كانت طالعه مع بنت خالتها السينما ومزاجها مو اوك.. حاولت بنت خالتها تغير مزاجها بس مافي فايده... خلصوا الفلم واطلعوا يتعشون...
رهف: بقولج! خل نروح ناكل سوشي والله بخاطري
ميرا: اوك
رهف: دقيقة تعالي نمر عل ڤيرجن ابي شاحن
ميرا تشوف التلفون تنطر منه رسالة...
رهف: هييه! قاعده اتكلم!
ميرا: هااه شفيج
رهف: وجعاه خلاص عاد ماصارت! لين متى عيونج بالتلفون؟ بيتصلج وقت مايتصل بسج عاد
ميرا: ياخي حتى مسج ماكتب! تتوقعين ممكن صاير شي معاه؟
رهف: انتي دقيتي عليه من قبل؟
ميرا: مره او مرتين بس
رهف: شقالج؟
ميرا: اول مره رد وسولف عادي وثاني مره مارد بس كتب لي انه بيرجع يكلمني مشغول شوي
رهف: طيب خلاص مشغول خليه شوي وبيكلمج من نفسه
ميرا: اووف
رهف: بسج تأفأف وامشي معاي يالله
ادخلوا محل ڤيرجن ورهف تدور لها على شاحن وميرا تشوف وتتمشى بملل... لين فجأة رن تلفونها وهي تشوف بسرعه وابتسمت اول ما قرت اسمه، خذت نفس وردت...
ميرا: الو
عزيز بفرحه: هلا بهالصوت هلا ابوي والله
ميرا مستغربه وناسته بس مسويه زعلانه: هلا
عزيز: افا! بس هلا؟ مافي ترحيب ثاني!
ميرا: ماعرف اسأل روحك تستاهل ترحيب!
عزيز: احح قوية
ميرا ماسكه ضحكتها: تستاهل
عزيز: عمري الزعلانين والله، ادري حبيبتي اني قصرت معاج هالفتره بس لين اشوفج بقولج كل شي
ميرا جاها error من كلمة حبيبتي... فجأة فهت وسوت نفسها طبيعي وقالت: متأكد بتقول!
عزيز بوناسه: وحياة عينيكي حئول ايي صح وعندي لج خبر! ضروري ضووري اليوم اشوفج
ميرا مستغربه فرحته وحماسه ابتسمت وقالت بدلع: ماعرف بشوف جدولي لو فاضية
عزيز: هممم! عيل من اللحين اقولج حطيني بين جدولج المزدحم لان ضروري اشوفج اليوم
أنت تقرأ
استوطنتَ قلبي
Romansaرواية شبابية مثيرة تجمع بين الحب، والدراما، والمغامرة تروي احداث الرواية عن تفاصيل حياة مجموعة من الفتيات والشبان، وكل شخص منهم لديه قصة وماضي مثير للإهتمام، بالإضافة لحدوث بعض المغامرات والمفاجآت الغير متوقعة لكل شخصية.. قراءة ممتعة❤️
