بعد ما اقعدوا المعاريس اطلعوا خواته يرقصون على الستيج ويحطون الاهداءات لهم...
وبعد مرور ساعه... قاموا المعاريس واشتغلت زفتهم واطلعوا من القاعه...
بقى الحريم كملوا سهرتهم لين مشى الوقت وصارت الساعه ١ اخر الليل...
كانوا كلهم قاعدين يتعشون...
ساره وخواتها وباقي بنات عمها قاعدين بطاولة وحده...
ميس: اخ يا رجولي تعبت تعبت مو قادره اتحمل
ساره: تستاهلين محد قال لج تلبسين كعب هالطول!
المياسه: اي والله لابسه كعب طول ولدها وتقول اخ يا رجولي
ميس: يا حمير انا طولي طول هالبيبسي اللي قدامي يعني لازم البس كعب طويل ولا ان شاء الله تبوني ابين طالبة في الاعدادي بطولي هذا!!...
البنات يضحكون....
سهم: ماعليج منهم ميمي كل وحده تقول طول الزرافه محد فيهم يفهم معاناتنا...
ساره: ترا هيه وين رحت انا؟ كاني بعد نفسكم طولي طول غرشة الماي على اي اساس زرافات؟
جواهر: ههههههههه اخخخ بموت عليكم مصطلحات عجييييبه
فجأة يتصل خليفه عليها... قامت وراحت تكلمه...
ساره: بنات تخيلوا اللي صار معاي اليوم، شفتوا ام شوق!
البنات: اي
ساره: كنت رايحه عندها اقول لها شي الا امسكتني وتعرفني على صديقاتها وتعالوا شوفوا صديقاتها بس اخخخ اخخ ياكشختهم واناقتهم وربي حسيت روحي بين زوجات وزراء او سفراء هيبه هيبه...
جواهر: تعالي تعالي ليكون اللي كانوا قاعدين قدام الستيج اللي لابسين اسود واحمر وبنفسجي!!
ساره: بالضبط! شفتي اللي ام فستان بيج اللي شعرها كستنائي اللي لابسه عقد كارتير !!
جواهر: دقيقه ليكون اللي ملامحها مكس سمره بس بشرتها فاتحه؟ light skin!!
ساره: اي اي هذي اتجنن والله ماشاءالله عليها ملامحها حلوه بالنسبه لام كبيره
جواهر: حتى عمرها عرفتيه؟
ساره: ياحظي اسمعي بتجيج السالفه، المهم انتبهتوا عل العقد؟ احس اني شايفته بمكان بس ماعرف وين! هو عقد مشهور..
ريم: دقيقه دقيقه اعتقد اعرف مو هو نفسه العقد اللي لبسته الممثله Anne Hathaway في فلم Ocean 8 ؟؟؟؟
ساره تشهق: اييي هو هو صح
ريم: ااااه يصيح يصيح العقد مو طبيعي خراااافي
أنت تقرأ
استوطنتَ قلبي
Romanceرواية شبابية مثيرة تجمع بين الحب، والدراما، والمغامرة تروي احداث الرواية عن تفاصيل حياة مجموعة من الفتيات والشبان، وكل شخص منهم لديه قصة وماضي مثير للإهتمام، بالإضافة لحدوث بعض المغامرات والمفاجآت الغير متوقعة لكل شخصية.. قراءة ممتعة❤️
