တိုက်အောက်မှာ Jisoo ရဲ့ ကားလေး ရပ်သွားတာကို Jennie မြင်လိုက်ရသည်။ ကားပေါ်ကဆင်းလာတဲ့Jisoo က အပေါ်ကို လက်မိုးရင်း မော့ကြည့်လာတယ်။ Jennie ပြတင်းပေါက်နားကနေ လက်လှမ်းပြလိုက်သည်။ မကြာခင်မှာ Jisoo ရဲ့ ဗျစ်တောက်ဗျစ်တောက် ညည်းညူသံတွေနားဆင်ရတော့မည်။
"အားး မောတယ်''
ဟောဟဲ ဟောဟဲဆိုက်နေတဲ့ Jisoo ရဲ့မျက်နှာဟာ ရှုံ့တွနေသည်။
"နင် သက်လုံမကောင်းဘူး Jisoo''
"သက်လုံကောင်းနေရအောင် ငါက အားကစားသမားမဟုတ်ဘူး''
"ခဏနားပြီးရေသောက်လိုက်''
ပြတင်းပေါက်နားမှာ လေတဖြူးဖြူးတိုက်ခတ်နေသည်။ Jisoo က သူမဘေးနားကို လာရပ်ရင်း သူမနည်းတူ တိုက်အပြင်ဖက်ကို ရပ်ငေးနေသည်။ Jisooရဲ့ နားရွက်နားကို Jennie နှာခေါင်းနီးကပ်သွားတော့ Jisoo က သူမရဲ့ လက်မောင်းကို ဖြန်းကနဲရိုက်ချလိုက်သည်။
"အဲ့လို မလုပ်စမ်းပါနဲ့ ရုတ်တရက်ကြီး''
"အရင်ကလည်း လုပ်နေကျပဲကို အခုထိနေသားမကျဘူး''
"ဟုတ်တယ် နေသားမကျဘူး တကယ်ကြက်သီးထတယ်။ အဲ့လို အနံ့လိုက်ခံနေတဲ့အကျင့်ကလည်း ဘယ်အချိန်မှပျောက်မယ်မသိဘူး''
"ပျောက်တော့မှာပါ နောက်ဆို ငါက Young ရဲ့ နားရွက်ဖျားလေးနဲ့ပဲ ငါ့နှာခေါင်းကိုထိတွေ့တော့မှာလေ''
"ဟိုက ရှူး..သွားစမ်း လို့ မောင်းမထုတ်ရင်ပဲ ကံကောင်းလှပြီ''
"ငါတစ်ခုပြောမယ်''
"မပြောနဲ့''
"ဇာတ်လမ်းတစ်ပုဒ်မှာ အဓိကဇာတ်ကောင်နှစ်ယောက်ညားဖို့ ဘာလုပ်ရမလဲ''
"မသိဘူး''
"ဟာ နင်ကလည်း ဖြေစမ်းပါဟ''
"နင်ကဘာတွေမေးနေတာလဲ''
"ကျစ်! ဒီတိုင်းပဲ ဖြေကြည့်ဟာ ''
"ဖန်တီးရမှာပေါ့ တစ်ယောက်နဲ့တစ်ယောက်မချစ်ချစ်အောင် ၊ အတားအဆီးတွေရှိရင် ဖယ်ရှားရှင်းလင်းလို့ရအောင် ၊ တစ်ဖက်ဖက်မှာ သက်ဆိုင်သူ ဇာတ်ပို့တစ်ယောက်ရှိနေရင် ဗီလိန်ဖြစ်အောင်လုပ်ပစ်မလား ဒါမှမဟုတ် အရမ်းကိုနားလည်ပေးပြီး သူ့ဘာသာပဲ နောက်ဆုတ်သွားအောင်လုပ်ပစ်မလား တစ်ခုခုကိုတော့ ဇာတ်လမ်းရေးသားသူက ဖန်တီးရမှာပဲ''
DU LIEST GERADE
𝙊𝙪𝙧 𝙏𝙧𝙞𝙡𝙤𝙜𝙮
Fanfictionချစ်ခြင်းတစ်ခုရဲ့ အစနဲ့ အဆုံးထက် ချစ်နေတဲ့ ကာလကိုပဲ ပိုသဘောကျမိတယ်။ ပြဇာတ်တစ်ပုဒ်ရဲ့ Beginning , middle, end ကိုယ့်ရဲ့ ရွေးချယ်မှုက ဘာဖြစ်မယ်လို့ထင်လဲ။ [April/19/2022....... May/22/2022]
