صراع عائلة الطوجي ( مكتمله )

السادس والعشرون

فلاش باك.....

منذ عشرة أيام في منزل هشام خاصة غرفة طارق كان يتحدث في الهاتف بخفوت تام لكي لا يسمعه احد ويبدو انه أمرا مهما بسبب انتباهه في الحديث جيدا.....!!!

طارق: عرفت هتعمل ايه كويس؟!..انا مش عايز اي لخبطة احسن الخبط وشك!!
الشخص بمكر: عيب عليك ياطارق بيه احنا مش صغيرين بردو ولا اول مرة نعملها!!
طارق بقلق: ربنا يستر.
الشخص بضحكة خبيثة: ههه هيستر ان شاء الله يابيه.
طارق: طيب ياخويا اما نشوف..يلا روح نفذ اللي قلتلك عليه.
الشخص: امرك ياباشا.
ثم اقفل الخط بدون إجابة اخرى.......

جلس طارق وهو ينتظر اتصال من هذا الشخص يخبره بنجاح المهمة بفارغ الصبر ولا ننكر قلقه القوي من اكتشاف مخططه...

بعد خمس ساعات اتاه اتصال من هذا الرجل فاجاب مسرعا: ها عملتوا ايه؟!
الشخص بمكر: ولا يكون عندك شك يابيه نفذنا كل اللي قلت عليه والسنيورة في المستشفى دلوقتي.
طارق بتنهيدة مريحة: عال اوي كده..اوعى يازفت انت ورجالتك تكونوا تقلتوا العيار عليها احسن انا عارفك ايدك اتقل منك!!
الشخص: لا يابيه طبعا اتطمن احنا بس عملنا اللي قلتلنا عليه وودينها المستشفى على طول قبل ما يحصل حاجة.
طارق ببرود: تمام..الله ينور عليكم وزي ما اتفقنا نصيبك انت والرجالة هتلاقوه في البنك باسمك هتروح تاخده.
الشخص بسعادة: ربنا يخليك لينا ياكبير ولا يحرمنا من مهماتك يارب.
طارق: اخلص يالاه انت هترغي معايا!!
الشخص: لالا ياباشا وانا اقدر..سلام ياطارق بيه.

اغلق طارق الهاتف في وجه الاخر بدون رد السلام حتى وهو يبتسم بسعادة ومكر.......

طارق بابتسامة خبيثة: عشان تعرفي ان طارق الطوجي مايتهدتش.!!!!!

انتهاء.....
_______________________
في المشفى...كان الجميع ينتظر خروج الطبيب من غرفة العمليات بفارغ الصبر بعد مرور ساعتين جتى الان وماذال الجميع في تأهب مما سيحدث بعد خروج الطبيب!!!.....

خرج الطبيب بعد مرور ساعة ونصف ايضا فركض الجميع اليه واول من سأله كان فهد

فهد بهدوء: ها يادكتور طمنا ايه الاخبار؟!
الطبيب: الحمد لله خرجنا منه الرصاصة بس هو في العناية دلوقتي ماينفعش الزيارة النهاردة.
فهد بتعجب وقلق: ليه عناية هي حالته في خطر ولا ايه؟!
الطبيب: حضرتك الرصاصة كانت قريبة جدا من قلبه ولولا ستر ربنا كنا مالحقناش ننقذه.
وليد: طب هو هيقعد في العناية كتير!!
الطبيب: لا ممكن النهاردة وبكرة بس وان شاء الله هننقله في غرفة عادية لو حالته استقرت فعلا في اليومين دول..عن اذنكم.
فهد: اتفضل.

بعد ان ذهب الطبيب قال هشام بغضب قوي لا يستطيع احد ايقافه: اما وريتها بت الكلب دي مابقاش هشام الطوجي..والله هخليها تندم على اليوم اللي شافت فيه ابني.
وليد بتنهد: اهدى ياعمي عشان......
قاطعه بعصبية وصراخ افزع الجميع: انت بالذات تخرس خالص انا مش عايز حد يتدخل في اللي انا هعمله..فاهمين!!!
فهد ببرود: احنا مش عايزين مشاكل في حاجة اسمها قانون ياعمي ولو اتصرفت انت من دماغك هتضيع نفسك وهتضيعنا معاك.
هشام بسخرية غاضبة: لا ياشيخ قال يعني خايف عليا اوي!!..طالما الموضوع لمس اهل بيتي فانسى اني هخلي حد ياخد حقي غيري يا ابن شاكر..انتهى الكلام.