صراع عائلة الطوجي ( مكتمله )

التاسع

كانت مروة تنظر الي ساعة يدها كل خمس دقائق فهي لا تريد أن تتأخر عن والدها وتذهب كما اتفقت معه وكان هناك من يراقبها ويراقب جميع تحركاتها حتى قامت فاتن بالنداء عليها وذهبت لها كانت تتحدث مع نورا وهبه بنات عمها صابر........

فاتن وهي تشاور على نورا وهبه: دول بنات عمي يامروة...نورا صابر الطوجي وهبه اختها الصغيرة.
مدت مروة يدها وقالت بابتسامة هادئة: اهلا وسهلا بحضراتكم.
فعلوا مثلها وسلموا عليها وقالت نورا بتكبر: انتي صاحبة فاتن بقا...دي مالهاش سيرة غير  عليكي اكن مالهاش حد غيرك.
لم ترتاح مروة لطريقة حديثها ولكن قالت بهدوء: انا وفاتن صحاب من الإعدادي تقريبا بس انا ماكنتش باجي عندها خالص ولا هي طبعا.
هبه بتعجب: اومال كنتوا بتشوفوا بعض ازاي؟!
فاتن بابتسامة: كنت بشوف مروة ايام المدرسة بس وبعد ماتفرقنا في الجامعة بقينا مش بنشوف بعض غير لو بالصدفة والقدر.
نورا ببرود: اه...عشان كده الكل قعد يسال عليها ويعرفوا مين دي.
مروة ببرود مماثل: والله بقا انا الحفلة دي مع احترامي للكل ماحدش يهمني فيها غير فاتن بس.
نورا: واضح ان فيه حد يعرفك هنا غير فاتن.
مروة فهمت من تقصده ولكن قالت فاتن باستغراب: مين اللي يعرفها هنا غيري يانورا انتي بتقولي ايه...انا بقولك انها مش بتيجي هنا اصلا غير مرة واحدة كنت تعبانة فيها وماكنش فيه حد كمان؟!
نورا ببرود شديد: لا يافتن فيه حد يعرفها وعمال يبص عليها من ساعة مانزلت معاكي كمان وعايزة اعرف هو بيبص عليها ليه؟!
هبه: مين ده طيب يانورا؟!
وقبل ان ترد عليها نورا قاطعتها مروة قائلة: قصدك استاذ فهد مش كده؟!
فاتن نظرت لها بصدمة: ايه ده يامروة انتي تعرفي فهد ابن عمي الله يرحمه؟!
مروة نظرت لها في هدوء: اه واعرف اخوه اسمه عمر تقريبا.
نورا تحاول تخفي غيرتها وقالت: وتعرفيهم منين بقا وانتي ماتعرفيش حد غير فاتن زي ماقولتي؟!
مروة ببرود: انا ماعرفهوش شخصيا يا آنسة نورا ولا هو يعرفني.
فاتن بتعجب: اومال بيبص عليكي ليه؟!
مروة بلامبالاة: ممكن عشان شافني عند مطعم بابا بس مش اكتر...هو جده الله يرحمه تقريبا كان يعرف بابا فهو جيه يسلم علينا بس.

لم تحبذ مروة ان تقول عن سبب زيارة فهد لوالدها وهو ان ياخذ المطعم الذي كتبه صالح الطوجي له قبل وفاته...لكي لا تقوم مشكلة بسبب ذلك وخصوصا ان والدها يحذرها بالتعامل مع تلك العائلة يكفي فاتن فقط.......

كان طارق لم يزح عينه من على مروة منذ ان نزلت مع فاتن للاسفل فعلم انها صديقة فاتن فذهب لكي يلقي التحية عليها وهو في نيته يفعل بيها كما يفعل مع اي فتاة تنال اعجابه........

