لم تكن الصدمة كبيرة بقدر ماكانت محببة على قلب مروة خاصة...فوجود فهد هنا في منزلها كفيل لشعورها بالراحة والأمان...مع انها لا تعلم سبب شعورها هذا!!...ولكن يكفي احساس السعادة الذي يغمرها الان ولا شيء آخر!!!......
صابر بغضب: انت بتقول ايه؟!..انت مش مطرود من هنا المرة اللي فاتت!!..لحقت تخطبها امتى ان شاء الله؟!
فهد بسخرية: ماهو اللي ماتعرفهوش اني روحت للحج محمود مطعمه امبارح بالليل واتقدمت تاني وهو وافق..مش كده ياحج؟!
انتبه محمود له وقال ببرود: ايوا صح.
صدمة اخرى حلت على مروة فهي لم تعلم ان والدها سيوافق بتلك السرعة بدون اي مجهود؟!
صابر بغضب: يعني ايه الكلام ده؟!
فهد بسخرية: يعني تتكل على الله ياعمي الفاضل.
صابر بغيظ: انا مش مصدق ولا كلمة من اللي قلتها دي حتى لو كان محمود وافق هو اصلا عارف اللي فيها ولو رفض ايه اللي هيحصل.
محمود بغضب: لا صدق بقا وانا مابتهددش ياصابر الطوجي واخر كلام ماعنديش بنات للجواز من واحد زيك..واتفضل بقا من غير مطرود!!
صابر ببرود غاضب: هي بقت كده يعني؟!
فهد بهدوء: اه.
صابر نظر له بمكر: ماشي يافهد انت فزت عليا بخطوة بس لكن ماتفكرش ان دي تكون النهاية مثلا..والايام هتثبتلك.
ثم خرج وهو يتوعد بأسوأ الأفعال في حين تنهدت مروة براحة اخيرا وهي تنظر الي فهد كأنه منقذها الوحيد ولكنها انتبهت لكلامه لوالدها قائلا........
فهد بهدوء: انا اسف اني تدخلت بالطريقة دي بس ده عمي ومافيش حد هيقدر عليه إلا أنا.
محمود بهدوء: القادر هو الله يابني..احنا مش عارفين نشكرك ازاي الصراحة بس حقيقي انت انقذتنا فعلا النهاردة.
فهد بابتسامة: ماتقولش كده ياحج مهما كان انتوا زي عيلتي طبعا ولازم اساعدكم في اي ظرف كان..ده لو ماكنش يزعلك طبعا!!
محمود بابتسامة: لا طبعا يابني اهلا بيك في اي وقت وده يشرفنا طبعا..انا اللي اسف على اي مقابلة او معاملة سيئة كنت عاملتك بيها انت عارف انا مريت بايه مع عيلتك دي ودلوقتي انا رب أسرة لازم اخاف عليها.
فهد بابتسامة: ماتقلقش ياعمي انا قلت لحضرتك اني مقدر اللي انت فيه وده حقك طبعا لان انا لو مكانك كنت هعمل كده واكتر كمان.
مروة بصدمة: هو في ايه بالظبط ايه الحب اللي نزل عليكم فجأة ده؟!
فهد بضحك: لا بقا ده كده عايز سهرة وانا للاسف مش هعرف اشرحلك عشان عندي شغل الصبح بس والدك هيقوم بالواجب ده بقا ويفهمك كل حاجة..يلا سلام عليكم.
محمود بتذكر: لحظة!!..بس انت عرفت ازاي انه هيجي هنا!!
فهد بمكر: عيب عليك ياحج طبعا حاطط عيوني عليه من ساعة ماعرفت انه هيجي هنا في يوم.
محمود بضحك: ياساتر على دماغك وتفكيرك!!
فهد بضحك: مش من عيلة الطوجي بقا!!..يلا سلام.
محمود بابتسامة: سلام يابني.
فهد وهو عند باب المنزل تذكر شيء ما فاعاد نظره لمحمود وقال: اه ياحج ماتنساش معادنا بقا ان شاء الله!!
محمود: اه طبعا ان شاء الله مش ناسي وعلى معادنا بإذن الله.
فهد بسعادة: تمام اوي سلام عليكم.
الجميع بصدمة: وعليكم السلام!!
أنت تقرأ
صراع عائلة الطوجي ( مكتمله )
General Fictionصراع بين أبناء واحفاد عائلة الطوجي لا يرحم احد واي غريب يدخل بها ينتهي به الحال إلى الدمار!!!! فماذا سيحدث مع ابنة محمود العمري......؟!! صراع عائلة الطوجي.....
