الڤوت يا جماعه وحش اوي
بجد مابقتش عايزه اكمل الروايه بسبب قله المتابعين وقله التصويت
معقول الروايه وحشه كده ؟ 💔 .
_________________________
يقف امام جنوده ورجال شعبه بثبات ظهري يحسد عليه .... ولكن يقسم ان قلبه يرتجف داخل جنبات صدره ..... لم يشعر بالخوف إلي هذه الدرجه في حياته كما يشعر به الآن ..... رفيقته وعشقه في يد تلك المختله .... والاصعب احساس القهر داخله بأنه لم يستطع حمايتها .... خطفت من وسط بيته .... تم اخراجها من تحت جناحه الحامي دون ان يدري .
وقف بثبات وقد قرر اخبار شعبه بما في جعبته .... يعلم ان البعض قد يعترض علي حرب من اجل بشريه ليست من جنسهم .... وليست حتي لونا او ملكه عليهم ..... لو يعلم ان كل هذا سيحدث لكان جعلها زوجته من اليوم الاول .... اخطأ نعم ولكنه الآن سيتحمل نتيجته أخطائه .
تحدث الملك وصوته يحمل من الثبات ما يناقض فتات اعصابه المدمره خوفاً علي معشوقته
* طبعاً انا جمعتكوا قبل كده وقولتلكوا ان رفيقتي الحسيه بشريه ... ظاهره بتحصل في جنسنا لأول مرة .... لا هو اختياري ولا ارادتي .... مشيئه ربنا ان الرابطه الحسيه اللي بتميزنا عن كل الشعوب تتفعل مع بشريه ..... بعلنها قدامكوا كلكوا..... اجلت جوازي منها عشان خاطركوا ... عشان تعرفوها كويس وتطمنوا ان الملكه بتاعتكوا تستحق مكانتها ..... مكنش ينفع اتسرع في الجواز واجبركوا علي وجودها .... قاومت ارادتي ورغبتي عشانكوا انتوا .... بس دلوقتي بعد ما اتخطفت من جوا بيتي وسط ممكلتي اللي بيحميها جنودي .... مابقاش ينفع تأجيل ..... الملكه لازم ترجع..... دي واحده عاشت وسطنا اتخلت عن عالمها وشعبها وحياتها كلها ووافقت تعيش وسطنا .... ماتستهاهلش ابدا اننا نتخلي عنها...... انا لو هضحي بروحي في سبيل رجوعها مش هتردد لحظه ..... بس مش هينفع اجبركوا علي دخول حرب مع السحره عشان واحده مش من جنسكوا ..... بس لازم تعرفوا ان حياه الملك بتاعكم مرتبطه بحياه البشريه دي ...... دلوقتي القرار معاكم اللي عنده استعداد يخوض معايا الحرب يعرف عامر وهو هيبلغكوا بالخطه ..... واللي شايف انه مش موافق عليها ك ملكه وانها ماتستحقش نعلن الحرب عشانها يقدر ينسحب ببساطه .... القرار قراركم .
انهي كلماته وغادر ساحه التدريبات تارك الجميع في حاله تخبط هائله بين مؤيد ومعارض للحرب التي ينوي ملكهم شنها علي السحره ..... ولكن حتي المعارضين قد تراجعوا حينما استمعوا لجملته يخبرهم ان لا حياه له بدونها .... مهما كان هو ملكهم وهم شعبه وجنوده .... لقد اقسموا علي حمايته ..... وهو محق أيضاً كونها خطفت من وسط امارتهم اهانه كبيره لجنس المستذئبين اجمع لن يقبلوها .
دلف الي قصره وهو يحمل هم العالم فوق عاتقه ..... ساعات مضت منذ اختفاءها ...... لا يعلم ماذا يفعل ان قامت تلك الساحره اللعينه بإذائها .... قتل عشيره السحره اجمع لن يخمد تلك النيران بصدره ...... وحتي ان استطاع اخراجها بأمان ... كيف سينظر داخل عينيها وهو قام بإذائها مرتين .... ولم يستطع حمايتها...... تذكر كلمات ماهر حين اخبره ان رجوعها الي عالمها هو الحل الافضل لها قبله .... هل كان ماهر محق ..... هل قربه منها هو فعلا جحيمها ...... هل سيستطيع ان يفارقها .... هل يقدر علي الابتعاد .... ماذا لو رفض شعبه مساندته ....
أنت تقرأ
مستذئب من شارع الهرم ( كامله )
Werewolfالاساطير ماهي الا حقائق بدون ادله ..... مهما اختلفت حكاياتها .....هي لم تخلق من عدم ..... فلنترك عقولنا في عالم الواقع ونسبح في عالم من الخيالات المختلفه 🥰 حاصله علي المركز 1مستذئب 1 صداقه 1 حلم 1 شوق 1 اشتياق 1 وجع 2 خطف 2 فراق
