رواية شبابية مثيرة تجمع بين الحب، والدراما، والمغامرة
تروي احداث الرواية عن تفاصيل حياة مجموعة من الفتيات والشبان، وكل شخص منهم لديه قصة وماضي مثير للإهتمام، بالإضافة لحدوث بعض المغامرات والمفاجآت الغير متوقعة لكل شخصية..
قراءة ممتعة❤️
بعد مرور اسبوع على الاتفاق بين العائلتين.. صار عقد القران بين الاثنين وبعدها بأسبوع سووا حفلة المِلكه /الخطوبة بناءاً على طلب ابو مشعل لان يعرف لعانة ولده وممكن انه يسوي اي شي عشان يوقف هالزواج...
يوم الملجة... كانت المياسه اميره بطلتها جمالها كان صحيح ملفت وكان محليها اكثر الفستان اللي لابسته كانت لابسه فستان احمر مفصل على جسمها بالضبط طويل وله ذيل ومكياجها كان ناعم ومعطيها جاذبيه اكثر لانه ملامحها جميله بدون مكياج سوت ميكب برونزي الفستان كان خيالي عليها مع بشرتها البرونزيه الصافيه وشعرها الكستنائي خلته مرفوع على فوق بطريقه كلاسيكيه فخمه والطقم الفخم على ارقبتها الطويله كانت تفتن بشكل راقي ووايد كلاسيك... هذا فستانها والتسريحه والميكب اللي سوته👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اما خليفه كان طالع كشخه ووسيم بالثوب والزرار والقلم الماركة اللي حاطه في الثوب بعد مادخل على زفته قعد على الكوشه جنبها بدون ما يسلم عليها او يشوفها كان حتى مو معبرها، استغربت المياسه منه واقنعت نفسها انه متوتر او مستحي من الحريم او ان ماشافها نظرة شرعية عشان جي كان مرتبك، كانوا خواته يترقصون قدامهم وحطوا اهداء للمعاريس وكانت جواهر تسوي حركات عبيطه للمياسه عشان تضحكها وكانت المياسه ماسكه ضحكتها لان العين عليهاا والناس تذكر الله على جمالها وكان المعازيم مستغربين من وجه خليفه شلون عابس وماله نفس شي ولا حتى يطالع بزوجته او يكلمها، جات امه تهمس بأذنه: خليفه البنت مالها ذنب لا تعاملها كذا قدام الناس وابتسم لها احسلك وسولف معاها، ابتسم عشان يسكت امه وفجأه جات اخت خليفه الكبيره تقول لهم يقومون عشان يلبسها الشبكة (الطقم الي جابه لها) كان يلبسها الشبكة بدون نفس وبسرعه بسرعه عشان يطلع ما كان مرتاح بالمكان والمسكينه المياسه مستغربه ليش يعاملها جي... خلوهم يقعدون شوي مع بعض ويتصورون... كانت اشكالهم واضحه انهم مغصوبين على هالزواج خليفه كان طول الوقت يطالع بجواله وامه تطالعه بنظرات عصبيه وودها تبلعه التلفون على راسه لانه فشلهم قدام العروس والمعازيم، رفع خليفه راسه ولاحظ نظرات امه له خاف منها وابتسم قال بداخله: امري لله خل امثل عشان الكلام مايجيني بعدين... لف عليها عشان يتكلم ويفتح معاها موضوع بس انخرس فجأة.... حطت عينها بعينه وانصدم خليفه وبلع ريقه بصعوبه وماقدر ينطق بحرف فهى وتخسبق من جمالهااا < تخسبق يعني تشتت او تجمد لسانه وماعرف يعبر.. قلبه صار يدق بسرعه وحس برجفه حلوه لما شافها بلع ريقه مره ثانيه بصعوبه وكان باين على وجهه الصدمة والانعجاب نظراتها له خلته يسرح بجمالها، مات بسحر عيونها الجذابه والملفته.. طالعته وقالت له بدلع عفوي: شفيك تطالعني جي!! خليفة مارد عليها لين اللحين مفهي وبحالة انخراس قالت له بدلع عفوي: خليفاه!! تسمعني! خليفه بدون شعور قال: ابوي هلا شنو قلتي؟ استحت من ردة فعله ونظراته قالت له: شفيك مفهي!! < شارد عدل قعدته وتحمحم يبي يبين انه ثقيل وانه ماتخرفن وهي عارفه ومبين عليه اصلاً انه متخرفن قال لها: لا بس سرحت بشي بعدين بارك لها وسألها عن اخبارها وشرايها بالطقم اللي اختاره وماشال عينه منها وواضحه نظراته شلون تتابعها بكل حركه تسويها ماشال عيونه منها وكان يكلم نفسه: معقوله في بنت طبيعية بهالجمال!! سبحان اللي خلق وبدع فيها!! كانت مستحيه من نظراته لانه اكلها اكل بعيونه المياسه: الله يبارك فيك، يهبل الطقم ماشاءالله تسلم رد عليها: مازان الا عليج المياسه كانت مستغربه ومصدومه من التغير اللي صارله ومن كلامه طايح غزل فيها فجأة... كانوا يسولفون ويتعرفون على بعض وبعدين كانوا يتصورون لين ما مشى الوقت وصار لازم يطلع من القاعه جات اخته تكلمه اخته: خليفه يالله قوم مصختها قاعد ساعتين الناس يبون يتصورون مع العروس ويرقصون خليفه يشوف المياسه وماشال عيونه منها: زين زين بروح بعد شوي.. اخته تشوفه وماسكه ضحكتها على شكله شلون ذايب في المياسه المياسه كانت تشوف اخته وماسكه ضحكتها وتنزل راسها ماسكه الباقه وتبتسم بنعومه خليفه كل ماله ويذوب اكثر في رقتها وجمالها اخته بتنفجر من الضحك قالت له: والله العظيم انت ماينفع معاك الا جواهر اصبر خل اناديها خليفه وعينه على المياسه: ناديها المياسه ارفعت راسها وشافته وقالت بنعومه حلوه: امبيه خليفاه لا تجي جوجو والله بتفضحك خلاص قوم هههه خليفه يبتسم معاها: ادري والله ادري خلاص انا بطلع اللحين بس بعدين باخذ من جواهر رقمج بدق عليج فليل ردي علي اوك؟ المياسه هزت براسها وقالت اوك قام وقف يعدل نفسه وقبل ما يروح باسها على جبهتها بدون مايحس ومشى وهي استحت من حركته وابتسمت، خليفه كان منصدم من نفسه.. قال من داخله: انا شفيني ليش فهيت يوم البنت طالعت بعيوني؟ وشلون تجرأت وبست راسها!! اصلاً شلون اسرتني وتحكمت بعقلي جي!! لالا انا مو طبيعي.. كان يمشي وهو يتذكر ريحة شعرها اللي اشلعت قلبه يوم قرب منها والأسئلة تاكل عقله، دخل سيارته وكان يفكر وفجأه تعوذ من الشيطان وقال لالا انا استخفيت رسمي انا عندي حبيبه وحده احبها وتحبني حصه حبيبتي وبس حرك سيارته بسرعه وطلع. تموا البنات يرقصون ومستانسين لين جات الساعه 1 تقريباً وبعدين راح كل واحد لبيته
