Young က ခွေးစာခွက်ထဲမှာ ကြောင်စာတွေကိုထည့်နေသည်။ တော်သေးတာပေါ့ သူနဲ့ လောင်းကြေးမထပ်မိတာ နောက်မို့ဆို Jennie ရှုံးမှာပဲ။ ဒီကောင်တွေလည်း သခင်လို ကန့်လန့်တွေပါလား။
"ဘာလို့ ငါ့နောက်တကောက်ကောက်လိုက်နေတာလဲ''
"ချစ်ဖို့ တစ်မိနစ်စောတွေးတော့လေ''
"မင်း မပင်ပန်းဘူးလား''
"ဟင့်အင်း လိုချင်တာရဖို့ဆို ဝီရိယ ထားရမှာပဲ''
"ကံ က တော့ မင်းဖက်မပါလောက်ဘူး''
"ကံကိုမယုံပါဘူး Jenny လိုလေ''
"ငါကတော့ Park မဟုတ်ဘူး''
"စာရေးဆရာတွေဟာ တနည်းတဖုံနဲ့တော့ သူတို့အကြောင်းကို သူတို့ရဲ့ စာတွေမှာ ရေသားလေ့ရှိတယ်။ ဒါကို စာဖတ်သူတွေက တွေ့ဖို့ပဲလိုတာလေ။ Young ရဲ့ ဝတ္ထုကို Jen ၆ခါတိတိဖတ်ပြီးသွားပြီ။ Young ကို ချစ်ခဲ့မိတဲ့နောက်ပိုင်းမှာ နောက်ထပ်တစ်ခေါက်ထပ်ဖတ်ကြည့်တော့ Young ကို Jen ပိုပြီးတော့နားလည်လာတယ်။ Young ရဲ့စိတ်ထဲကို ဝင်တွေးလို့ရလာတယ်''
"အဟက်! ဟုတ်လား အဲ့တော့ ဘာတွေတွေးမိသွားလဲ''
"အဆုံးသတ်မှာ Jen တွေ့ရှိလိုက်တာက Young ဟာ ပွတ်သပ်ချော့မြှူတာကို ခံချင်တဲ့ ပါပီလေးတစ်ကောင်လိုပဲ။ ဒါပေမဲ့ Young က ဘယ်တော့မှ Young ရဲ့ လိုအပ်ချက်ကို ထုတ်ပြောမဲ့သူမဟုတ်ဘူး''
"ဝတ္ထုရေးနေပြန်ပြီ''
"ဟုတ်တယ် ရေးရမယ် Jen တို့ရဲ့ ဝတ္ထုက စတင်နေပြီမို့လို့''
"မင်းမတွေးမိဘူးလား ဝတ္ထုရဲ့ အဆုံးသတ်မှာ ဘာလို့ သူတို့ဝေးကွာသွားရလဲဆိုတာလေ''
"Sad ending ကို လူတွေက ပိုပြီးအမှတ်ရနေကြတာမို့လို့ တမင် ခွဲပစ်တာမဟုတ်ဘူးလား''
"Park ကိုယ်တိုင်က Jenny ကို မလိုချင်တော့လို့ ။
Park က သူ့ကို ဂရုစိုက်ပေးဖို့ လူတစ်ယောက်ကို အသည်းအသန်လိုအပ်ချင်လိုအပ်လိမ့်မယ်။ အချိန်အတိုင်းအတာ တစ်ခုထိလည်း အနားမှာ ရှိနေစေချင်လိမ့်မယ်။ ဒါပေမဲ့ Park ရဲ့ ပင်ကိုစိတ်ကိုက အနှောင်အဖွဲ့တွေကို ကြောက်နေတဲ့လူတစ်ယောက်ဖြစ်နေလို့ပဲ''
YOU ARE READING
𝙊𝙪𝙧 𝙏𝙧𝙞𝙡𝙤𝙜𝙮
Fanfictionချစ်ခြင်းတစ်ခုရဲ့ အစနဲ့ အဆုံးထက် ချစ်နေတဲ့ ကာလကိုပဲ ပိုသဘောကျမိတယ်။ ပြဇာတ်တစ်ပုဒ်ရဲ့ Beginning , middle, end ကိုယ့်ရဲ့ ရွေးချယ်မှုက ဘာဖြစ်မယ်လို့ထင်လဲ။ [April/19/2022....... May/22/2022]
