صراع عائلة الطوجي ( مكتمله )

الخامس

لا تعلم مروة لما خافت من نظرته ونبرة صوته قليلا ولكن كل ما صدر منها انها قالت..........

مروة بهدوء وهي تنظر ليده: اسفة والله بس مابسلمش.
أعاد فهد يده مرة اخرى وقال ببرود: اه تمام عادي.
محمد قال بغموض: وانتوا بقا معلش جايين هنا ليه؟!
قال محمود له بتانيب: محمد عيب كده دول مهما كان ضيوفنا ولازم نستقبلهم؟!
عمر يحاول ان يخفف من التوتر: ااه طب مش هنتكلم بقا ياحج محمود ولا ايه؟!...انت عارف ان فهد مش فاضي كتير ووراه شغل.
محمود: عارف يابني عشان كده انا مش عايز اخركم عن شغلكم وقولتلكم ردي.
فهد نظر له وقال بهدوء: اتمنى نتكلم تاني يا حج وانا فاضي واحب اسمع اسبابك.
محمود: يابني انا مش عايز اعطلك عن.......
قاطعه وهو يقترب من طاولة ما ليجلس ببرود: وانا قلت لحضرتك اني فاضي وانا مش هطلع من هنا غير وانا متأكد ان وصية جدي اتنفذت الله يرحمه.
محمود تنهد: طيب يابني...(ثم وجه حديثه الي مروة)...روحي يابنتي اعملي عصير للرجالة لغاية مانتكلم معاهم.
مروة: حاضر يابابا...تعالى معايا يامحمد.
محمد بتعجب: هو قال مروة عايزاني في ايه؟!
مروة سحبته من ياقة قميصه وقالت: بقولك تعالى يابني لازم اسحبك يعني.
محمد وهو ينظر لهم بريبة: طيب يا مروة طيب براحة.

وفعلا دخلوا لكي يحضرون ما طلبه والدهم ولكي يتحدثون على راحتهم ايضا ولكن مروة تسترق السمع عليهم لانها في الواقع لم ترتاح لمن يسمى بفهد هذا فنظراته وحدها كفيلة بأن تجعلك امام شخص يجب ان تحذر منه كثيرا........!!!
محمد بسخرية من منظرها: على اساس ان انتي اللي سحبتيني عشان نسيبهم على راحتهم مش كده؟!
مروة بعدم اهتمام: اعمل بس العصير واقعد ساكت عشان اعرف اسمع.
محمد بغيظ: طب وحياة امك لاقول لابوكي على اللي بتعمليه ده.
مروة نظرت له بغيظ: يخربيت رخامتك يا اخي خلاص اديني جاية اهو ياساتر.
محمد بغرور: ايوا كده ماتجيش غير بالعين الحمرا.
مروة بغضب: طب اقعد ساكت بقا عشان ماقلبش عليك العصير ده كله.
محمد: طيب طيب خلاص عارفك مجنونة وتعمليها.
مروة ببرود: كويس انك عارف.
________________________
عند محمود وفهد وعمر.........

عمر: اتمنى بقا ياحج تقولي اسبابك اللي تمنعك انك تاخد حقك اللي كتبه جدي الله يرحمه؟!
محمود جلس ونظر له: يا ابني انا عارف جدكم صالح الله يرحمه اد ايه انسان طيب وشهم ويحب يعمل الخير حتى لو على حساب حياته...بس دي كانت مشكلة بيني وبينه وشخص تاني كان صديقنا بردو وبسببها اتفرقنا او انا اللي بعدت عنهم ومابقتش اكلمهم زي الاول.
فهد: تقصد عم شريف الدمنهوري؟!
نظر له محمود بدهشة: انت تعرفه؟!
فهد: اه لان كان بيزورنا في آخر فترة قبل ما يموت جدي.
محمود بخفوت: عشان كده.
عمر: طب وهي ايه المشكلة دي اللي تخليك ترفض اللي جدي كاتبهولك وتقطع علاقتك بيهم؟!
محمود وهو يتذكر الماضي بحزن: دي مشكلة كبيرة يا بني من ٣ سنين والصراحة مش هقدر اقولك عليها عشان سر بينا احنا التلاتة...انا وشريف وصالح الله يرحمه.
فهد: مش مشكلة يا حج المهم انك تاخد المطعم وترجع تشتغل فيه من تاني.
محمود نظر له بتردد: مانا قلتلك يابني اني.....
قاطعه: وانا اكني ماسمعتش حاجة مع احترامي طبعا لكلامك ياحج...بس دي وصية جدنا يا حج ولازم تتنفذ...والحج الله يرحمه وصاني انا وعمر ننفذ الوصية دي ونتأكد من ان كل واحد فيكم انت وعم شريف ياخد نصيبه.
عمر اكمل: واحنا عايزين نريحه في قبره يا حج محمود.
محمود بتنهد: طيب يابني بس سيبني افكر وهرد عليكم بعد يومين.
فهد وهو يقف: تمام وانا هستنى ردك واتمنى يكون بالقبول.
عمر وهو يقف ايضا: يلا نستأذن احنا بقا.
محمود وهو يقف: لا ازاي ميصحش لازم تشربوا حاجة!!...(ثم قال بصوت عالي)...يا مروة فين العصير يابنتي؟!
اتت مروة بسرعة ومعها العصير: اهو يابابا اتفضل معلش اصل كنت بصلي.
خرج محمد معها ونظر لها بمكر وقال في اذنها بخفوت: بتصلي بردو يا شيخة مروة؟!
ضربت قدمه بخفة حتى تالم قليلا أمامهم فقال محمود بتعجب: فيه حاجة يامحمد مالك؟!
محمد نظر لها بغيظ ثم نظر الي والده: لا يا بابا مافيش بس رجلي اتشنجت مرة واحدة بس.
محمود: طيب...حطي العصير للبهوات يامروة.