صراع عائلة الطوجي ( مكتمله )

الواحد والثلاثون

نزل فهد مسرعا للاسفل وهو لا يرى امامه من شدة الغضب الذي سيفتك به أي شخص يقف امامه الان!!!!........

فهد بصوت جهوري هز أركان القصر بقوته: انتوا يا بهااااايم!!

الجميع...وانا أعني الجميع لقد وقفوا صفا كضباط الجيش ينتظرون أوامر قائدهم برعب وقلق من ما سيحدث لهم من هذا الوحش!!!......

فهد بغضب: الهانم فين؟!
الحارس محاولا ان يتشجع: فيه اوضتها ياباشا!!
فهد اقترب منه وابتسم ابتسامة مرعبة جعلت الاخر يندم على انه تشجع بينهم وتحدث: وهي لو فوق كنت سألت اغبيا زيكم ليه؟!
ابتلع الحارس ريقه بصعوبة: احنا آخر مرة كنا متأكدين انها فوق سعتك!!
فهد بصراخ قوي اقشعرت له الابدان: وانا بقولك مش فوووق..ايه هتجادلني!!..اطلع شوف بنفسك ياروح امك.
الحارس انزل راسه بسرعة بخوف: ااا..انا..انا اسف يابيه والله ما اقصد سعتك!!
فهد ببرود مخيف: ٢٤ ساعة وتكون الهانم قدامي فاهمين!!..احسن وربنا هخلي عائلتكم تبكي عليكم بدل الدموع دم..(ثم صرخ)..مفهوووم!!!
الحراس بصوت واحد: مفهوم ياباشا.
فهد: غوروا من وشي.

ذهب الجميع بسرعة خوفا من هذا الفهد المفترس حتى لا تكون رقابهم تحت فكيه في النهاية......!!!
___________________
في منزل هشام الطوجي.......

كان هشام قد اتى منذ قليل وجلس في مكتبه حتى يراجع بعض الأوراق المهمة حتى اتى طارق ودخل بهمجيته كالعادة...فنظر له هشام بغضب........

هشام ببرود: مش هتتعلم الزوق بقا يابيه!!
طارق ببرود: وانا لاقيت اللي يعلمني ورفضت!!
هشام بنظرة غاضبة: هتلبغ ياض انت ولا ايه؟!..ماتحترم نفسك ولا انت مابقاش حد يهمك في البيت ده؟!
طارق بتافف: بابا انا راجع مش طايق نفسي فبالله عليك بلاش النهاردة بس.
هشام بسخرية: ومش طايق نفسك ليه بقا يابيه!!..مين اللي امه داعيه عليه وعكر مزاجك؟!
طارق: مافيش شوية مشاكل مع صحابي.
هشام وقف يضع الاوراق في درج المكتب: يا اخي فكرتك هتقول مشاكل في الشغل.
طارق بنفاذ صبر: بابا احنا مش هنخلص من الموضوع ده بقا؟!
هشام: يا شيخ اتلهي..كان نفسي تطلع زي فهد في شطارته وذكائه بس ياخسارة كل حاجة طلعت من نصيب شاكر..الله يرحمه بقا.
طارق بعصبية: ماتجبش سيرة الزفت ده قدامي يابابا انت عارف كويس اني مش بطيق سيرته!!
هشام بسخرية: عشان اشطر منك بس!!..ولا عشان كان واخد شهد قبلك؟!
طارق وقف بعصبية: يوووه..اديني سيبهالك خالص.

وكان سيخرج ولكن دخلت كبيرة الخدم وهي تقول باحترام ووقار: هشام بيه فيه واحدة جت برا وبتسال عن فاتن هانم.
هشام: فاتن!!..مين دي؟!
نورا: بتقول انها مروة صاحبتها.
هشام بتفكير: مروة!!..خليها تدخل.
نورا باحترام: حاضر ياباشا..عن اذنك.
هشام: اتفضلي يانورا.
طارق بعد ان ذهبت: مين دي؟!
هشام وهو يعود لمكتبه: وانا مالي طالما من صحاب فاتن فماعنديش مانع!!
طارق بتفكير: ماهي المشكلة في كده..من امتى فاتن عندها صحاب اصلا؟!
هشام بغضب اقترب منه: بقولك ايه انا يمكن اسمحلك تهبل في الكلام زي ما انت عايز بمزاجي لكن عند اختك وتلزم حدودك..فاهم!!
طارق بسخريه: مالك ياحج فيه ايه انا قلت حاجة غلط!!..ثم ماهي اختي زي ماهي بنتك يعني؟!
هشام جلس وقال بسخرية: والله!! اول مرة اعرف انها اختك يا اخي..ده انتوا مش بتلمحوا بعض الا صدفة ولا اكن كل واحد منكم في بيت واحد!!
طارق ببرود وهو يستعد للخروج: انا خارج القعاد هنا بقا يجبلي الصداع.
هشام: اتكل بالسلامة.