Khonsa ခေါ်လာသော စာသောက်ဆိုင်ရှေ့ရောက်တော့ Jennie ခြေလှမ်းတွေတုံ့ဆိုင်းသွားသည်။ Khonsa က ဆိုင်ထဲခြေလှမ်းဖို့ပြင်နေသောကြောင့် Jennie ညာဖက်လက်ကိုဆုပ်ကိုင်ထားသော သူ့ လက်ကို ခပ်တင်းတင်းဆွဲလိုက်ကာ
"Oppa ဒါက ပါရှန်း စားသောက်ဆိုင်နော်''
"အင်း သိတယ်လေ Jen ပဲ ဒီ ဆိုင်မှာ တစ်ခါလောက်တော့ ညစာစားဖူးချင်တယ်ဆို''
"ဟုတ်တော့ဟုတ်တယ်လေ ဒါပေမဲ့ အဲ့ဒါက ဒီတိုင်းပဲ ရင်တွင်းဆန္ဒတစ်ခုကို စကားလုံးအဖြစ် ပုံဖော်လိုက်တာမျိုးပဲ မဖြစ်မနေ ဆိုပြီးမှ မဟုတ်တာ''
"ဘာဖြစ်လို့လဲ''
"စျေးကြီးတယ်''
"Oppa ဝယ်ကျွေးမှာလေ''
" သိတယ်လေ အဲ့ဒါကြောင့် ဒီမှာ တစ်ညစာ လောက် သုံးလိုက်တာက ပိုက်ဆံ အတော်ကုန်သွားနိုင်မဲ့သဘောမျိုးပဲ''
"အင်း အဲ့ဒီတော့''
"ပြန်လှည့်ရအောင်''
"ဘယ်လိုလုပ်မလဲ ကြိုတင် Booking ချိတ်ထားပြီးသား မစားရင်လည်းပိုက်ဆံတဝက်က ချေပြီးပြီဆိုတော့ အလကား ကုန်သွားမှာပဲ''
"တကယ်ပါပဲ''
"လာပါကွာ ပိုက်ဆံဆိုတာ ကိုယ့်ဆန္ဒတွေ လိုအင်တွေအတွက် သုံးရတာ ပိုထိုက်တန်ပါတယ်''
ဆိုင်တွင်းမီးအလင်းရောင်ဟာ စူးရှမနေလှ။
နှစ်ယောက်ထိုင်စားပွဲဝိုင်းတွေချည်းပဲမို့ Jennieတွေးမိလိုက်သေးသည်။ မိသားစုလိုက်ဆိုရင်ရော ဘယ်လိုများလုပ်မှာပါလိမ့်။
"ဒါက Couple တွေအတွက် သီးသန့် အခန်း''
"သြော် အဲ့ဒါကြောင့်ကိုး''
စားပွဲဝိုင်းတစ်ခုဆီမှာ ဖန်မီးအိမ်တစ်လုံးက အပို ထွန်းညှိထားပြီးသား။
ဆိုင်ထဲမှာတော့ classical music တစ်ပုဒ်ကို ဖွင့်ထားသည်။
Romantisim တွေအတွက်တော့ ဆိုင်တွင်းခင်းကျင်းပြင်ဆင်မှုတွေဟာ အတိုင်းထက်အလွန် ချစ်အာရုံထဲ ထည့်သွင်းခံစားလို့ကောင်းမည့်ပုံပင်။
သူက Jennie အတွက် ဖန်ခွက်ထဲကိုရေဖြည့်ပေးနေသည်။ သူ့ရဲ့ လိုက်လျောဖြည့်ဆည်းမှုတွေကြောင့် တစ်ခါတစ်ရံမှာတော့ Jennie သူ့ကို အားနာရလေသည်။ တဖြည်းဖြည်းနဲ့ ချစ်သွားမှာပါလို့ ကိုယ့်ကိုယ်ကိုယ် သတိပေးစကားဆိုမိသည်။ အကယ်၍ မချစ်နိုင်ခဲ့ရင်တောင်မှ သံယောဇဥ်တွေက Jennie တို့ရဲ့ ဆက်ဆံရေးကို ခိုင်မြဲစေမယ်ဟုထင်သည်။
ВЫ ЧИТАЕТЕ
𝙊𝙪𝙧 𝙏𝙧𝙞𝙡𝙤𝙜𝙮
Фанфикшнချစ်ခြင်းတစ်ခုရဲ့ အစနဲ့ အဆုံးထက် ချစ်နေတဲ့ ကာလကိုပဲ ပိုသဘောကျမိတယ်။ ပြဇာတ်တစ်ပုဒ်ရဲ့ Beginning , middle, end ကိုယ့်ရဲ့ ရွေးချယ်မှုက ဘာဖြစ်မယ်လို့ထင်လဲ။ [April/19/2022....... May/22/2022]
