كانوا منسدحين عل السرير وساره نايمه بحضن المياسه...
المياسه تلعب بشعر ساره: ساروه بقولج شي
ساره بنعاس: همم
المياسه: نايمه؟
ساره: على وشك
المياسه: تبين اخليج تنامين؟
ساره: اي بس بنام بحضنج ولاتروحين لين انام...
المياسه: اوك ياعمري انتي يالله غمضي عيونج
ساره غمضت عينها وبدت تنام من التعب وتأثير الادوية..
بعد نص ساعه المياسه غفت مع ساره وما صحت الا على صوت رنة جوالها...
ردة بصوت ناعس: الو
خليفه: نايمه؟
المياسه تعدل سدحتها وتقعد على طرف السرير: غفت عيني وانا جنب سوسو مسكينة نامت بحضني ومارضت اقوم لين تنام هي
خليفه تغير صوته: اها حلو وهي متعوده تنام بحضنج؟
المياسه: واحنا كبار لا بس واحنا صغار كنا دايم ننام باحضان بعض
خليفه: لاتعودينها
المياسه بتفهي: اشدخل اعودها مالا علاقه وبعدين حتى لو تعودت وين المشكله!
خليفه: مافي اي مشكلة ماعليج المهم انا دقيت اشوف اذا محتاجه شي ولا شي وشلون صارت بنت عمج؟
المياسه: ماتقصر والله مو محتاجه شي يعطيك العافيه وسارونتي لين اللحين ما اعرف شلون صارت لان من اول ما وصلنا البيت وهي تنعس...
خليفه: اها يالله ربي يعافيها ان شاء الله اذا محتاجين شي كلميني
المياسه: ان شاء الله، وانت شصار معاك؟ رحت لمركز الشرطه؟
خليفه: اي رحت خلصت كل شي توني طلعت منهم
المياسه: يعطيك العافيه
خليفه: الله يعافيج
كانوا ساكتين وبعدين تكلموا بنفس الوقت...
خليفه: المياسه
المياسه: ااا خليفه! هههه قول انت
خليفه: لا قولي انتي عادي
المياسه: تبي تمرني البيت شوي نشرب عصير ولا كوفي ونسولف؟ احس اليوم ماقعدنا عدل شرايك؟
خليفه يبتسم ومنزل راسه: كأنج قريتي افكاري ههه، طيب ربع ساعه واكون عندج تبين شي؟
المياسه نطت من الوناسه وتكلمه بهدوء وبرود: لا سلامتك بانتظارك
سكر منها وهو شاق الحلج < يعني مبتسم ابتسامه كبيره من الفرحه
حرك بسرعه وكأنه مشتاقلها وماشافها شهور وهو توه شايفها اليوم الظهر...
راحت للحمام تغسل جسمها بسرعه وساره نايمه...
بعد خمس دقايق اطلعت وراحت تدور لها لبس وهي بالروب...
البست وخلصت وافتحت شعرها الاشقر المتموج وكانت محتاره شتسوي فيه، تعطرت والبست ساعتها والاكسسوارات...
كانت ساره تتقلب من الاصوات اللي تسمعها وريحة العطر لفت على المياسه وقالت: بتطلعين؟
المياسه لفت عليها: امبيه حبيبي قعدتج؟ اسفه اسفه ياقلبي والله حاولت اكون هاديه قد ما اقدر
ساره تلف عليها الجهه الثانيه وهي منسدحه: عادي اصلاً ماكنت نايمه المهم وين رايحه؟
المياسه ترجع تعدل شكلها ومكياجها: خليفه بيجيني حرام قلت له يجي اليوم ماقدرنا نقعد نتكلم
ساره: اي واخر شي نعرف شبيصير بتقعدون تشفشفون بعض
المياسه لفت على ساره وافتحت فمها بصدمه وفيها ضحكه: يا حمااره هههه جب انزين
ساره تبتسم: متاكده جاي عشان ماقعدتوا اليوم ولا عشان مشتاقتله!... وتغمز لها
المياسه خذت الفرشاه وترميها على ساره: اخمدي احسن لج كريهه صج
ساره تضحك وتلف للجهه الثانية... وقالت: سوي شعرج ذيل حصان احلى مع لبسج...
المياسه: اووك، دقيقه انتي شعندج اليوم جريئة! مو عوايدج تسولفين جي؟
ساره: شكله من تأثير ضربة راسي هههه
المياسه تضحك: اي والله هههههه
رن تلفونها برسالة والمياسه شافته...
خليفه كاتب: انا بالمجلس
المياسه قامت من مكانها تتاكد من شكلها وقالت لساره انها نازلة...
وهذا كان لبسها وشعرها ومكياجها👇🏻
أنت تقرأ
استوطنتَ قلبي
Romanceرواية شبابية مثيرة تجمع بين الحب، والدراما، والمغامرة تروي احداث الرواية عن تفاصيل حياة مجموعة من الفتيات والشبان، وكل شخص منهم لديه قصة وماضي مثير للإهتمام، بالإضافة لحدوث بعض المغامرات والمفاجآت الغير متوقعة لكل شخصية.. قراءة ممتعة❤️
