صراع عائلة الطوجي ( مكتمله )

العاشر

بعد ان ذهب وليد من مكتب فهد ظل يفكر كثيرا كيف يمكن ان محمد العمري هو من فعل ذلك بأحد أفراد عائلته وليس اي احد هذا وليد الذي يعتبره مثل عمر اخوه بالضبط!!.......

دخل عليه عمر ورآه شارد الذهن وعلى وجهه بعض الامتعاض فسأل عمر باستغراب: مالك يافهد؟!...فيه حاجة حصلت؟!
فهد انتبه له وقال ببرود نسبي: لا مافيش حاجة ياعمر شوية مشاكل بس وهتتحل ان شاء الله.
عمر جلس على مقعد بجانب المكتب: مشاكل ايه دي؟!...في الشغل ولا البيت؟!
فهد أراح ظهره على كرسيه مع تنهيدة كبيرة: في البيت ياعمر.
عمر: طب ماتقولي يافهد يمكن اقدر اساعد في حاجة؟!
فهد بتفكير وحيرة: مش عارف اقولك ايه الصراحة هو الموضوع متعلق بوليد.
عمر بتساؤل: وليد؟!...ليه ماله؟!
فهد أعاد جزءه العلوي الي المكتب وقال: بص انت تعرف طبعا اللي حصل مع وليد من فترة كده مع البت اللي كان بيحبها بس هي سابته وراحت لواحد تاني وكده؟!
عمر بتذكر: اه اه افتكرت ايوا بقا الموضوع ده ايه اللي فتحه تاني؟!
فهد: اصل الواد اللي البت سابت وليد عشانه هو محمد العمري.
عمر بعدم تصديق: محمد العمري مين لامؤاخذه؟!
فهد بغضب قليل: ركز معايا يا عمر الله يباركلك مش وقته غباءك.
عمر بصدمة بعد ان رأى الجدية على ملامح فهد: محمد العمري ابن محمود العمري واخو مروة العمري؟!
فهد ببرود: ماشاء الله انت ناوي تقدملهم في السجل المدني؟!!...عموما اه ياسيدي هو.
عمر باستغراب: طب وده ايه اللي خلاه يعمل كده في وليد؟!
فهد بتعجب: يعمل ايه بالظبط؟!
عمر: مش لسة قايل انه اخد البت بتاعة وليد؟!
فهد بسخرية: البت بتاعة وليد؟!...ألفاظك عنب يا عمر والله.
عمر بملل: ياعم بقا خليك في الموضوع الاول وبعدين تبقى تتريق براحتك.
فهد بتنهد: اه ياسيدي...بس انا ماقولتش انه اخدها منه انا قلت انها سابته وراحت لمحمد يعني هي اللي واطية من الاخر...وكمان انا شاكك في حاجة الصراحة.
عمر بحيرة: ايه هي؟!
فهد بتفكير: وليد لما قالي الموضوع ده كان قالي ان فيه واحد هو اللي راح عنده المكتب وقاله ان اللي اخد البنت دي هو محمد...مش يمكن انه بيقول كده عشان يوقع محمد في وليد ويطلع هو الكسبان؟!
عمر بتفكير: هو ممكن والله...بس هو هيعمل كده ليه اصلا؟!...هو اه يعرف محمد لكن ماظنش انه يعرف وليد؟!
فهد: ماهو مش لازم عايز يأذي وليد هو ممكن عايز يأذي محمد بس عشان ده اللي يعرفه.
عمر بحيرة: مش عارف بقا الصراحة...ايه الموضوع ده؟!
فهد وقف وهو يرتدي سترة البدلة قال: انا هقطع الشك باليقين احسن.
عمر وقف معه بحيرة: وهتعمل ايه ورايح فين اصلا؟!
فهد: هروح اشوف الجدع اللى راح لوليد ده وقال كده بناءا على ايه؟!
عمر: طب وافرض ماعرفتش تعرف منه حاجة مفيدة؟!
فهد بغرور: عيب عليك مابقاش فهد شاكر الطوجي الا لو عرفت منه كل حاجة حتى لو من ساعة ماجيه على وش الدنيا.

ثم خرج وعمر قلب عينيه وقال بسخرية: عمرك ما هتستغنى عن طريقتك دي ابدا يا فهد بس انا هفضل ادعيلك بواحدة تغيرك وتغير تفكيرك ده...وانا حاسس انه قريب اوي.