خمسه ايام منذ اختفاءها ..... اصبح الجميع يخشي التعامل مع الملك .... لقد جن جنونه .... بُعد رفيقته أوصله إلي اسوء حالاته ..... لم يسلم احد من غضبه حتي صديقيه ...... جالس في خيمه وسط الغابه يتابع دوريات الجنود في البحث عنها ...... منذ ان نام من يومين في منزله لم يغمض له جفن ..... لتاني مره يرسل مبعوث إلي الأمير عبدالله.... ولكن تلك المره يخبره بحضوره هو وجنوده للبحث بنفسه عنها في إمارته بعد ان تأكد من عدم تواجدها في إماره المستذئبين أو غابه المملكه المحيطه بها ..... وافق الأمير علي الفور وأخبره انه مرحب به هو وجنوده في اي وقت وبأي عدد في إمارته ......
وبالفعل اخذ صديقيه واكثر من ثلاث مائة جندي وذهبوا للبحث في إماره العمالقه.......
********************
طرق محمد الباب بخفوت شديد حتي لا يلاحظ احد بالخارج انه يطرق باب غرفته قبل دخوله .....
فتح الباب ودخل وجدها تمسك كتاباً بيدها .... فهو في الايام الماضيه علم هوسها بالقراءة وخاصه القصص الاسطوريه .... فاتي لها بالكثير من الكتب العملاقه من مكتبه والده ..... لم تسلم حتي الكتب من سخريتها ..... لقد اخبرته ذات مره وهي غاضبه بشده ان الكتاب ضعف حجمها فكيف لها ان تقرأه فاصبح يتعمد اختيار الكتب صغيره الحجم من اجلها
دخل الغرفه وجدها تجلس فوق كرسيه امام الطاوله الخشبيه في غرفته وامامها كتاب ضخم مقارنة بحجمها .... كتم ضحكاته بصعوبه فكان شكل لطيف ومضحك جداً بالنسبه له ...... ولكنه اصطنع الجديه ليخبرها بالقادم .
محمد : عهود سيبي الكتاب وركزي معايا لو سمحتي
عهود بسخريه : علي اساس اني ماسكه الكتاب..... ده انا بحتاج مجهود عضلي وانا بقلب الصفحه كأني بشيل حديد .
ابتسم محمد : الملك جاي الإماره انهارده ..... انا لسه عارف دلوقتي ..... علي سرعته هو ممكن يبقي هنا بعد كام ساعه .
عهود بهدوء : تمام شوف تحب تخرجني امتي وانا جاهزه في اي وقت بس ياريت تعرفني الطريق اللي هايجي منه عشان اشوف طريق تاني امشي فيه .
محمد : انا مابقولش كده عشان تمشي .... انا بقولك عشان تواجهي ......
عهود : انت عارف اني مش هعرف اواجهه ..... وعارف انه هيرجعني بالعافيه معاه ..... وههرب تاني لاني خايفه منه .
محمد : عهود صدقيني المملكه كلها بتتكلم علي حاله الملك ..... وضعه صعب جدا من كتر ما دور عليكي ..... طيب حتي شوفيه من بعيد ..... والدي هيقابله تحت في الدور الارضي ...... انا همشي الخدم من المطبخ بعد ضيافه الملك وجنوده .... وهدخلك فيه .... تشوفي وتسمعي كل حاجه بنفسك وتقرري .
عهود بتفكير : ماشي يا محمد .... كده كده مفيش قدامي حلول تانيه .... وخصوصاً اني مش عايزه اكون سبب في اي مشاكل ليك .
أنت تقرأ
مستذئب من شارع الهرم ( كامله )
Werewolfالاساطير ماهي الا حقائق بدون ادله ..... مهما اختلفت حكاياتها .....هي لم تخلق من عدم ..... فلنترك عقولنا في عالم الواقع ونسبح في عالم من الخيالات المختلفه 🥰 حاصله علي المركز 1مستذئب 1 صداقه 1 حلم 1 شوق 1 اشتياق 1 وجع 2 خطف 2 فراق
