فهد بغضب: فيه ايه انا مش فاهم حاجة!!
مروة: مش لازم تفهم المهم انا عايزة اتطلق..طلقني.
فهد امسك ذراعيها وقال بغضب: مروة فوقي..انتي مستوعبة الطلب اللي بتطلبيه ده؟!
مروة ببرود: ابعد عني..انا واعية جدا انا بطلب الطلاق.
فهد ابتعد عنها بغضب وهو يمسك شعره بقوة يحاول السيطرة على اعصابه: اقسم بالله..اقسم بالله يا مروة لو طلع مقلب من مقالبك ما هتشوفي وشي تاني!!
مروة مسكت الصور وقالت بسخرية: لا ماتقلقش المرة دي مش مقلب مني انا..ده حد حب يعمل فيا جميل واداك انت اكبر مقلب.
ثم ألقت الصور في وجهه وهو وقف بغضب من فعلتها تلك ولكن نظر للاسفل على الصور وكانت الصدمة......
امسك فهد بصورة ونظر لها وقال: ايه ده؟!
مروة بسخرية: انت وحبيبتك ايه الغريب في كده؟!
فهد نظر لها وقال بصدمة: وانتي تصدقي عليا كده؟!
مروة: والله بقا مش المهم انا أصدق المهم ان الصور مش بتكدب وماتقولش انها فوتوشوب والكلام ده لان معروف صور الفوتوشوب بتبقى عاملة ازاي.
فهد بغضب: وانا مالي بكل ده انا ليا انتي..انتي مصدقة الكلام الفارغ ده؟!
مروة نظرت له: اظن انه وصلك ردي!!
فهد نظر لها بصدمة وكان سينهار باي لحظة ولكنه تماسك وقال بغضب: وانا مش هطلق يامروة.
مروة بشك: يعني ايه؟!
فهد بصراخ: يعني مش هطلق انا اللي يدخل بيتي برضايا مش بيطلع منه إلا بموتي او موته.
مروة بغضب: يبقى هموت نفسي يا فهد..لان انا مستحيل اعيش مع واحد خاين وكداب زيك.
فهد: خاين وكداب!!..على طول كده خلتيني خاين وكداب بعد ماشوفتي دول ومش راضية تسمعيني حتى؟!
مروة: اسمعك!!..اسمعك ليه؟!..وهو انت سمعتني زمان لما ماكنتش راضية بالجواز منك!!
فهد بغضب: انتي هتستعبطي!! مش انتي اللي وافقتي على الجوازة تتم بدري اصلا!!
مروة: وهو انا وافقت ليه مش عشان تهديدك ليا باستمرار!!
فهد: عايزة تقولي ايه يعني..إن انتي لغاية دلوقتي مش موافقة بيا اصلا!!
مروة: انا يمكن وافقت بيك بعد كده واعجبت بيك كمان وحبيت الحياة معاك..لكن طالما الحياة فيها خيانة وكدب من الاول..يبقى هدوس عليها برجلي ولا اني اكمل فيها ساعة واحدة كمان.
فهد ببرود: وانا مش هطلق ده اخر كلام..سواء رضيتي او لا.
مروة بغضب: انت هتخليني على ذمتك بالعافية؟!
فهد بعصبية: اه..اه يامروة..وكلمة زيادة قسما بالله احبسك في الاوضة هنا ومش هتشوفي نور ربنا ده تاني.
ثم دخل لغرفة الملابس ارتدى ملابسه بسرعة وهو لا يرى امامه من الغضب وخرج منها وكان سيخرج من الغرفة اوقفته مروة....
مروة بغضب: انت رايح فين انا لسة ماخلصتش كلامي!!
فهد التفت لها بغضب قوي: بقولك اييييه عدي يومك..انا لو فضلت هنا دقيقة كمان مش هضمن تطلعي من هنا سليمة.
ثم خرج وأغلق الباب بقوة فقالت بصراخ: والله لهعيشك اسود ايام حياتك يافهد الطوجي.
ركب سيارته وخرج بها مسرعا بقوة الي مكانه المفضل حتى ينفس به عن غضبه......
___________________
في اليوم التالي...وفي منزل هشام.......
أنت تقرأ
صراع عائلة الطوجي ( مكتمله )
General Fictionصراع بين أبناء واحفاد عائلة الطوجي لا يرحم احد واي غريب يدخل بها ينتهي به الحال إلى الدمار!!!! فماذا سيحدث مع ابنة محمود العمري......؟!! صراع عائلة الطوجي.....
