في منزل فريدة الطوجي......
كانت الخادمة ذاهبة لغرفة رؤى لكي تخبرها ان الفطور جاهز وهم ينتظرونها للاسفل.....
وعندما صعدت وطرقت الباب لم تتلقى اي رد مع ان في هذا الوقت تكون مستيقظة!!...وكررت الدخول بعد ان استأذنت اولا ولكن لم تتلقى رد ايضا......
في الأسفل...كان وليد قد أخبر فريدة انه تكلم مع هشام وفاتن موافقة على الزواج به وهشام ايضا كذلك...فقالت فريدة: طيب الحمد لله المهم تبقى اد المسؤليه ياوليد فاهم!!
وليد بجدية: طبعا يا امي..وهو انا لو ماكنتش اد المسؤليه كنت روحت اتقدمت من اصله؟!
فريدة: انا بقولك بس عشان تبقى عامل حسابك لو حصل منك اي غلط هشام مش هيسمي عليك.
وليد بابتسامة: ماتقلقيش ياست الكل ابنك ادها واكتر كمان.
فريدة بابتسامة: اما نشوف ياخويا.
سمعوا صوت صراخ الخادمة فلم ينتظر وليد وصعد بسرعة عندما علم ان الصوت ياتي من غرفة رؤى ولحقت به فريدة......
عندما وصل وليد رأي رؤى غائبة عن الوعي على الأرض ولا تتحرك فذهب إليها بسرعة في حين قد وصلت فريدة وعندما رات ابنتها هكذا صرخت بخوف......
فريدة ذهبت إليها بسرعة وهي تمسكها مع وليد وتقول بصراخ: ايه اللي حصلها..انطقي!!
الخادمة بخوف: والله ياهانم ماعرفش انا طلعت انادي عليها ولما مالاقتش رد فتحت وشوفتها مرمية على الأرض كده!!
وليد بخوف: احنا لازم نوديها المستشفى.
فريدة ببكاء وقلق: ومستني ايه يلا بسرعة..روحي قولي للسواق يجهز بسرعة..وانت ياوليد روح غير هدومك لغاية ما اساعدها تلبس بسرعة يا ابني!!
وليد وقف وخرج مسرعا وقد خرجت الخادمة تخبر السائق بما امرتها به سيدتها وبالفعل في ظرف عشر دقائق كان الجميع مستعدا للتحرك الي المشفى تحت بكاء فريدة وخوفها القوي وقلق وليد ايضا.......
____________________
في منزل فهد وقبل ما يحدث في منزل فريدة.....
كان فهد قد اسيتقظ قبل مروة بفترة قصيرة...وألغى جميع اعماله اليوم ولمدة اسبوع كامل فهو لن يترك تلك السعادة الكبيرة التي بها الان تذهب من بين يديه لأجل عمله!!!...سوف يحاول استغلالها كما ينبغي......
كان قد خرج من الحمام الان وانتبه ان مروة بدات في الاستيقاظ حتى استيقظت وراته يخرج من الحمام فابتسم لها.....
فهد بخبث: صبحية مباركة ياعروسة ايه كل ده نوم؟!
مروة انتبهت لكلامه جيدا وعلمت مقصده فأخفت راسها تحت الغطاء وهي تقول: خلاص اتريقت..اتفضل بقا هوينا لغاية ما اخد شاور انا كمان..واحصلك على الفطار.
فهد اقترب من السرير بضحك: ليه ما انا عندي اقتراح احسن ايه رايك نفطر هنا وعقبال ما تاخدي الشاور بتاعك يكون الفطار جاهز؟!
مروة: لا ياسيدي انا اللي هنزل اعملك الفطار بس اطلع منها انت الاول.
فهد: لا وانا مايرضنيش النهاردة اجازة ليكي من دخول المطبخ وانا اللي هتولى المهمة دي عنك.
مروة أخرجت راسها فقط من الغطاء وقالت بشك: ايه سر التغيير ده ياترى.
فهد اقترب منها كثيرا وقال بخبث: تحبي اقولك عادي كده ولا هتزعلي لما تتكسفي!!
مروة بغيظ: اطلع برا يافهد..روح اعمل الفطار الغدا..المهم حل عني لغاية ما انزلك.
فهد وقف بضحك وقال: طيب بس ماتتاخريش يا اما هطلعلك.
مروة: يلا يافهد.
فهد وهو يخرج: خارج اهو ياساتر عليكي!!
أنت تقرأ
صراع عائلة الطوجي ( مكتمله )
General Fictionصراع بين أبناء واحفاد عائلة الطوجي لا يرحم احد واي غريب يدخل بها ينتهي به الحال إلى الدمار!!!! فماذا سيحدث مع ابنة محمود العمري......؟!! صراع عائلة الطوجي.....
