رواية شبابية مثيرة تجمع بين الحب، والدراما، والمغامرة
تروي احداث الرواية عن تفاصيل حياة مجموعة من الفتيات والشبان، وكل شخص منهم لديه قصة وماضي مثير للإهتمام، بالإضافة لحدوث بعض المغامرات والمفاجآت الغير متوقعة لكل شخصية..
قراءة ممتعة❤️
اليوم الثاني الصبح... الساعه ٧ ونص قامت اول الناس بدلت ملابسها وغسلت وجهها وحطت على وجهها شويه تنت ورتبت حواجبها واطلعت من الغرفه كانت لابسه شي خفيف وبسيط بما انه الصبح والكل نايم لبست جنز وتوب ابيض واسع وطويل وحجاب ابيض وجوتي رياضه (يكرمكم) مثل الصورة👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
انزلت للمطبخ وشافت لها شي تاكله كانت جوعانه من امس ماكلت شي... جهزت لها سندويشه جبن مع شاي حليب وراحت للحديقه... خذت معاها كتابها واقعدت في الجلسه الخارجية... بدون ماتحس على اللي يراقبها كانت تقرا وتاكل شوي وهو مستمتع وهو يشوفها وسرحان بجمالها كان ساند كتفه عل الباب ومايل بجسمه ومتكتف ومبتسم ويكلم نفسه: اااه يازين هالصباح بس شحلات وجهها من الصبح اللي يفتح النفس... قرر ينسحب عشان لاتشوفه ويضايقها.. دخل البيت وراح المطبخ يسوي له اكل... بعد ساعه خلصت اكلها وابردت شوي ادخلت تبي تحط الصحون في المطبخ... ادخلت وانصدمت انه داخل... لف راكان على دخلتها وجات عينه بعينها... توترت ونزلت عينها بسرعه... حطت الصحون من يدها وكانت بتطلع وقفها صوته... راكان: صباح الخير ساره لفت وشافته: هلا راكان وهو يشوفها: قاعده بدري اليوم! ساره تنرفزت من بروده ويتكلم معاها طبيعي ولا كانه صاير شي بينهم... شافته بنظرة باردة كانها تقول له "صج والله؟"... وبدون ماترد عليه اطلعت... راكان واقف بمكانه مثل الغبي ويكلم نفسه: اوك شكلي استعجلت مره ثانية لما كلمتها.. اخخ يا ساره واضح راح اتعب معاج وايد لكن عسل على قلبي والله.. راح اراضيج وافوز بقلبج اوعدج...
تمللت ساره وقررت تروح تقعد المياسه ويروحون يسبحون في المسبح بروحهم بما ان الكل نايم وماراح يقومون الا بعد ساعتين او ثلاث ارجعت غرفتها وولعت الاضواء ونطت على السرير تصحي المياسه ساره بحماس: ميييميييي يالله يالله قووومي المياسه بانزعاج: افففف ووخري خليني انااام ساره: قوومي قوومي قلت لج بسج نووم ياكسلانه احنا جايين نستانس ولا ننام؟ المياسه بتحلطم وتلف الجهه الثانيه: ساره بصفقج والله العظيم خلييني اناام انتي شبعتي نوم وقايمه مصحصحه فارقي من قدامي وخليني اكمل نومي... ساره بتحلطم: افف منج قومي قلت لج خلينا نقوم نتسبح في المسبح ونسولف يالله بليييزز بكرا راجعين لاتستهبليين ميمي.. المياسه بعصبيه: خييرر نتسبح اللحين من الصبح خليها بعدين العصر قومي وطفي الاضواء واطلعي ساره بعصبيه: والله حماره ما منج فايده لكن بتشوفين والله بردها لج يا ميمي واضربتها بالمخده وقامت من عندها... المياسه: ووجع ياكلبه طفي الاضوااااااء اطلعت ساره من الغرفه معصبه بدون ماتطفي الاضواء وخلت الباب مفتوح... قامت المياسه من السرير وتتحلطم وطفت الاضواء وسكرت الباب ورجعت تكمل نومها.. راحت ساره تقعد في الصاله تشوف التلفزيون وتقلب في القنوات ومتملله وتتأفأف لين غفت عينها ورخت راسها على الكرسي ....
