في سيارة سلطان... كان يسوق واسيا معاه..
اسيا: تدري ان راكان جاي مو!
سلطان: ادري
اسيا تنكت: لقاء الجبابرة ها! ههههه هو معضل وانت معضل هههه فهمتها؟ الفويس اللي بتيك توك
سلطان يلف يعطيها نظرة
اسيا: اوك شكلك مافهمتها، المهم حاول تمسك نفسك ولا تتهاوش معاه
سلطان: مب قايل له شي المهم مايدوس لي على طرف
اسيا: ماراح تتصالحون!
سلطان: شنو اللي كان بيني وبينه قبل عشان نتصالح اللحين؟
اسيا: ادري ماكنتوا قراب من بعض، بس تعرف يوم صار موضوع زواجه هو وساره جاتكم فتره ماكنتوا تطيقون بعض لما تجتمعون بنفس المكان فااا
اسكتت شوي وبعدها قالت: اوك عندي فكره! ليش ما تصيرون قراب اللحين!
عطاها نظرة وهي تكمل: والله صج سلطان ليش ما تتقربون من بعض وتصيرون ربع نفسك انت وعبدالعزيز!
سلطان: مستحيل انا وياه نصير ربع، وع فكره حتى عبدالعزيز مو قريب مني، بس يمكن الوحيد اللي علاقتي زينه معاه ونسولف طبيعي ويا بعض
اسيا: ليش مستحيل! مافي شي مستحيل
سلطان تنرفز وقال بنبرة شديدة: اسيا! لاتستهبلين اعتقد تعرفين السبب
اسيا: بس في اشياء تتغير مع الزمن ماتدري يمكن تقدر تتخطى بعد مده وتبدا صفحه جديدة وتصيرون ربع
سلطان: وفي اشياء ماتتغير، معروفه وواضحة.. وحتى لو تخطيت ومر وقت طويل مستحيل اكلم راكان طبيعي واتعامل معاه عادي
اسيا ماحبت تزيد معاه بالكلام وتضايقه واكتفت بالسكوت... حتى ماكانت تبي تجيب طاري ساره قدامه لانها خلاص كملت حياتها وهو بعد لازم يكمل وينساها...
سلطان: انتي ماعليج منا استانسي مع بنات اعمامي وعوضي اللي راح وبس، لاتشغلين بالج فيني انا ان شفتج مستانسه ومرتاحه راح ارتاح
اسيا: هم انت يحقلك تستانس وترتاح، سلطان احنا تعبنا وايد واللي مرينا فيه مو هين! انقطعنا عن اهلنا سنه كاملة وابتعدنا عنهم تمينا بدون اهل وبدون سند مده طويلة!
سلطان يسمعها وساكت...
اسيا: ما اوصفلك سعادتي بهالصلح ورجعتنا لأهلنا
سلطان: كل اللي يهمني انتي وبس
اسيا تشوفه وتبتسم... بعدها قالت له: انزيين! ومتى بنفرح فيك ان شاء الله! يالله ابي اشوفك متزوج وعندك درزن بيبيات
أنت تقرأ
استوطنتَ قلبي
Любовные романыرواية شبابية مثيرة تجمع بين الحب، والدراما، والمغامرة تروي احداث الرواية عن تفاصيل حياة مجموعة من الفتيات والشبان، وكل شخص منهم لديه قصة وماضي مثير للإهتمام، بالإضافة لحدوث بعض المغامرات والمفاجآت الغير متوقعة لكل شخصية.. قراءة ممتعة❤️
