بعد مرور اسبوعين ونص...
راكان طلع من المستشفى وصارت صحته الحمدلله وايد زينة... كمل علاجه الطبيعي لين صار يمشي على رجلينه بشكل طبيعي نفس اول... كان عايش اجمل ايام حياته... كان يروح يشوف ساره في بيت ابوها ويزورها ويشوف بنته ومستانس عليها.. وعد ساره بسفره يغيرون فيها جو، وكانت فكرته يروحون ويعتمرون في مكة... وبعدها اقترح عليها يتمشون في الرياض بما ان صارلهم مده طويلة ما راحوا وشافوها وتغيرت عن اول....
ساره اطلعت من الحمام وكانت المياسه عندها بالغرفه مع بنتها الصغيرة واللي صار عمرها سنة...
المياسه: سحر مامي ماتبين تاكلين؟
بنتها تهز راسها بلا: لاء
المياسه: ياربي منج ماكلني شي اليوم، انزين شرايج اذا كليتي بنروح الحديقة بعدين!
بنتها تشوفها وتبتسم وتهز راسها بأوك...
المياسه تبتسم وتطلع بوكس الاكل: وه فديت بنتي العسل
ساره اطلعت من الحمام: ها شهوده نايمه؟
المياسه: نايمه نايمه لاتحاتين
ساره تروح عند الكبت وتطلع لها ملابس: اااه تعبتني اليوم، تخيلي طول الليل تصيح المغص ماوقف منها عورت قلبي والله
المياسه: اعرف اعرف صاد سحور بنتي من قبل وعطيتها ينسون والحمدلله نفعها
ساره: اي اليوم امي عطتها والحمدلله صارت احسن
المياسه: اي
ساره تبدل ملابسها: تعالي! مافي جديد من المينونه جواهر؟
المياسه تأكل بنتها: لا والله ماكو هذي هي قاعده عندنا بالبيت وكرشها قدامها...
ساره: الله يهديها بس، طيب لين متى بتم جذي زعلانه؟ هي حامل اللحين ومب زين الزعل على صحتها وصحة البيبي
المياسه: والله ماعرف تقول ابيه ياخذلي بيت بروحي مو قادره اتحمل امه اكثر، وتبين الصج! معاها حق ترا لانها حرفياً قاعده تضغط عليها ام خالد، تقول اصبرت عليها قريب السنة اللحين وما اقدرت ترضيها، تقول مع اني حاولت اتداخل معاها واسووي اللي هي تبيه بس خلاص طفح فيني الكيل مافي شي ما سويته..
ساره وهي تلبس المشد: حرام حزنت عليها والله، ياخي لين متى امهات الازواج بيتمون جي! في فئة منهم اعوذ بالله عبالهم حريم عيالهم منافسين لهم، اذا جوجو سنعه وتقوم بواجباتها مع زوجها وزوجها مرتاح وراضي ام خالد شتبي؟ اتركي البنت بحالها عاد! خلاص ولدج مرتاح معاها ولا اشتكى انتي ليش زعلانه؟ ليش تتلقفين بحياتهم؟
أنت تقرأ
استوطنتَ قلبي
Romansaرواية شبابية مثيرة تجمع بين الحب، والدراما، والمغامرة تروي احداث الرواية عن تفاصيل حياة مجموعة من الفتيات والشبان، وكل شخص منهم لديه قصة وماضي مثير للإهتمام، بالإضافة لحدوث بعض المغامرات والمفاجآت الغير متوقعة لكل شخصية.. قراءة ممتعة❤️
