صدمة...صدمة جعلت الجميع في وضع الشلل التام مع انهم قادرين على التحرك!!...لم يسمع في هذا المنزل اي صوت لدقائق حتى يستطيع كل منهم تمالك اعصابه من هذا الخبر......
شعور مختلف احتل كيان كل من في هذه الغرفة...فمنهم من شعر بالخوف ومنهم من شعر بالصدمة ومنهم من لم يشعر باي شيء لا نعلم لما ولكن بالتاكيد من شدة الصدمة لم يخالجه اي شعور بهذا الخبر!!......
هشام بعدم استيعاب سأل فريدة التي كانت تبكي بصدمة: انتي..انتي بتقولي ايه يافريدة؟!
فريدة بانتحاب: بقولك صابر مات مات ياهشام والبوليس عند بيته.
هشام بغضب: مات ازااااي!!..ده كان عندي من يومين اصلا؟!
فريدة ببكاء وصدمة: مش عارفة انا مش عارفة حاجة..انا روحت بيته عشان انفذ كلامك امبارح بس لما وصلت شوفت البوليس محاوط البيت كله ولما سألت قالوا ان صابر اتقتل امبارح الفجر!!
هشام جلس بصدمة ووضع يده على وجهه في حين قال فهد بتعجب: طب ماعرفتيش ازاي ده حصل؟!
فريدة: انا مالحقتش اقول حاجة ولا أفهم حاجة ان اخدت الصدمة وجريت على هنا مش عارفة أصدق اللي حصل اصلا!!
طارق باستغراب: ماهو مش معقولة كمان ان ده يحصل من غير سبب وخصوصا انك بتقولي أن عمي اتقتل ياعمتي!!
هشام نظر له بتعجب: تقصد ايه يا طارق؟!
فهد بهدوء لهشام: يعني حد قتله يا عمي العزيز.
نظر له هشام بهدوء غريب في حين قالت فريدة بغضب: تقصد ايه يافهد!!..انت بتتهم عمك هشام ولا ايه؟!
فهد ببرود: هو انا قلت حاجة!!..انا بس برد على سؤاله.
مروة بهمس وارتباك: مش وقته ده يافهد ده مهما كان عمك اللي مات يعني!!
فهد بهمس غاضب: اقعدي ساكتة انتي..ماتدخليش في الموضوع عشان ماتجبيش لنفسك الكلام.
مروة بغيظ: انت حر بقا.
طارق: طب ايه..هنفضل قاعدين كده وسايبين بنات عمنا في المصيبة دي لوحدهم!!
هشام وقف وقال بهدوء مريب: انا هروح اشوف ايه الحكاية وياريت اكون لوحدي اللي هيروح.
فريدة وقفت وقالت: لوحدك ازاي يعني ياهشام انا مش اخته كمان ولا انت لوحدك اللي اخوه!!
هشام بغضب: انا قلت هروح لوحدي خلص الكلام.
فريدة باعتراض: يا هشام..!!
قاطعها بصراخ تفاجئ منه الجميع: فريدة!!
صمت الجميع ولم يعترض مجددا وظل كل واحد منهم يتسائل عن سبب غضب هشام بتلك الطريقة!! هل بسبب موت اخيه المفاجئ ام هناك شيء آخر لا يعلمه احد؟!
فهد بعد ان صعد هشام لتبديل ثيابه: يلا بينا احنا كمان.
مروة بتعجب: هنروح لبيت عمك!!
فهد ببرود: ونروح ليه ماسمعتيش عمي الكبير قال ايه؟!..خليه هو يتصرف بقا.
فريدة التفتت له بغضب: انت ايه يا اخي ماعندكش دم!!..معقول هتسيب عمك يروح فعلا لوحده؟!
فهد: ليه وهو صغير!!..ثم هو قال بنفسه انه عايز يروح لوحده وكمان شوفتي اتعصب ازاي اجيب الكلام لنفسي ليه بقا!!
ثم وجه كلامه الي مروة: يلا تعالي.
خرجوا من المنزل ولم يتحدث احد الي الاخر حتى وصلوا لمنزل فهد ولم تترك مروة الفرصة لكي يتحدث فهد لها حتى هربت للغرفة مسرعة قبل ان يبدأ في غضبه بها امام الجميع......
أنت تقرأ
صراع عائلة الطوجي ( مكتمله )
Ficção Geralصراع بين أبناء واحفاد عائلة الطوجي لا يرحم احد واي غريب يدخل بها ينتهي به الحال إلى الدمار!!!! فماذا سيحدث مع ابنة محمود العمري......؟!! صراع عائلة الطوجي.....
