ساره قبل لاتكمل مشيتها تجمدت بمكانها... شافته بصدمة وماقالت شي... شافها بكل برود وعطاها ظهره وراح... مشى وهي تشوف ظهره يبتعد عنها بشويش.. كانت حرفياً مصدومه واقفه بمكانها ولا حرف طلع منها... اضحكت بصدمة وقالت: لاتتغشمر جذي معاي!
راكان لف يشوفها بطرف عينه ورجع يكمل مشي...
ساره ودموعها تنزل بهدوء وهي تضحك: هههه راكان! لاتمزح جذي! ترا مو حلو
كان رايح بعيد ومايسمعها... ساره شافته يصغر ويصغر ويصغر لين اختفى زوله.... كانت واقفه في الممر والناس اللي يمشون كانوا شوي كانت تشوف اللي يمرون من جنبها بخوف وصدمه.. لين اللحين مو مستوعبه اللي صار... كانت تناديه بس مو موجود... لين بدت تستوعب شوي شوي وعينها تدمع وهي ترجف... اشهقت بهدوء وهي تصيح... وتدريجياً يرتفع صوت صياحها وهي تشهق بين صياحها... اللي يمرون يشوفونها... كانت دموعها مو راضية توقف وشهقاتها وكأنها طفلة مو قادره تتحكم فيها... واقفه بمكانها بصدمة ماتحركت ولا حركة...
ساره بين شهقاتها وصياحها: لا.. لا... راكان ما.. ما.. مايخليني... لا راكان.. راكان يحب.. يحبني... مستح.. مستحيل يتركني.. لا.. لا
رن تلفونها خذته من جيبها وشافت الاسم جدتها... ردة عليها وكانت ساكته...
جدتها: الو ساره ماما! اليوم راجعه البيت انتي وراكان ولا رايحين عل الفندق؟
ساره ساكته.... دموعها تنزل بهدوء وخشمها اححمر من البرد والصياح وعيونها حمر...
جدتها: الو! ساره؟
ساره بين شهقاتها: بي..بي
جدتها: ما اسمعج يمه علي صوتج
ساره: بيبي!
جدتها ولين اللحين ما استوعبت انها تصيح: هلا امي
ساره تصيح: بيبي راكان خلاني وراح
جدتها خافت: شنو؟ دقيقه دقيقه انتي تبجين؟
ساره تصيح وساكته...
جدتها: شلون يعني راح وخلاج احجي ماما فهميني وداعتج لاتخبصين قلبي
ساره تصيح وبين شهقاتها: بيبي.. بيبي راكان ط.. ط.. اااه طلقني بيبي وراح
جدتها بخوف امسكت قلبها وتصرخ: شنووو؟؟ انتي شدا تحجين؟ ساره؟ انتي متأكده!
ساره تصيح وتطيح عل الارض وانهارت صياح... كانت تصيح بهستيرية... وجدتها تناديها...
جدتها: ساره!! سارونه ماما تسمعيني؟ احجيلي ماما وين انتي اني جايتلج امي لاتبجين لاتبجين ياروح قلبي انتي لاتبجين
أنت تقرأ
استوطنتَ قلبي
Romanceرواية شبابية مثيرة تجمع بين الحب، والدراما، والمغامرة تروي احداث الرواية عن تفاصيل حياة مجموعة من الفتيات والشبان، وكل شخص منهم لديه قصة وماضي مثير للإهتمام، بالإضافة لحدوث بعض المغامرات والمفاجآت الغير متوقعة لكل شخصية.. قراءة ممتعة❤️
