مر اسبوع كامل وابطالنا في قمة سعادتهم كل ثنائي يشعر بسعاده ماتنوصف... لكن يا ترى هل فرحة شخصياتنا راح تكتمل!!
خلونا نشوف هالبارت شنو مخبي لنا...
"خليفة و المياسه" اللي سافروا لشهر العسل وكانوا ناويين يقعدون ثلاث اسابيع يدورون اوروبا...
"راكان وساره" اللي كانوا سعيديين جداً بعد الموقف اللي صار معاهم يوم العرس وكل واحد فيهم متحمس ليوم الخطبة...
"محسن و الريم" كانوا طايرين من الفرح بخبر الحمل وكان محسن بالذات قايم في ريم ومدلعها اكثر من اول...
"عزيز والجوري" لين اللحين موضوعهم متعلق ومب عارفين اذا راح يتزوجون او لا...
.
.
.
ارجعت الجوري للمدرسه وكانت تستعد لاختباراتها النهائيه لكن الموضوع اللي صار ورفض امها للزواج خلاها متوتره وماتقدر تركز في دراستها.. وبيوم من الايام كانوا ساره والجوري قاعدين مع بعض في بيت الجوري يسولفون ويضحكون في الصالة....
ساره: هههههههه اقولج والله هذا اللي صار وانا من الصدمة وقفت مكاني جنه جاني شلل الله وكيلج..
الجوري تضحك: ههههههه امبييه سوسو شلون جي! انزين عيال عمي وينهم؟ معقولة كنتي بروحج واقفه ومحد ساعدج؟
ساره: اسكتي اخر شي الحمدلله ياني عزيز لان كان حول المكان وساعدني والحمار ماسكها علي كل ماشافني يذكرني بهاليوم المشؤوم ...
الجوري انقلب وجهها بعد ما اسمعت اسمه... وساره انتبهت عليها وقالت: جوجو حبيبي فيج شي!
الجوري: ساره انا كان ودي اقول لاحد بس ماعرفت اقول لمن تعرفيني استحي اتكلم بموضوع عزيز
ساره: خير امي قوليلي انا خيتج لا تستحين...
الجوري تشوف ساره وطلعت كل اللي بخاطرها: ساره انا وايد تعبانه ومرهقة بسبب موضوع زواجي من عزيز اللي لين اللحين معلق ومادري شنو بيصير عليه، انا احبه وابي اتزوجه بس ماقدر اقول هالشي لامي وانتي تعرفينها وتخبرين موقفها بعد اللي صار اخر مره كل مره اجيب طاريه باي موضوع تقوم تغيره او تنقزلي اني ماراح اخذه، حتى تخيلي وصلت لمرحلة صرت ما اقدر اركز بدراستي بسبب هالموضوع، وايد احاتي ووايد متضايقه...
ساره تسمعها وتشوفها وبعد ماخلصت قالت لها: طيب، اول شي انا مهما قلت لج ومهما حاولت اريح قلبج ماراح ترتاحين، بس اقدر اقترح عليج شي وانتي براحتج توافقين عليه او ترفضين...
الجوري: شنو
ساره ترفع تلفونها: اقدر اللحين ادق على عزيز وانتي تكلمينه وتقولين له كل اللي بقلبج وهو نفس الشي عشان كل واحد فيكم يطمن قلب الثاني وترتاحون وعشان توصلون لحل انتوا الاثنين وهم اقدر اطبطب عليج واسمعج كم كلمة تهدي بالج اليوم بس ادري انج بترجعين تفكرين بكرا وقلبج بياكلج وماراح ترتاحين فا شرايج!
أنت تقرأ
استوطنتَ قلبي
Romanceرواية شبابية مثيرة تجمع بين الحب، والدراما، والمغامرة تروي احداث الرواية عن تفاصيل حياة مجموعة من الفتيات والشبان، وكل شخص منهم لديه قصة وماضي مثير للإهتمام، بالإضافة لحدوث بعض المغامرات والمفاجآت الغير متوقعة لكل شخصية.. قراءة ممتعة❤️
