استوطنتَ قلبي

Part 20

اصدمت بشي وتأوهت...

ساره: اااه

كان ساندها على صدره وماسك كتوفها ولين شافها وعرفها وخر يده منها بسرعه.... وقال بصدمة وعيونه بتطلع من مكانهم: ساااره!!

ساره ارفعت عينها وشافته وانصدمت: عزيز!

عزيز يشوفها بتعجب وكان منصدم لأبعد درجة ماتوقع ولا ثانية ينحط معاها بهالموقف.. كان يشوفها وما نطق بولا كلمة كان مبهور بجمالها وشكلها اللي اول مره يشوفه.. ساره حست على نظراته المبهوره وانحرجت لفت ظهرها وقالت: عزيز الله يخليك لاتشوف صد

اول ما لفت تحرك شعرها معاها وانتبه عليه عزيز وهو منصدم.. استوعب متأخر اللي صار وقال وهو يتأتأ ومرتبك: ااا انا انا اسف مومو موقصدي..

لف نظره بسرعه وقال لها: روحي ساره روحي

ساره ادمعت عينها من الاحراج ومشت بسرعه واطلعت وهي تركض وقلبها ينبض بسرعه من التوتر... اول ما مشت يضرب فيه عطرها وهو اول ما شمه تعوذ من بليس اكثر من مره وهو يبي ينسى اللي صار...
كان يمشي في المطبخ رايح وجاي وكان متوتر ويمسك شعره: ياربي شنو اللي صار شنو هذاا ليش ليش اااخخخ بس ليش انحطيت بهالموقف ياربي، ساره!! سارره! مو مصدق...

عندها...
بعد ما ادخلت الغرفه وهي تركض استندت بالباب وهي تتنفس بسرعه... كانت تشوف قدامها ومو قادره تستوعب اللي صار.. كانت تبي الارض تنشق وتبلعها ليش انحطت بهالموقف معاه...

ساره: اااه بموت بموت بموت ماقدر شنو اللي صار قبل شوي!!! انا بحلم ولا بعلم؟ احس مو صج لالا مو صج اكيد قاعده احلم اكيد...

راحت على السرير تنسدح ولمت رجولها وتغطت...

عنده...
يفكر ويفكر انتبه على تلفونها على الطاوله وعرف انها نسته من ربكتها... خذا الجوال وطلع لين غرفة المياسه وحطه قدام الباب على الارض ودق الباب ومشى...

ساره اسمعت الصوت وخافت وتوترت... حست انه هو بس انصدمت انه جاي يكلمها بعد اللي صار...

ساره تكلم نفسها: هذا هو؟ لالا ما اظن شيبي جاي؟

قامت البست جلال الصلاه وافتحت الباب وشافت مافي حد.. استغربت وكانت بتسكر الباب بس انتبهت على تلفونها واستوعبت انه جاي عشان يعطيها ياه.... خذت التلفون وادخلت وسكرت الباب بالمفتاح وراحت تقعد عل السرير وهي تحاتي وتفكر باللي صار....
تذكرت لما مسكها بقو من ذراعها الثنتين عشان لاتطيح ونظرته الحنونه والخايفه.. كانت تفكر بخوف وتوتر وصدمة مو عارفه تركز وتفكر عدل...