترقب و كأن حياته تعتمد علي رده فعلها ...... الجميع ينظر لها و قد ازداد توتر الاجواء كثيراً بسبب صمتها الذي دام طويلاً ..... نظرت للجميع ثم ثبتت انظارها علي الملكه سمرا و تقدمت لها بخطوات بطيئة و الجميع ينظر لها باستغراب .
ثنت ركبتيها و جلست امامها و هي تعلم ان ما ستقوله لن يكون هيناً ابداً .... امسكت بايدي الملكه بتوتر و قالت .
عهود : انا عرفت كل حاجه تخص نهله .... نهله تبقي ام ميسان و ميشان .
شهقت الملكه سمرا عالياً بتفاجؤ بينما صدم الجميع ما عدا ورده و التي لا تعلم من هي نهله بالأساس .
اكملت عهود بتوتر : ابو ميسان قابلها و حبها بس هي رفضته عشان مكانش رفيقها الحسي .... حاول معاها كتير و لما فقد الامل فيها .... خطفها و اتجوزها بالعافيه .... عاشت حياتها معاه بالغصب في كل حاجه حتي حملها في ميسان و ميشان و بعد ولادتهم هوسه بيها زاد خصوصاً مع حملات البحث اللي كنتوا بتعملوها عشانها .... حبسها في الاوضه اللي كانت ميسان حبساني فيها ..... بس هي شافت ايام اصعب كتير من اللي انا شوفتها ..... لحد ما ماتت بسببه ..... مكنش بيكرهها بس كان بيحبها لدرجه العذاب و الموت ..... و من هوسه بيها قرر يقتل الملك عاصم عشان مانقذهاش منه و ماتت ..... شاف ان الملك عاصم سبب من اسباب موتها عشان كده بعتلكم ميسان و عملوا كل ده .... رباها علي كرهكم و انكم سبب حبسه لامها و موتها .... علي عكس من ميشان اللي كانت بتنزل لامها اكل و مايه في وقت غياب ابوهم .... و اللي سمعت كل كلام امها عنكم و كانت بتحبكم جدا .... و عشان كده هي اللي ساعدتني و كانت بتنزلي اكل. و مايه في غياب اختها لاني فكرتها بنهله و هي برضو اللي حكيتلي كل حاجه عن نهله لما قولتلها انكوا قولتولي اني شببها ..... انا اسفه عشان مكنش في ايدي حاجه اعملها بس كان لازم احكيلك علي الاقل قلبك يرتاح و تعرفي انها مابقتش عايشه بتتعذب و انك المفروض تتدعيلها بدل ما تدوري عليها .
انهت كلماتها و قبلت ايدي سمرا التي تدفقت الدموع علي وجنتيها حزناً علي فراق صديقتها و ألماً علي ما عايشته مع مهووس مختل انهي حياتها بسبب حبه الشديد لها .
قام الملك سلمان من مكانه و احتضن والدته و هو يعلم مدي حبها لصديقتها الراحله .... ربت علي كتفيها بهدوء و هو يخبرها بخفوت .
سلمان : الحمد لله انها راحت عند اللي احسن من الاكل ..... افضل ما كانت سنين تانيه تتعذب مع المختل ده .... او تشوف في يوم بنتها مجنونه زي ابوها ...... ده كان هيزود عذابها .
امأت الملكه سمرا برأسها له و هي تعلم صدق كلماته ....و جففت دموعها بهدوء .
نظر إلي عهود و ابتسم بإمتنان : شكراً انك كنتي سبب عشان مأذيش ميشان .... واضح ان فيها من صفات نهله اكتر من ابوها و المختله اختها ..... و كون انها حافظت علي حياتك الفتره اللي كنتي فيها عندهم دي جميله في رقبتي و لازم اردهلها .
أنت تقرأ
مستذئب من شارع الهرم ( كامله )
Werewolfالاساطير ماهي الا حقائق بدون ادله ..... مهما اختلفت حكاياتها .....هي لم تخلق من عدم ..... فلنترك عقولنا في عالم الواقع ونسبح في عالم من الخيالات المختلفه 🥰 حاصله علي المركز 1مستذئب 1 صداقه 1 حلم 1 شوق 1 اشتياق 1 وجع 2 خطف 2 فراق
