ماحبتش اتأخر اكتر من كده كفاية التأخير اللي فات...وبما ان أفكاري بدات ترجعلي تاني قلت مابخلش بيها عليكوا...ياريت تفاعل حلو زيكوا كده ❤😘
___________________________
في اليوم التالي الساعة السادسة صباحا وعلى غير العادة تستيقظ مروة من نومها وهي مفزوعة من هذا الحلم الذي اقتحم نومها وجعلها تستيقظ باكرا على غير عادتها ولكن الغريب في الأمر انها لم تتذكر احداث هذا الحلم...فقط قلبها من يتذكره!!!......
دخلت عليها والدتها وراتها مستيقظة فقالت بتعجب: بسم الله الرحمن الرحيم..ايه ده مش عوايدك يعني تصحي بدري كده؟!
لم تجيب مروة بسبب شرودها وهي واضعة يدها على قلبها فجلست والدتها بجانبها ووضعت يدها على كتفها وقالت بقلق: مالك يامروة في حاجة ولا ايه؟!
مروة هنا انتبهت لها وقالت بشرود: ها!!..فيه حاجة ياماما؟!
عائشة: فيه حاجة!!..انتي اللي فيه حاجة ولا ايه؟!
مروة: لالا مافيش انا تمام.
عائشة بشك: تمام ازاي يابنتي وانتي مش معايا من ساعة مادخلت!!..ده غير انك سرحانة ووشك مخطوف خالص!!
مروة تنهدت وقالت: مافيش حاجة والله يا ماما ده مجرد حلم بس..لكن غلس شوية.
عائشة: حلم!!
مروة: اه..والغريبة اني مش عارفة افتكر أحداثه كلها..كل اللي فكراه ان فهد كان من ضمن احداث الحلم الغريب ده!!
عائشة بتركيز: يعني انتي مش فاكرة حاجة منه خالص؟!
مروة بحزن: اه للاسف!!
عائشة: طب الحمد لله طالما هو حلم وحش يبقا الأفضل انك ماتفتكريش منه حاجة..انتي زعلانة ليه بقا؟!
مروة بقلق: ياماما مانا من ساعة ماقمت وانا قلبي مقبوض بسببه!!
عائشة بحيرة: طب يابنتي ماهو انتي مش فاكرة حاجة فبلاش تتعبي نفسك وترهقي روحك عشان خاطر حلم!!..يلا يلا قومي عشان تفطري ولو مش هتقدري تروحي الكلية النهاردة بلاش ونقول لابوكي انك تعبانة..كده كده وشك باين عليه انك كنتي بتحاربي في الحلم.
ابتسمت مروة وقالت: لا ياماما عشان النهاردة الدكتور هيقول حاجات مهمة في المحاضرة هتيجي في الامتحان فلازم اكون هناك.
عائشة: ماهي صحبتك ندى بتروح خليها تبقى تسجلك او تكتبها وانتي تاخديها منها!!
مروة: لا معلش انا بحب اخد الحاجة بنفسي عشان ماتطلعش غلط انا مش ضامنة اللي بيسجل ده بيسجل صح ولا لا!!
عائشة بابتسامة حنونة: طيب ياحببتي بس خليكي عارفة ان المهم صحتك عندي الشهادة مش هتنفعني لو حصلك حاجة!!
مروة بمزاح: ماتقلقيش بقا ياست الكل ثم ده كان حلم يعني مش مصارعة حرة!!
عائشة بغيظ: تصدقي بالله الواحد مايعرفش يتكلم معاكي كأم حنونة لازم الام المصرية تظهر على ايدك!!
مروة بمزاح: ماهو انا مش واخدة غير على شخصية الام المصرية..لكن الام الحنينة دي ماعرفهاش!!
عائشة: حقيقي التربية فعلا ماطمرتش فيكي بربع جنيه مخروم حتى!!
مروة بسخرية: لا وانتيش صادقة طمرت في ابنك الفالح التاني!!
عائشة ضربتها بالوسادة وقالت: طب قومي بقا عشان تطفحي وتغوري على كليتك..عيال تسد النفس.
ثم خرجت في حين قالت مروة بسخرية: عشان لما اقولها مش لايق عليكي الام الحنونة تبقى تصدقني.
أنت تقرأ
صراع عائلة الطوجي ( مكتمله )
Genel Kurguصراع بين أبناء واحفاد عائلة الطوجي لا يرحم احد واي غريب يدخل بها ينتهي به الحال إلى الدمار!!!! فماذا سيحدث مع ابنة محمود العمري......؟!! صراع عائلة الطوجي.....
