رواية شبابية مثيرة تجمع بين الحب، والدراما، والمغامرة
تروي احداث الرواية عن تفاصيل حياة مجموعة من الفتيات والشبان، وكل شخص منهم لديه قصة وماضي مثير للإهتمام، بالإضافة لحدوث بعض المغامرات والمفاجآت الغير متوقعة لكل شخصية..
قراءة ممتعة❤️
بعد مرور ساعتين.. المياسة على التلفون: ماقدر حبيبتي سوسو، خليفه جاي يتغداء عندنا خليها يوم ثاني ساره: خلاص مو مشكله نخليها بكرا المياسه: انزين قومي تعالي تغدي عندي ساره: شلون انتي مو متغديه مع ريلج؟ المياسه: من صجج لا طبعاً بجاملهم وبقعد شوي وعقب بقوم مالي خلق اشوفه ساره: ليش؟ المياسه: بقولج عقب سالفه طويله اللحين شنو قلتي بتجين؟ ساره: اوك المياسه: يالله انطرج لا تبطين ساره: اوك تبين شي وانا جايه؟ المياسه: لا سلامتج يالله ساره: لحضه ولا ليكون مستحيه منه وماتبين تشوفينه!! المياسه باستهزاء: هههه من؟ انا استحي؟ ومن منو!! خليفه!! ههههه ضحكتيني لا حبيبتي بالعكس مراويته نجوم الظهر... ساره: ياغبيه اثقلي لا تصيرين جي ولاتقطين الميانه بسرعه< الميانه يعني تفتح له باب ومجال للتعارف السريع وتصير خفيفه☺️ ردت المياسه: تراني ثقيله شفيج حتى فشلته اكثر من مره وقلت له ثور وحمار وشنو بعد اممم خل اتذكر لحضه... انصدمت ساره من غباء المياسه ردت عليها: انتي استخفيتي صح؟ في وحده تقول حق زوجها جي؟ عاد قلنا اثقلي بس مو جي عاد وبعدين وين الثقل في السالفه انتي تقللين ادب يارب صبرني على هالبنت الثورة يالله يالله سكري بجي الحين وبتفاهم معاج ... المياسه: زين زين لا تتاخرين يالله باي
راحت تتعدل وتجهز... البست جلابية نااعمه بما انه يوم جمعه وهذي كان شكلها 👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بعد نص ساعه اطلعت من البيت وراحت بسيارتها... كانت مشغلة قرأن وماشيه بخطها عادي... بعد كم دقيقة قربت من لفة البيت الا فجأة تجي سياره من وراها مسرعه وتصدمها وينضرب راسها بالسكان وتمسك بريك قوي واندفعت سيارتها على قدام من الضربة... ارفعت راسها بصعوبه من الالم وهي مو مستوعبة شي وقفت السياره عدل وافتحت الباب وانزلت... حاطه يدها على راسها تتألم، قالت بداخلها: هذا اشفيه حمار!! وين عيونه؟ استغفرالله بس... نزل خليفة عشان يشوف الدعمه ويعتذر... مشت ساره تبي تشوف سيارتها وشافته جاي جهتها وانصدمت! لما استوعبت انه خليفه نزلت عينها بسرعه وحست بدوخه وامسكت باب السياره... خليفه بخوف: سمله عليج! تعبانه؟ تعورتي؟ انا اسف اختي والله ما كان قصدي والله، ادخلي ادخلي السياره وكلمي حد من هلج يجي.. ردت عليه بألم: حصل خير... كانت تشوف الدعمه: لاحول ولاقوة الا بالله خليفة يتصل على الشرطة... وهي ماسكه راسها وتتنهد من الالم ودخلت سيارتها... خليفه بخوف: لو سمحتي لحضه اختي!! وين رايحه خل نتصل بالاسعاف شكلج تعورتي!! ساره: مافي شي اخوي حصل خير عادي اصلاً بيتنا اهني ورا اللفه.. خليفه مستغرب منها وكأنها قاعده تتهرب منه او منحرجه ... قال لها: انزين اخذي رقمي عشان اصلح لج السياره ترا تعورت وايد... ساره: انا بعدلها مب مشكله... خليفه بدى يعصب من كلامها: اختي لو سمحتي لاتسوقين وانتي بهالحالة اتصلي على حد من اهلج خل يجي... سكرت الباب وافتحت الدريشه: اخوي الله يوفقك بيت عمي اهني كاني وصلت خلاص توكل ومسامح صدقني بس انتبه مره ثانية ولي يعافيك ارواح الناس ماهي لعبة... خليفه ماحب يضغط عليها وانحرج من كلامها: العذر والسموحه اختي وان شاء الله مايتكرر الله يحفظج بس بدون رفض انا بمشي وراج اخاف تدوخين او يصيرلج شي لا سمح الله... اسكتت ساره وماردت بس هزت راسها بأوك لانها ماكانت بوضع تقدر تتكلم فيه... خليفه كان يحاتيها وهو يمشي وراها بالسياره ومن داخله يقول: مسكينه شكلها تعورت وماتبي تتكلم والله انها بنت ناس ومحترمة... فجأه انصدم يوم شافها دخلت سيارتها بيت ابو راكان وخاف قال هاي شكلها من اهلهم الله يستر بس..