طارق بابتسامة سعيدة: ازيكوا يابنات؟!
نورا: الحمد لله يا طارق انت عامل ايه؟!
طارق: الحمد لله زي الفل وتمام.
هبه: طب الحمد لله.
طارق نظر الي مروة وقال لفاتن: مش تعرفينا بالانسة يا فاتن؟!
فاتن ببرود لانها تعلم مايريده: دي مروة صاحبتي يا طارق واهم صاحبة هنا.
طارق: طيب ياستي وهو انا قلت حاجة...(ثم مد يده الي مروة)...اهلا وسهلا بيكي يا انسة تشرفنا ونورتي.
مروة نظرت ليده وقالت بابتسامة: اهلا وسهلا بحضرتك بس اعتذر منك والله مش بسلم.
طارق احرج من تلك المعاملة التي تعرض لها لاول مرة فقال ببرود: ليه ان شاء الله يا انسة حد قالك عليا اني مش مستحمي؟!
نظرت فاتن له بصدمة وقالت لمروة باحراج: انا اسفة جدا يا مروة هو اصله مايعرفش دينه كويس.
طارق بغضب: انتي بتقولي ايه انتي كمان...انتي جيبالي واحدة في حفلتك دي عشام تهزقني؟!
نورا بتوتر: خلاص يا طارق ماحصلش حاجة لكل ده يعني ثم هي ماعملتش فيك حاجة عشان تقول انها هزقتك.
طارق بغضب ينظر لها: اقعدي ساكتة انتي كمان.
مروة ببرود: انا شايفة ان كلام الانسة نورا صح انا ماعملتش اي حاجة تستدعي كل العصبية دي...واذا كنت مش فاهم انا عملت كده ليه يبقا تفهم الاول وبعدين تتصرف.
طارق بغضب: قصدك ان انت غبي مش بفهم يعني؟!
مروة: انا ماقولتش كده.
طارق: والله اي حد هيفهم كده من طريقة كلامك.
مروة: ده اللي عايز يرمي الغلط على اللي قدامه هو اللي يفهم كده.
طارق بعصبية: بقولك ايه انتي تطلعي برا احسنلك عشان ما اتهورش عليكي.
فاتن نظرت له بغضب شديد: انت بتستهبل يا طارق مين دي اللي تطلع برا...انت بتطرد ضيوفي من حفلتي كمان؟!
طارق بغضب: اقعدي ساكتة يابت انتي مش لما تعرفي تختاري ضيوفك الاول وبعدين تيجي تتكلمي...ثم ده بيتنا قبل ماتكون دي حفلتك.
مروة قاطعة كلام فاتن الذي كانت ستقوله وقالت: خلاص يافاتن انا همشي لان كده ولا كده الساعة جت 7.30 وبابا مايزعقش.
هنا تقدم فهد منهم بجبروته فالكل خاف منه حتى طارق فهو لا يرحم احد وخاصة من عائلته....فقال: ايه اللي بيحصل هنا وانت يا استاذ طارق بتزعق ليه؟!
فاتن تكلمت بغضب: البيه طرد صاحبتي مروة من البيت عشان بس ماسلمتش عليه فازاي بقا تعمل كده واحرجته.
فهد نظر له ببرود وسخرية: هو ابن عمي مايعرفش ان حرام شاب يسلم على بنت مش محرمة عليه؟!...ثم انا اول ما قابلت الآنسة مروة ماسلمتش عليا انا كمان وتقبلت ده واحترمته كمان.
نورا هنا بغيرة وغضب: ماشي يافهد بس بردو مافيهاش حاجة اما تسلم مرة وبعدين تبقا تتوضى مش مشكلة.
طارق بغضب: انتي بتقولي ايه انتي كمان شيفاني كلب قدامك؟!
فهد بابتسامة: تصور أصدق تشبيه قلته.
طارق بعصبية: فهد ماتخلنيش اتعصب عليك انت كمان.
فهد ببرود مخيف: وريني هتعمل ايه.
طارق خاف من نظراته ثم نظر الي مروة بتوعد وذهب لغرفته فقالت فاتن بحزن: ماتزعليش يا مروة بالله عليكي انتي عارفة الوضع.
مروة بابتسامة حنان: ماتقلقيش عادي ياما بقابل زي اخوكي كده بس بسيبهم وامشي لكن عشان ماكسفكيش انتي سكت وماتكلمتش ولا مشيت وسيبته.
فاتن بحزن: لو كنتي هزقتيه كان افضل والله وهكون راضية.
ضحكت مروة بخفة: لا طبعا مش هينفع والا كان زمانك انتي اللي هتتعاقبي.
فهد نظر لها ببرود: يلا تعالي اوصلك.
نظرت له نورا بصدمة وقالت في نفسها: وانا اللي كنت دايما بتحايل عليه يوصلني ومش بيرضى ويكسفني دلوقتي هو بنفسه بيعرض عليها؟!...البت دي خطر عليا جدا شكلها.
قالت مروة بهدوء: لا شكرا مش عايزة اتعب حضرتك.
فهد وهو يستعد للذهاب: لو كان فيه تعب ماكنتش عرضت عليكي من الاول...انا مستني في العربية ياريت ماتتاخريش.
نظرت مروة الي فاتن بصدمة وعدم تصديق لهذا الفهد فقالت فاتن بضحك: روحي يا مروة روحي عشان لو اتاخرتي ممكن يعمل مصايب ده فهد وكلنا عارفينه.
مروة فكرت في كلام فاتن وذهبت وهي تنوي ان تتحدث معه بهدوء عكس البركان الذي بداخلها......