بعد مرور اسبوع اخر على فهد ومروة...كانت الايام تمر بسلام جدا بينهم تحت مزاح مروة ورومانسية فهد البالغة وهو لا يصدق انها أصبحت تحبه كما هو يفعل...ولا يعلم انها لم تكرهه يوما بل الظروف من جعلتها لا تفكر في شيء سوى الحقد والكره تاركة شخص يهيم بها عشقا!!.......
كان فهد في شركته ينتهي من بعض الأوراق المهمة بسرعة لكي يعود للمنزل..فقد اصبح لا يطيق صبرا حتى يعود لملكة قلبه واذا كان بيده ان يجعلها معه في العمل ايضا......
وليد دخل عليه ورأه يبتسم وهو يركز على الاوراق: انا خايف تكون بتوقع باسم مروة بدل اسمك!!
فهد انتبه له ورفع راسه وقال: وليد انت جيت امتى؟!
وليد بابتسامة: لسة جاي ولاقيت منظر نص الشركة هتدفع نص عمرها عشان تشوفه.
فهد بضحك: ليه هيشوفه كريستيانو!!
وليد جلس بجانب المكتب: لا اكتر وحياتك..اصلك ماتعرفش كنت عامل ازاي الايام اللي فاتت كنت تنفع في قصص رعب يخوفوا بيها العيال اللي مش عايزة تنام.
فهد بضحك: طب اخرس بقا عشان ماطلعش في حلمك اخليك تعمل الفطير بتاع زمان على السرير فاكر!
وليد: لا ياخويا وعلى ايه انا كنت جاي عشان اعرفك بمعاد الاجتماع بتاع النهاردة.
فهد: ايوا فاكره..مش الساعة ١١ ده؟!
وليد: الله ينور عليك..ابوس ايدك يا فهد عايزين الاجتماع يمشي في هدووء وسلاام عشان نكسب من وراهم.
فهد بهدوء: لو بنود عقدهم دخلت مزاجي هرفض ليه؟!
وليد بقلق: ربنا يستر انت مافيش حاجة بتدخل مزاجك ده بالساهل.
فهد بغرور: عيب يابني اومال انا بنيت إمبراطورية فهد الطوجي دي ازاي!!..مش لازم اكون تقيل في تعاملاتي عشان يعملوا الف حساب لشركتنا!!
وليد بمزاح: لا اتطمن انت مش تقيل وبس انت مرعب ليهم كمان لدرجة بحس انهم بيحلموا بيك في كوابيسهم لما يناموا.
فهد: يادي الكوابيس اللي ماسك فيها دي..ايه يابني هو انا بطلع في أحلامك ولا ايه؟!
وليد بدرامة: انت مش بتفارق احلامي يافهد..انا بقيت خايف تطلع ليا في الحمام والله.
فهد ببرود: طب غور من وشي عشان ماتبقاش أحلامك حقيقة.
وليد وهو يهرول للخارج: لالا انا بهزر سلام عليكم.
فهد بضحك: وعليكم السلام.
ثم عاد لعمله مرة اخرى ينظر لساعة يده كل دقيقه يتمنى ان يمر الوقت بسرعة لكي ينهي الاجتماع هذا ويذهب لحبيبة قلبه......
___________________
في منزل هشام الطوجي.....
كان يجلس في مكتبه مع شخص ما ويتحدث بصوت هادئ قليلا ومن الواضح انه موضوع هام جدا لا يريد لاحد ان يسمعه......
هشام: يعني انت متأكد من اللي بتقوله ده!!..خالي بالك لو البوليس جاب سيرتي هقولهم ماعرفكش.
الشخص: صدقني ياباشا انا ماقتلتش حد والله..انا نفذت اللي قلت عليه حتى روحت عشان اخد الفلاشة اللي امرتني بيها بعد ما اخليه ياخد منوم بس انا روحت لاقيته مقتول اصلا!!
هشام: اومال فين الفلاشة!!
الشخص بخوف: الفلاشة..اه الفلاشة صح.
هشام بنفاذ صبر: اخلص انت جاي تفقد ذاكرتك هنا!!
الشخص بارتباك: ايوا ايوا حضرتك انا عارف الفلاشة والله.
هشام بشك: فين الفلاشة!!
فوزي بخوف: الصراحة مالقتهاش.
هشام وقف بغضب وصرخ بقوة: نعععععم ياروح امك!!
فوزي عاد للخلف خطوتين بخوف: ياباشا وطي صوتك احسن حد يسمعنا!!
هشام وهو يقترب منه: ده انا هخلي اللي يشتري يتفرج عليك وصوتك يوصل لاخر الشارع!!
فوزي بخوف وعلى وشك البكاء: طب طب انا ذنبي ايه بس ياهشام بيه انا عملت كل اللي قلتلي عليه والله!!
هشام بغضب قوي: وانا قلتلك ما ترجعش غير والفلاشة معاك جاي ومعاك مصيبة!!
فوزي بارتباك: اكيد اكيد اللي قتل اخو سعتك هو اللي اخدها.
هشام نظر له بشك وعلامات الغضب ماذالت على وجهه: يعني ايه؟!
فوزي بتردد: يعني سعتك انا روحت لاقيته مقتول اصلا..يبقا اكيد اللي راح هناك كان غرضه الفلاشة بردو بس لما صابر ده جيه في وشه قتله!!
هشام بسخرية غاضبة: ماشاء الله بقيت شغال محقق كمان!!
فوزي بخوف: لالا والله انا تحت امر سعتك وبس ياهشام بيه والله!!
هشام جلس على الكرسي بغضب وتفكير فقال: غور انت دلوقتي وما اشوفش وشك ده نهااائي لغاية ما اشوف الكارثة دي هتنتهي على ايه فاهم؟!
فوزي بسعادة لانه سيخرج حي: ايوا فاهم فاهم ياهشام بيه..ربنا يخليك ياباشا ربنا يكرمك.
قاطعه هشام بغضب: ماتخلص ياروح امك احسن وربنا ارجع في كلامي وماتطلعش من هنا غير جثة على نقالة!!
فوزي وهو يركض للخارج: لالا يابيه سلام عليكم سلام.
أنت تقرأ
صراع عائلة الطوجي ( مكتمله )
General Fictionصراع بين أبناء واحفاد عائلة الطوجي لا يرحم احد واي غريب يدخل بها ينتهي به الحال إلى الدمار!!!! فماذا سيحدث مع ابنة محمود العمري......؟!! صراع عائلة الطوجي.....
