اتى موعد الفرح بسرعة ولم تشعر مروة بمرور الايام بسبب تفكيرها الزائد بجانب دراستها ايضا...لم تكن مستعدة بعد لتلك الحياة التي فرضت عليها لتعيشها فقط لكي لا تحدث مشكلة بين فهد ووالدها....
نعم على سيرة والدها...فهو الان يغلي من الغضب واذا كان هناك تعبير أقوى كنت لن ابخل عليكم به...حقا انه على شفة حفرة من الانهيار العصبي بسبب تلك المهزلة من وجهة نظره!!!...لا يعلم لما وافقت ابنته بتلك الطريقة؟!...ولا يعلم كيف تحولت الأمور بتلك السرعة!!...كانت الأمور تسير على ما يرام وكان قد احب فهد واقتنع انه يختلف عن عائلته...ولكن الان!!!...هو حقا تاكد انه مختلف عن عائلته ولكن للاسوء!!......
كانت مروة قد تجهزت نسبيا للفرح ولكن تبقى لها زينة وجهها فقط...وهذه كانت مشكلة...فخبيرة التجميل تريد وضع الزينة المعتادة للافراح ولكن مروة تعترض بغضب وإصرار بسبب انها كثيرة وهي لا تضع مكياج في العادة من الاساس......
فتاة التجميل بترجي: ارجوكي يا انسه مروة خليني اشوف شغلي..فهد بيه كده هيقطع عيشي!!
مروة بغضب: انتي ايه مابتفهميش قلتلك ماتحطيش حاجة انا اللي هحط وهقول لفهد بيه بنفسي!!..عايزة ايه تاني؟!
دخلت والدتها على صوت ابنتها العالي: ايه فيه ايه؟!..مالك يامروة صوتك عالي كده ليه يابنتي؟!
مروة بتنهد غاضب: يا امي انا بحاول افهم الغبية دي انها ماتحطش حاجة في وشي وانا هقول للبيه..وهي مصممة تنفذ أوامر البيه بتاعها!!
عائشة التفتت للفتاة المسكينة وقالت بابتسامة بسيطة: معلش يابنتي على اللي حصل بس ممكن تسيبينا لوحدنا شوية؟!
الفتاه بابتسامة: حاضر ياهانم..عن اذنكم.
خرجت الفتاة تتنهد وكانها كانت تخوض حربا بالداخل..وبالفعل كانت حرب نفسية بالنسبة لها....!!!
في الداخل......
عائشة بتانيب: ليه عملتي كده يامروة احنا يابنتي مش متعودين عليكي عصبية وتزعلي حد كده؟!
مروة جلست على حافة سريرها وقالت بحزن: انا اسفة والله ياماما..بس الوضع اللي انا فيه ده مش مستحمل اي مجادلة مع حد.
عائشة جلست بجانبها ووضعت يدها على كتفها: بصي يابنتي احنا دايما تاركين ليكم الحرية بس تستعملوها صح لكن انتي دلوقتي زي اللي مجبورة وعلى راسها سلاح!!..انتي لو مش عايزة كل ده قولي وانتي عارفة ابوكي وماهيصدق ونلغي كل ده!!..كل شيء بالخناق الا الجواز يابنتي بالاتفاق!!
مروة بسخرية من نفسها: خلاص يا امي مابقاش ينفع الكلام ده.
عائشة: ليه بس يابنتي!!..انتي لسة على البر ماكتبتيش كتابك؟!..هو عامل فيكي ايه عشان تغيري نمط تفكيرك واسلوبك بالطريقة الغريبة دي؟!
مروة بتنهيدة طويلة: ارجوكي يا امي بلاش تضغطي عليا اكتر من كده؟!..اللي حصل حصل بقا ومش هنعرف نغيره؟!
عائشة بتفكير: هو عمل فيكي حاجة؟!
مروة نظرت لها بتعجب: حاجة زي ايه؟!
عائشة بتردد وخوف: يعني...انتي عارفة!!
مروة فهمت مقصدها ففتحت اعينها بصدمة من تفكير والدتها بذلك الشكل: انتي بتقولي ايه ياماما لا طبعا..ايه ده؟!
عائشة: اعملك ايه ما انتي اللي بقت تصرفاتك غريبة؟!..حتى ابوكي بدأ يشك ان فيه حاجة غلط؟!
مروة اتجهت للمرآه وقالت بغضب: انتوا بجد بتهزروا..ازاي يعني يحصل حاجة زي دي وانا ابقا في قمة البرود كده؟!
عائشة: اومال فيه ايه بس؟!
مروة بتنهد: مافيش حاجة يا امي انا بس مش عايزة مشاكل انا ماصدقت ابويا رضي عنه!!
عائشة بتعجب: انتي بتحبيه يامروة؟!
مروة بصدمة وتوتر: لا طبعا يا امي انتي مالك النهاردة بالأسئلة دي؟!
عائشة: مافيش بس انتي اللي كلامك غريب عموما ربنا يهنيكي يابنتي ويسعدك في حياتك الجديدة بإذن الله.
مروة بابتسامة: ان شاء الله يا امي اهم حاجة انك تدعيلي كتير اوي.
عائشة اقتربت منها ووضعت يدها على وجه مروة وقالت بحنان: ماتقلقيش يابنتي دعيالك من كل قلبي وربنا يستجيب.
مروة بابتسامة هادئة: ربنا يخليكي ليا يا ست الكل ولا يحرمني منك يارب..ماتقلقيش عليا يا امي ان شاء الله ربنا معايا ودعواتك هتستجيب وطمني بابا بردو.
عائشة بابتسامة: ان شاء الله ياحببتي.
أنت تقرأ
صراع عائلة الطوجي ( مكتمله )
قصص عامةصراع بين أبناء واحفاد عائلة الطوجي لا يرحم احد واي غريب يدخل بها ينتهي به الحال إلى الدمار!!!! فماذا سيحدث مع ابنة محمود العمري......؟!! صراع عائلة الطوجي.....
