/ Ashley - Hi ငါ့နာမည်က Ashley Choi ဘာလို့ငိုနေတာလဲ။
ChaeYoung - ငါ့အစ်မက ပြဿနာရှာလို့ ဒီနေ့မိဘတွေတွေ့ဆုံပွဲကို မလာတော့ဘူးတဲ့။
Ashley - နင်နဲ့ငါ မိဘအတူတူလုပ်ကြတာပေါ့။ နင့်မိဘတွေက ဒယ်ဒီ့ကို ကိုယ်စားလွှတ်လိုက်တယ်လို့ ပြောလိုက်မယ်လေ။ ရော့ ချိုချဥ်စားလိုက်။ ကလေးတွေ ငိုရင် ဆေးသကြားလုံးစားပေးရတယ်လို့ ဒယ်ဒီက ပြောတယ်။ မျက်ရည်တွေကြောင့် ကုန်ခမ်းသွားတဲ့ စွမ်းအင်တွေကို ဆေးသကြားလုံးက ပြန်ဖြည့်ပေးတယ်တဲ့ ။ အော်ရိုရာ မင်းသမီးလေး ပြန်နိုးလာတာ ဒီဆေးသကြားလုံးကြောင့်လေ။
ChaeYoung - ဟင်မဟုတ်ပါဘူး။ မင်းသားလေး ဖီးလစ် နမ်းလိုက်လို့ပါ။
Ashley - နင်မသိလို့နေမယ်။ ဖီးလစ်က အဲ့အချိန်က ဆေးသကြားလုံးငုံထားတယ်ဟ။
ChaeYoung - ဟုတ်လား။ နောက်တစ်ခေါက် ပြန်ကြည့်ဦးမှပဲ။ ငါ့နာမည်က Park ChaeYoung ။
Ashley - ငါတို့ သူငယ်ချင်းဖြစ်သွားပြီနော်။ /
/ ChaeYoung - wow! နင့်အခန်းကအကျယ်ကြီးပဲ။ ငါလည်း ကိုယ်ပိုင်အခန်းရှိရင်ကောင်းမယ်။ အခုထိ မေမေတို့နဲ့ အခန်းတူတူသုံးရတယ်။ အဲ့ဒီ Alice ကျတော့ အခန်းကျယ်ကြီးနဲ့နေရတယ်။ ငါ့အစ်မကို လုံးဝကြည့်မရဘူး။
Ashley - နင်က လူကြီးမှ မဖြစ်သေးတာ။ အသက်ကြီးလာရင် ကိုယ်ပိုင်အခန်းနဲ့နေရမှာပေါ့။ ငါတို့ကျတော့ ဒယ်ဒီနဲ့ ငါပဲရှိတာကို။ နင်နေချင်ရင် ငါနဲ့လာနေပေါ့။
ChaeYoung - မေမေတို့က ခွင့်ပြုမယ်မထင်ပါဘူး။ Alice က ထိပ်ဆုံးက ကန့်ကွက်မှာ။ ငါ့ကို သူ့အိမ်ဖော်မှတ်နေလားမသိပါဘူး။ ခိုင်းဖို့ပဲသိတယ်။
Ashley - နင့်မိဘတွေက ဘာမှမပြောဘူးလား။
ChaeYoung - သူ့အသက် ၁၈နှစ်တုန်းကလိုမျိုး သူ့ကို နောက်တစ်ခေါက် ဆုံးရှုံးလိုက်ရတာထက်စာရင် အခုလိုအသက်ရှင်နေတာနဲ့တင် အဆင်ပြေပြီတဲ့။
Ashley - အဲ့တုန်းက သူက ဘာဖြစ်ခဲ့လို့လဲ။
ChaeYoung - ငါလည်းသေချာမသိဘူး အဲ့တုန်းက ငါ၆နှစ်ပဲရှိသေးတာလေ။ /
أنت تقرأ
𝙊𝙪𝙧 𝙏𝙧𝙞𝙡𝙤𝙜𝙮
أدب الهواةချစ်ခြင်းတစ်ခုရဲ့ အစနဲ့ အဆုံးထက် ချစ်နေတဲ့ ကာလကိုပဲ ပိုသဘောကျမိတယ်။ ပြဇာတ်တစ်ပုဒ်ရဲ့ Beginning , middle, end ကိုယ့်ရဲ့ ရွေးချယ်မှုက ဘာဖြစ်မယ်လို့ထင်လဲ။ [April/19/2022....... May/22/2022]
