في شوارع لندن البارده... واجواءها اللي ترد الروح... 💕
اوصلت ساره وامها وابوها للفندق... وكانت الساعه ٧ الصبح...
ادخلوا وارتاحوا وناموا لين الظهر....
عند ساره قبل لا تنام... كانت منسدحه على السرير وتشوف تلفونها... ادخلت على رقمه وشالت منه البلوك وشالته من الواتساب بعد.. ابتسمت وحطت تلفونها ونامت من التعب..
بمكان ثاني...
كانت الساعه ١٠ فليل عندهم وكانوا يسولفون بالصاله...
عبدالعزيز: والله انكم بتدمرون حياتهم من كثر ماتدخلون يعني ليش ماتخلونهم براحتهم وهم يحلونها بينهم البين! لازم تضغطون عليهم؟
المياسه تضحك: هههه وانت ليش مصدوم؟ عادي طبيعي هالشي عندهم اصلاً اذا ما تدخلوا بحياتنا مستحيل يكونون اهلنا
ريم: يمه حبيبتي اللي ابوي يسوي غلط! انتوا تعرفون راكان شنو بيسوي اذا عرف بالموضوع؟ والله العظيم بيهد الدنيا علينا ماراح يسكت وبعدين راكان مو ولد صغير عشان ابوي يتحكم بحياته الخاصه؟ عيب والله راكان رجال كبير وقريب راح يدخل الثلاثين!
امهم: انا كلمت ابوكم وهو اللي معند ومستحيل يغير رايه هو على باله هالشي بيخوف ساره وبيخليها ترجع البيت
المياسه: بالغصب صح؟ لما مايعطيها مجال تفكر بوضوح ويضغط عليها بهالطريقه ترا يكون قاعد يغلط غلطه كبيره! حرام عليكم ساره مو ناقصه ضغط اكثر يكفي اللي صار معاها وكانت بتموت من بين ايدنا اللحين بعد تضغطون عليها تجي البيت غصب ولا تتطلق من راكان؟
عبدالعزيز: غلط والله غلط قاعدين تغلطون غلطه كبيره يا يمه نهايتها ماودي اقول شنو بيصير
المياسه: راح يخلون ساره وراكان يكرهون بعض ويتطلقون من نفسهم انا عارفه
ريم تشوف امها: اسفه يمه بس انا مع اخواني هالمره
امهم: يا اغبياء انا جايبتكم وقلت لكم السالفه عشان تساعدوني لان حتى انا مب عاجبتني الفكره ابي البنت تجي برضاها مو جي مهدده ابيكم تكلمون ابوكم
عبدالعزيز: ابوي ماراح ينفع معاه الكلام، راكان لازم يعرف الموضوع
امه: انتبه!! انتبه عزوز تقول له والله العظيم بيترك كل شي وبيجي اهني تبي اخوك يخسر ترقيته؟
عبدالعزيز: وانتي تبينه يخسر زوجته؟
امه تشوفه بتوتر...
المياسه: انا اخاف ساره ترجع من السفر وتعاند وتطلب الطلاق صج
عبدالعزيز: ساره سافرت؟
أنت تقرأ
استوطنتَ قلبي
Romanceرواية شبابية مثيرة تجمع بين الحب، والدراما، والمغامرة تروي احداث الرواية عن تفاصيل حياة مجموعة من الفتيات والشبان، وكل شخص منهم لديه قصة وماضي مثير للإهتمام، بالإضافة لحدوث بعض المغامرات والمفاجآت الغير متوقعة لكل شخصية.. قراءة ممتعة❤️
