اطلعت من الغرفة ومشت بالممر اللي يودي عل الصالة وكانت بنت خالتها نازله وصارخت لما شافتها: سوووسووو!!
ساره لفت عل الصوت بخوف: وه بسم الله خوفتيني
بنت خالتها: تعالي يالكلبه خل المج < احضنج، من زمان ماشفتج يالخايسه وينج انتي محد يشوفج...
ساره وتمشي عندها: ياويلي ياويلي منكم اليوم شكلكم كلكم بتستلموني
بنت خالتها تحضنها: وااااي وحشتيني وحشتيني شخباارج
ساره تبادلها الحضن: والله انتي اكثر ياقلبي انا الحمدلله بخير انتي شخبارج وشلون الدوام الجديد معاج ان شاء الله مو ملوع جبدج؟
بنت خالتها: بقولج عقب كل شي بس اللحين تعالي معاي فوق ابي اكلمج بموضوع مهم حياه او موت....
امسكتها من يدها واسحبتها
ساره وهي تمشي وكانت بتطيح: وه شوي شوي انزين ياربي منج عاد حياه او موت مره وحده! امشي امشي وانا ادري اخر شي ماعندج الا البطيخ
بنت خالتها: يمه وخالتي احنا فووووق
خالة ساره: الله اعلم شتهببون لا تتأخرون وانزلوا بسرعه ابي اكلم ساره
ام احمد: شفيج شنو بيخططون يعني بنات ويبون يسولفون شلج فيهم
اختها: ووي بلاج ماتعرفين بنتي وراها سوالف الدنيا والدين واعرفها تخش علي بنتي خبز ايدي ماتقعد بدون مشاكل
ام احمد: مارحتي بعيد نفس ساروه
اختها: اسماالله عليها ساره وربي ذهبه ماكو مثلها شيطونه شوي بس والله انها احسن بناتج
انزلت تاخذ تلفونها لان نسته في غرفة الضيوف، ادخلت خذته واطلعت وبالصدفه اسمعت امها تتكلم عنها استغلت الفرصه وكانت تبي تعرف ليش امها تعاملها بهاي الطريقه يمكن تقدر تحل المشكله وتراضي امها..
ام احمد: ايه يصير خير
اختها تتنهد وتنزل راسها: لين اللحين قلبج ما تلين عليها؟ لين اللحين قاسية عليها يا خيتي؟..
ام احمد تشوف الارض وفيها العبره
ساره شدها الكلام وقربت شوي تسمع اكثر واسمعت صوت خطوات بنت خالتها وراها واشرت لها بأصبعها عشان تسكت.... انزلت بنت خالتها بهدوء وافهمت
بنت خالتها بهمس: شتسوين؟
ساره: دقيقه اسكتي ابي اسمع امي شتقول لخالتي عني
أنت تقرأ
استوطنتَ قلبي
Romanceرواية شبابية مثيرة تجمع بين الحب، والدراما، والمغامرة تروي احداث الرواية عن تفاصيل حياة مجموعة من الفتيات والشبان، وكل شخص منهم لديه قصة وماضي مثير للإهتمام، بالإضافة لحدوث بعض المغامرات والمفاجآت الغير متوقعة لكل شخصية.. قراءة ممتعة❤️
