أنهى فهد اعماله مسرعا الي مروة لكي يخرجها من المشفى وتذهب معه للمنزل اخيرا...فلقد اشتاق لرائحتها كثيرا......
بعد وصول فهد للمشفى صعد الي غرفتها ورائها تضحك مع محمد ووالدته ولكن هناك شيء غريب فقد كانت والدتها تبتسم بحزن وكانها لم تفرح لخروج مروة من هنا!!.....
عندما انتبه له محمد أشار له بالخروج لكي يتحدث معاه وواضح انه امر هام ولا يريد من مروة الاستماع ايضا...فخرج معه فهد وهو يشعر ان هناك شيء لن يحب سماعه!!......
محمد بتنهيدة: بص يافهد فيه حاجة قالها الدكتور لازم تعرفها عشان تبقى واخد بالك.
فهد بقلق واضح: مروة حصلها ايه فيه حاجة خطر!!
محمد: لالا الحمد لله مروة كويسة وانت شوفت بنفسك.
فهد براحة: الحمد لله اومال فيه ايه؟!
محمد: الأفضل اننا نروح الدكتور عشان هو اللي هيفهمك احسن.
فهد: ماتقول انت اخلص!!
محمد بنفاذ صبر: وانت مش هتفهم مني حاجة وممكن ماتصدقنيش كمان عشان كده الأفضل انك تروح للدكتور..فيها ايه دي مش مفهومة!!
فهد بتنهيدة ملل: اتفضل خلينا نخلص!!
ذهب الإثنين وفهد يدعو الله في قلبه ان يكون كل شيء على مايرام لكي لا يشعر بنفس الاحساس في الأيام الماضية!!.......
الطبيب: اهلا اهلا بالبهوات اتفضلوا حضراتكم.
فهد ببرود: انا عايز اعرف حالة مراتي وصلت لايه؟!
الطبيب بلع ريقه بصعوبة وقال: انا قلت لأستاذ محمد اخو الهانم!!
فهد بتنهد: وانا عايز اعرف منك ايه صعبة دي؟!
الطبيب بارتباك: لالا ولا صعبة ولا حاجة ده شغلي..مروه هانم كويسة جدا والحمد لله بس طبعا حضرتك عارف ان الصدمة اللي اتعرضت ليها كانت قوية شوية عشان كده حصل شيء كنت متوقعه.
فهد بانتباه: ايه هو؟!
الطبيب:..........
___________________
خرج فهد من مكتب الطبيب وهو في حالة اللاوعي تقريبا فانتبه له محمد......
محمد بتحذير: قبل ماندخل يافهد انا بفكرك مروة لو عرفت الحالة اللي هي فيها هتتنكث حالتها وتسوء اكتر..فياريت ماتحسسهاش باي حاجة خالص واتعامل معاها زي الاول واكتر تمام!!
فهد بهدوء: انت عارف كويس اوي ان انا اكتر واحد يهمه انها تكون كويسة على طول ولو بايدي كنت سفرتها برا وتتعالج هناك بس عشان عارف انكم مش هتوافقوا فسكت.
محمد: الحمد لله..يلا ندخل.
بعد ان دخلوا الإثنين وانتبهت لهم مروة وعائشة...وكانت عائشة واضح عليها الحزن الشديد ولكن تحاول ان تخفيه بكل جهدها......
مروة بحزن: انا نفسي اعرف بس انتي زعلانة من ايه..انا خلاص بقيت كويسة والله الحمد لله!!
عائشة بابتسامة حزينة: مهما كان انتي بنتي وأنا امك لازم اكون قلقانة حتى لو بتتنططي قدامي.
مروة بابتسامة: عارفة والله..بس انا بردو مش عايزة اشوفك كده انتي عارفة اني بزعل لما اشوك زعلانة!!
عائشة بحنان: حاضر ياحببتي مش هفضل زعلانة انتي بس قومي كده وشدي حيلك زي الاول وانا هرجع زي الاول كمان.
فهد ببرود وهمس لمحمد: مش بدل ماتنصحني انا كنت انصح الحجة والدتك اللي هتكشف كل حاجة دي.
محمد بهمس غاضب: انا منبه عليها والله مش عارف ايه اللي حصل!!
فهد بحمحمة لكي ينتبه له جميعا: طب ايه مش يلا بقا نروح بيتنا ياست الكل انا خلصت إجراءات خروجك من هنا خلاص.
مروة بسعادة: بجد!!..اخيرا انا بكره المستشفيات دي اوي وعايزة امشي من هنا باي طريقة.
فهد بابتسامة: طب يلا بينا عشان بيتك واحشتيه.
عائشة بصدمة: ايه ده!!..هي مش هترجع معانا؟!
فهد نظر الي محمد بنفاذ صبر وقال: اتصرف قبل ما اتصرف انا.
محمد بتوتر وهو يحاول تنبيه والدته: ايه يا امي مش قلنا ان مروة لازم تروح لبيت جوزها عشان بابا مايزعلش..ها بابا!!
عائشة فهمت مقصده ولكنها قالت بحزن: بس انا مش هقدر ابعد عنها انا ماصدقت انها فاقت!!
محمد اقترب منها وقال: معلش يا ست الكل هنبقا نزورها بس بعد ما تشد حيلها كده وتقوم بالسلامة.
رضت عائشة بالامر الواقع فقال فهد لمروة: يلا بينا ياحببتي عشان مانتاخرش!!
مروة وهي تنظر لوالدتها: ان شاء الله اول ما أشد حيلي هاجي اشوفكم على طول عشان بابا كمان واحشني اوي.
عائشة بحزن: ماشي ياحببتي قومي بس انتي بالسلامة وماتشيليش هم حاجة ابدا..(ثم قالت لفهد برجاء)..خد بالك منها يافهد بالله عليك!!
فهد بطمأنينة: ماتقلقيش يا امي دي في عينيا من غير توصية من حد.
محمد وهو ياخذ والدته للخارج: يلا احنا كمان ياماما زمان بابا قلقان علينا وهو في الشغل.
عائشة بتنهيدة: يلا يابني..سلام عليكم.
مروة وفهد: وعليكم السلام.
أنت تقرأ
صراع عائلة الطوجي ( مكتمله )
Tiểu Thuyết Chungصراع بين أبناء واحفاد عائلة الطوجي لا يرحم احد واي غريب يدخل بها ينتهي به الحال إلى الدمار!!!! فماذا سيحدث مع ابنة محمود العمري......؟!! صراع عائلة الطوجي.....
