عزيز مع راكان وخليفه بالحديقه..
عزيز: فهمت اللحين ياخليفه؟ فا لا تضغط عليها اتعبت اليوم وايد...
خليفه يتنهد: اااه ان شاء الله لاتحاتي انزين يا شباب اقدر اشوفها شوي؟ خليفه بعد ماشرح له عزيز اللي صار ويا المياسه وشلون اتعبت اليوم حزن عليها وحس ان مو ذنبها اللي صار ويبي يخفف عنها..
عزيز لف يشوف راكان: هاه اخوها الكبير ترضى ولا ماترضى؟
راكان يتفلسف: والله شوف يا اخوي الرجال ماقصر بيض الله وجهه فزع معانا اليوم بس كان متأخر علينا بس معذور لان وصل بناتنا ووداني المستشفى وكان بياخذ وظيفة الدكتور بدال الدكتور نفسه!! يعني تقدر تقول ايه خل يشوفها بس من الباب...
خليفه منزل راسه ويضحك وحاط يده بجيوب البنطلون
عزيز: همممم انا بعد اتفق معاك لف على خليفه وقال: تقدر تشوفها عطيناك الموافقه
خليفه يضحك: هههههههه انا شلون ناسبت هالعيله ياربي مينن
الشباب: افااا
خليفه: لالا اقصد والله اني مستانس ياربي شنو هالعيلة الجميله اللي ناسبتها
الشباب ميتين ضحك: هههههههههههههه
عزيز: تبي الصج والله ماتنلام صادق هههههه
راكان: يالله انا بدخل بناديها بس لا تتأخرون خلكم قريب الشاليه
خليفه: ابشر
دخل راكان واتصل على اخته: الو مياسه
المياسه: هلا راكان حبيبي شلونك؟
راكان بخير حبيبتي اقولج انتي فوق؟
المياسه: ايه ايه تعال عندي الغرفه ابي اشوفك
راكان: طيب اوك
سكر منها وكان متمني يشوفها مع اخته في الغرفه..
الجوري: اخوج جاي؟
المياسه: ايه عادي قعدوا
الجوري: لالا استحي انا ماعرف راكان وايد انا بطلع واذا خلصتوا نادوني واصلاً لازم انزل تحت ترا شكو فينا كل شوي يسألون عنا
ساره: اي صح انا بعد بنزل معاج عشان لايسوون لنا سالفه
الجوري اسبقت ساره وانزلت وتلاقت مع راكان في الدرج شافها وعرف انها الجوري قال: اسف تفضلي
الجوري وهي منزله راسها: حمدلله عل السلامه
راكان ومنزل راسه: الله يسلمج، الجوري صح؟
الجوري: ايه
راكان: شخبارج ان شاء الله مو تعبانين او فيكم شي؟
الجوري: لا الحمدلله يعطيكم العافيه انتوا تعبتوا وخاطرتوا بحياتكم
راكان: شدعوه انتو خواتي كلكم واكيد بنسوي هالشي
الجوري: عساك عل القوه ان شاء الله عن اذنك..
راكان نزل عشان تقدر تنزل: الله يقويج يارب اسف تفضلي
بعد ما اطلعت الجوري المياسه امسكت يد ساره وقالت لها: ياهبله وين رايحه؟
ساره: شفيج قلت لج نازله!
المياسه: صج والله!! اللحين راكان متعور ويده مكسوره وجاي عندي وانتي بتروحين بدال ماتشوفينه وتتحمدين له بالسلامه؟
ساره وهي تفكر: بس مادري احس فشله وانا...
المياسه: لا فشله ولاشي انثبري عندي وماتروحين
ساره: انزين
وفجأه يدق الباب.. احم ادخل؟
ساره تعدل شيلتها وترميها شوي على ورا ولافه وجهها
المياسه: حياك راكان حبيبي... اول ماشافت شكله اصرخت وااااي راكنووه سمممله عليك !!!
ساره لما اسمعت المياسه لفت بسرعه وشافت يده مجبسه وهو شافها وارتاح لان تحققت دعوته ان يشوفها...
كان يمشي ويهشش المياسه: اشش فضحتينا
المياسه: يألمك حياتي؟
راكان يضحك يكلم اخته ويشوف ساره: هههه لالا مايعور الحمدلله...
المياسه مستااانسه وهي تشوف نظرات اخوها لساره وكانت تبي تخليهم بروحهم وتفكر بطريقه قالت له: حبيبي والله، يعطيكم العافية جد، عزيز قال لنا كل شي والله مادري شنو اقولك بس جد عساكم عل القوه والحمدلله ربي ستر عليكم
راكان: ايه الحمدلله عدت السالفه على خير
ساره وهي تشوف وجهه متعور وتعبان وواضح من الضرب وقميصه مشقق وفيه دم اسرحت في شكله وتقطع قلبها عليه كان يشوفها شلون تشوفه من فوق لين تحت وقلبها بيوقف عليه...
كان يكلم نفسه من داخله: يا ترا احزنت علي؟ خافت علي؟ قاعد اشوف الخوف بعيونها يمكن حنت علي اي اكيد حنت لي يا سلام الحمدلله واخيراً...
المياسه لقت الحل سوت نفسها تبي الحمام ضروري وقالت: اوبيه بطني! بطني بطني بطني بطني!!
كلهم شافوها واستغربوا...
ساره: شفييج؟؟
المياسه: ابي الحمام محصووره محصوره
ساره: انزين امشي امشي
المياسه: ساره بسرعه طلعيلي شي البسه ابي ابدل
ساره: اوك اوك روحي وبطلعلج
اركضت الحمام وتخبت داخل ووقفت ورا الباب وهي تضحك وماسكه نفسها راحت عند المرايه تعدل شكلها وشعرها افتحت شنطة المكياج وعدلت وجهها
أنت تقرأ
استوطنتَ قلبي
Romanceرواية شبابية مثيرة تجمع بين الحب، والدراما، والمغامرة تروي احداث الرواية عن تفاصيل حياة مجموعة من الفتيات والشبان، وكل شخص منهم لديه قصة وماضي مثير للإهتمام، بالإضافة لحدوث بعض المغامرات والمفاجآت الغير متوقعة لكل شخصية.. قراءة ممتعة❤️
